Árbók VFÍ/TFÍ - 01.06.2008, Page 38

MENNT - Samstarfsvettvangur atvinnulífs og skóla
Samtökin voru stofnuð 27. nóvember 1998 með sameiningu Sammenntar og Starfs-
menntafélagsins. Voru VFI og TFI meðal stofnaðila en félögin voru áður þátttakendur í
Sammennt. Fulltrúi VFÍ hjá Mennt árið 2007 var Sigurður M. Garðarsson.
Samstarfsvettvangi atvinnulífs og skóla slitið
Aðalfundur Menntar var haldinn 27. nóvember 2007. Fyrir aðalfundinum lá samþykki
meirihluta félagsaðila um að slíta félaginu í samræmi við 10. gr. laga Menntar, en hún er
svohljóðandi: „Ef meirihluti félaga ákveður svo skal leggja félagið niður og skal eignum
og skuldum þess skipt milli félagsaðila í hlutfalli við árgjaldið sem þeir greiða". I sam-
ræmi við ákvörðun aðalfundar Menntar var félagsaðilum í byrjun desember 2007 sendur
reikningur vegna innheimtu félagsgjalds/slitagjalds á grundvelli 10. gr. laga Menntar.
Verkefni stjórnar Menntar nú er að ljúka þeim málum sem varða félagið, láta ganga frá
reikningum þess og eignum og undirbúa jafnframt formleg slit félagsins. Því starfi mun
ljúka með því að stjómin boðar svo fljótt sem auðið er félagsaðila Menntar til skilafundar,
þar sem félaginu verður endanlega slitið.
Vefsíða MENNTAR er www.mennt.is. Þar má finna frekari upplýsingar um samtökin og
helstu verkefni sem Mennt sinnti.
Steindór Guðmundsson, formaður Menntamálanefndar VFÍ
Faghópur um hljóðhönnun
Stjórn faghópsins skipa Steindór Guðmundsson formaður, Sigurður Karlsson og
Bergþóra Kristinsdóttir. Á starfsárinu hætti Ólafur Hjálmarsson í stjóminni en Sigurður
Karlsson kom í hans stað. Faghópurinn er opinn öllum þeim sem áhuga hafa á hljóð-
hönnun og hljóðvist innan húss og utan. Þeim sem hafa áhuga á að starfa með félaginu
er bent á að skrá sig hjá skrifstofu VFÍ/TFÍ og koma netfangi sínu á póstlista faghópsins.
Félag um hljóðhönnun var stofnað haustið 2006 sem faghópur innan vébanda VFÍ og TFÍ.
í nóvember 2006 hélt félagið ráðstefnu um hljóðhönnun bygginga og í ágúst 2008 stóð
félagið fyrir norrænni/alþjóðlegri hljóðhönnunarráðstefnu á Islandi, BNAM 2008. Þetta
er norræn ráðstefna sem haldin er annað hvert ár til skiptis af norrænu fagfélögunum um
hljóðhönnun og Eystrasaltslöndin hafa einnig átt aðild að henni síðastliðinn áratug. Þetta
var í fyrsta skipti sem þessi ráðstefna er haldin á Islandi.
í september 2007 sótti formaðurinn ársþing evrópskra hljóðhönnunarfélaga sem boðs-
gestur. Ársþingið var haldið í Madrid í tengslum við ráðstefnuna ICA 2007. Á fundinum
sótti íslenska félagið um aðild að Evrópusamtökunum og var umsóknin einróma
samþykkt.
VFI og TFI fengu til umsagnar drög að nýrri hávaðareglugerð á árinu 2007, sem félögin
vísuðu til starfshópsins um hljóðhönnun. Safnað var saman nokkrum umsögnum félags-
manna og voru þær sendar umhverfisráðuneytinu í einu lagi, en ekki innbyrðis sam-
ræmdar. Reglugerðin kom út á vormánuðum 2008.
Steindór Guðmundsson formaður
Austurlandsdeild
Deildir VFÍ og TFÍ á Austurlandi stóðu ekki fyrir neinum atburðum á starfsárinu 2007 til
2008. í stjórn AVFÍ sátu Ingólfur Öm Arnarson formaður, Óli Metúsalemsson ritari og
Jóhannes Pálsson gjaldkeri.
3 6 | Á r b ó k VFl/TFl 2008