Árbók VFÍ/TFÍ - 01.06.2008, Blaðsíða 139

háskólinn í reykjavík
reykjavík university
Háskólinn í Reykjavík er háskóli 21. aldarinnar. Hlutverk hans er að skapa og miðla
þekkingu en samkeppnishæfni einstaklinga, fyrirtækja og þjóða á 21. öldinni ræðst af
hæfni þeirra til að nýta þekkingu til framfara og þátttöku í alþjóðasamfélaginu.
I stefnu HR er tekið mið af kröfum atvinnulífsins. Þannig verða skilin á milli fræðasviða
sífellt óskýrari og samþætting á milli þeirra mikilvægari. Krafan um aulma samskipta-
leikni og færni í alþjóðlegum samskiptum til að tryggja lmökralaust samstarf á milli
ólíkra menningarheima og sérfræðisviða gerist æ háværari.
Innan veggja Háskólans í Reykjavík starfa einstaklingar sem stunda rannsóknir á
heimsmælikvarða, einstaklingar með mikla reynslu úr atvinnulífinu og fjöldi erlendra
gestakennara. Þessi breidd skapar tækifæri til að skapa skólanum sterka akademíska
stöðu, alþjóðlegan blæ og bjóða hagnýtt nám með þarfir atvinnulífsins í fyrirrúmi.
Framtíðarsýn HR er að verða einstakur háskóli sem getur brúað bilið á milli viðskipta og
tækni, rökhugsunar og sköpunargleði, þekkingarsköpunar og hagnýtingar. Stefna
háskólans er skýr: Að leggja allan metnað í að skapa og miðla þekkingu til að auka
samkeppnishæfni og lífsgæði í samfélaginu. Háskólinn í Reykjavík starfar án landamæra
með þeim bestu á viðkomandi sviðum.
Framtíðarhúsnæði HR
Framtíðarstaðsetning HR verður í glæsilegu húsi við Öskjuhlíðarrætur. Framkvæmdir
við byggingu hússins, sem er alls tæplega 40.000 m2, liófust haustið 2007. Uppsteypa
hússins er í höndum ístaks, sem jafnframt er stýriverktaki yfir allri framkvæmdinni og
hefur þannig umsjón með fjölmörgum öðrum aðilum sem koma að byggingunni.
Arkitektar hússins eru Arkís og Henning Larsen Architects í Danmörku auk
Landmótunar og verkfræðihönnuðir Mannvit, VST-Rafteikning og Cowi í Danmörku.
Fasteign byggir húsið en Línuhönnun hefur verið ráðgjafi HR við undirbúning bygging-
arinnar.
Verkinu miðar vel áfram og í upphafi næsta skólaárs, í ágúst 2009, verður tilbúin til
notkunar aðstaða í um 20.000 fermetrum fyrir Tækni- og verkfræðideild, tölvunar-
fræðideild og viðskiptadeild. Ári seinna verður allt húsið tekið í notkun og kemst þá öll
starfsemi Háskólans í Reykjavík undir eitt þak.