Árbók VFÍ/TFÍ - 01.06.2008, Blaðsíða 39

Norðurlandasamstarf
VFI og TFÍ voru gestgjafar á aðalfundi Nording sem haldinn var hér á landi dagana
23.-26. ágúst 2007. Nording er samstarfsvettvangur norrænna félaga verkfræðinga og
tæknifræðinga. Á fundinn mættu formenn og framkvæmdastjórar félaganna auk gesta-
fulltrúa frá Eistlandi. Árið 2003 tók Nording við af NIM sem samstarfsvettvangur nor-
rænu félaganna. Fram að þeim tíma funduðu norrænir verkfræðingar og tæknifræðingar
hvorir í sínu lagi. Tíu félög eiga aðild að Nording og eru félagsmenn þeirra samtals um
430 þúsund. Meðal verkefna Nording er samræming á stefnu félaganna í Evrópu-
samstarfi og að koma fram fyrir hönd félaganna gagnvart Evrópusambandinu og stof-
nunum þess. Heimasíða Nording er: www.nording.org.
Á fundinum báru fulltrúarnir saman bækur sínar varðandi stöðu mála á vinnumarkaði
og helstu verkefni hvers félags. Sérstaklega var rætt um leiðir til að auka áhuga nýút-
skrifaðra verkfræðinga og tæknifræðinga á að ganga í félögin. Öll þurfa félögin að takast
á við minnkandi áhuga ungs fólks og meiri samkeppni frá öðrum félögum.
ANI
Sagt var frá nýjum samstarfsvettvangi sem félögin í Danmörku, Svíþjóð og annað af
tveimur félögum í Noregi hafa sett á laggirnar til að sinna sérstaklega samskiptum við
Evrópusambandið. Var rætt hvernig Nording og þessi nýi vettvangur (ANI) geta unnið
saman.
Eistland
Undanfarin ár hefur Nording stutt við bakið á félagi verkfræðinga og tæknifræðinga í
Eistlandi, EPAE (Estonian Professional Association of Engineers). Fulltrúar frá Eistlandi
gerðu grein fyrir stöðu mála þar í landi. Kom fram að helstu verkefni félagsins eru á sviði
menntunar- og starfsheitismála, bæði innanlands og á alþjóðavísu. Félagið á við ramman
reip að draga því félagsmenn eru hlutfallslega fáir og erfitt hefur reynst að skapa félag-
inu þá stöðu, m.a. fjárhagslega, sem þarf. EPAE var stofnað árið 1994 af 16 verkfræð-
ingum/tæknifræðingum. I janúar síðastliðnum voru félagsmenn samtals um 600, þar af
voru um 400 ungfélagar, 76 eldri félagar og aðeins 120 fullborgandi félagsmenn. Þess má
geta að í Eistlandi eru aðeins 9% fólks á vinnumarkaði í stéttarfélagi. Verkfræði og
tæknifræði eru ekki vinsælar greinar meðal ungs fólks. Auk þess er áhyggjuefni hversu
lítill hluti þeirra sem hefur lokið slíku námi vinnur við fagið og margir vinna erlendis, þá
iðulega í störfum sem ekki krefjast slíkrar menntunar.
Framkvæmdastjórafundur
Fundur framkvæmdastjóra norrænu verkfræðinga- og tæknifræðingafélaganna var
haldinn í Helsinki 12. apríl 2007. Á fundinum gerðu framkvæmdastjórar félaganna grein
fyrir helstu verkefnum sem eru í gangi eða undirbúningi hjá félögunum. Meðal annars
skýrði Erik Prytz hjá NITO frá því að ártuga löng kynning félagsins á raungreinum væri
farin að bera árangur því fjölgun væri í tæknifræðinámi í Noregi. Richard Malmborg
gerði grein fyrir sameiningu sænska verkfræðingafélagsins CF og tæknifræðinga-
félagsins ING, sem hann taldi að hafi gengið einstaklega vel. Heikki Kauppi sagði frá
rannsóknar-niðurstöðum á vegum finnska verkfræðingafélagsins TEK „Teknologi
Barometer" sem var að koma út í þriðja sinn. Þetta er einstakt tæki sem mælir stöðu sér-
fræðiþekkingar og þróunar á sviði tækni- og vísinda í ákveðnum löndum. Eitt af þeim
verkefnum sem TEK vinnur að er að koma upp á vefnum fyrir félagsmenn því sem þeir
kalla „Self analysis tools".
Aðalviðfangsefni fundarins var hins vegar undirbúningur fyrir aðalfund norrænu félag-
anna sem haldinn var í Reykjavík í ágúst 2007.
3 7
Félagsmál Vfí/TFÍ