Árbók VFÍ/TFÍ - 01.06.2008, Qupperneq 137

anum mun hlutur uppboða á losunarheimildum aukast og verður 100% eigi síðar en árið
2020. Samkvæmt spám mun árið 2012 verða skortur á losunarheimildum vegna mikils
vaxtar í fluginu, en losunarheimildir verða miðaðar við meðaltal losunar áranna
2004-2006. Þá munu flugrekendur væntanlega kaupa viðbótarheimildir frá öðrum starfs-
greinum, hagræða í rekstri sínum og beita betri tækni, t.d. með því að kaupa nýjar spar-
ney tnari flugvélar og búnað í þær sem dregur úr eldsneytiseyðslu og þar með losun á C02.
Eldsneytiseyðsla farþegaflugvéla - þáttur CL-44
Til að geta ferðast til og frá landinu í flugi í framtíðinni þarf útblásturskvóta. Því spar-
neytnari sem flugvélin er pr. farþegakílómetra því minni kvóta þarf að kaupa. Hvaða
flugvélar eru hentugastar í því tilviki? Nýjustu flugvélar af stærstu gerð eins og A-380
eru líklega vænlegastar í því samhengi og verið er að tala um að þróa nýjar sparneytnar
skrúfuþotur. En áhugavert er að skoða í þessu samhengi eldsneytiseyðslu skrúfuþotna
sem voru í rekstri Loftleiða fyrir meira en 35 árum.
Canadair CL-44 var skrúfuþota sem var sérstaklega gerð fyrir vöruflutninga. Hún var
endurhönnun á Bristol Britannia og var með Rolls Royce Tyne hreyfla. Hjá Konunglega
kanadíska flughernum var hún auðkennd CC-106 Yukon sem herflugvél og var borgara-
lega útgáfan af henni svo auðkennd CL-44 og flaug hún í fyrsta sinn þann 16. nóvember
1960. Aðeins voru frameiddar 39 CL-44 og voru flestar þeirra notaðar sem vöruflutn-
ingaflugvélar eingöngu.
Loftleiðir keyptu fimm CL-44 og var eini flugrekandinn sem notaði hið lengda J-afbrigði
í farþegaflugi. Hagkvæmni flugvélarinnar jókst þegar skrokkurinn var lengdur um 4,62
metra og gátu þær þá flutt 29 farþega í viðbót og var heildarsætafjöldinn þá kominn í 189.
Á seinni helmingi sjöunda ártugarins var CL-44J stærsta farþegaflugvélin sem flaug yfir
Atlantshafið á þeim tíma. Hún var stærri en þau afbrigði sem voru í notkun af Boeing 707
eða Douglas DC-8 á þeim tíma.
Loftleiðamenn markaðssettu flugvélina sem „Rolls Royce 400 JetProp" og var það til-
vísun í hina geysiöflugu Rolls Royce Tyne hreyfla sem sneru einhverjum stærstu loft-
skrúfum í heimi og knúðu þeir flugvélina á allt að 400 mílna hraða á klukkustund í far-
flugi (cruise). Hreyflarnir framleiddu 5.305 hestöfl (shp) inn á ásinn í loftskrúfuna en að
auki fékkst 1.110 punda knýr, enda skrúfuþota, og samtals var aflgildi hreyfilsins metið
5.730 hestöfl tehp (total equivalent horsepower ). Hjá starfsfólki Loftleiða gekk flugvélin
undir nafninu „Monsi" sem er skemmtileg íslensk stytting á enska orðinu „Monster".
Loftleiðir skiptu út CL—44 skrúfuþotunum fyrir DC-8 Super 60 afbrigði upp úr 1970.
Félagsmál Vfl/TFl i 1 3 5