Árbók VFÍ/TFÍ - 01.06.2008, Blaðsíða 241

innan sama fyrirtækis, fossalíkanið hentar til dæmis vel fyrir verkefni með lágt flækjustig
á meðan DSM-aðferðin hentar vel fyrir verkefni með hátt flækjustig. Astæðan fyrir því að
líkan Coopers er staðsett í miðjunni er sú að þar eru innbyggðir þættir sem gera árangur
líklegri í vöruþróun. Við val á líkani er því gott að byggja á líkani Coopers en jafnframt
er mikilvægt að hafa eiginleika annarra líkana til hliðsjónar og nýta þá þætti sem henta
starfsemi fyrirtækisins.
Rannsóknin
A haustmánuðum 2007 var framkvæmd mjög ítarleg rannsókn á vöruþróun hjá íslensk-
um fyrirtækjum. Tilgangurinn með rannsókninni var að kanna hvert væri framlag fyrir-
tækja til vöruþróunar á Islandi í nútímanum. Með framlagi til vöruþróunar er átt við
hvernig starfshættir og innviðir fyrirtækja eru hvað vöruþróun varðar. Farið var yfir fyrri
rannsóknir sem gerðar hafa verið á vöruþróun og skoðaðar ýmsar kenningar og líkön
sem notuð hafa verið við vöruþróun. I framhaldi af þessu var útbúinn spurningalisti sem
sendur var út í formi netkönnunar. Við gerð spurningalistans var horft til fyrri rannsókna
og þá var sérstaklega horft til rannsókna PDMA, Product Development and Management
Association (Adams, 2004) til að samanburður fengist við niðurstöður spurningalistans.
Haft var samband símleiðis við fyrirtæki og talað við stjórnendur eða þá sem höfðu
umsjón með vöruþróun. Rannsóknin var kynnt stuttlega í gegnum síma og í kjölfarið var
könnunin send út. Hún var send á 67 fyrirtæki í vöruþróun, alls fékkst 31 nothæft svar
og svörun var því 46%. Helstu niðurstöður hvað varðar notkun á líkönum voru að aðeins
helmingur fyrirtækja notar formlegt ferli í vöruþróun. Rannsóknir hafa þó sýnt að
notkun á formlegu ferli eykur líkurnar á árangri í vöruþróun (Cooper og Kleinschmidt,
1995). Annað sem var athyglisvert varðandi vöruþróunar-
ferlið var að aðeins um þriðjungur fyrirtækja hefur inn-
byggða ákvörðunarpunkta þar sem ákvarðanir eru teknar
um framhald verkefna.
Þessir ákvörðunarpunktar eru mjög mikilvægir þar sem
stjórnendur koma að ákvörðunum um framhald verkefna.
Stjórnendur þurfa að vera þátttakendur í ferlinu og taka
ákvarðanir um framhald þeirra þar sem það eru þeir sem
stýra aðföngum til verkefna. Miklu máli skiptir að mark-
mið í vöruþróun séu hluti af stefnu fyrirtækisins og að
stefnan sé sýnileg öllum starfsmönnum. Það að stefnan
innihaldi markmið í vöruþróun gerir starfsmeim líklega
meðvitaðri um vöruþróun fyrirtækisins. Niðurstöður
rannsóknarinnar sýndu að innan við helmingur fyrirtækja
eða 45% hefur stefnu sem stjórnar og samþættar vöru-
þróun fyrirtækisins. Fyrirtæki sem framleiða vörur eru lík-
legri en þjónustufyrirtæki til að hafa markmið í vöruþróun
sem hluta af stefnu sinni. Niðurstöður rannsóknarinnar
voru bornar saman við niðurstöður rannsóknar PDMA frá
2004 (Adams, 2004). Á mynd 5 má sjá nokkra þætti sem
sameiginlegir voru rannsóknunum og það hlutfall fyrir-
tækja sem staðhæfingarnar eiga við. Af samanburðinum
má sjá að framlag íslenskra fyrirtækja til vöruþróunar var
talsvert lægra en í rannsókn PDMA og gera má ráð fyrir að
íslensk fyrirtæki geti því bætt heildarframlag sitt til
vöruþróunar verulega.
Ferli við stjómun
verkefnaskráar.
Markmiðsett
varðanoi
soiutekjur
tilkomnarvegna
vðruþróunar.
Mynd 5. Við hvern ás radarsins á
radarmyndinni er þáttur sem tengist
vöruþróun. Þættirnir á myndinni eru
sameiginlegir rannsóknum PDMA
2004 og GMG 2007 og þar má sjá í
hve mörg prósent fyrirtækja stað-
hæfingin á við.
Heimild: (Grétarsdóttir, 2008) bls. 95.
Ritrýndar vísindagreinar i 2 3 9