Árbók VFÍ/TFÍ - 01.06.2008, Síða 267

sem eins og hin fyrri tvö stóð í um tvær
vikur. Hámarki náði hitastigið 7. september.
Tveimur sólarhringum fyrr, þann 5. septem-
ber, gerði mikla úrkomu á Nesjavöllum og
fylgdi henni mjög ör hækkun á rakastigi
jarðvegsins umhverfis strenginn. Þegar hita-
stigið náði hámarki þann 7. september bætti
enn á úrkomumagnið og enn frekar þann 8.
Þegar hér var komið sögu var allur jarð-
vegur umhverfis strenginn orðinn vel rakur
og varmaleiðandi og hitastigið fann sér á
skömmum tíma nýtt jafnvægisgildi í rúmum
40°C.
Sumarið 2007 var óvenju þurrt á suðvestur-
landi. Samfellt þurrkaskeið stóð frá 27. maí
til 8. júlí eða í um 6 vikur. Góð skilyrði voru
því til að rannsaka áhrif sílækkandi
rakastigs jarðvegsins umhverfis strenginn á
varmaflutning frá strengnum og hitastig
hans (mynd 5).
Skert álag var á strengnum frá 11.-27. júní
vegna viðhalds véla. I lok viðhaldstímans
var hið langa þurrkaskeið sumarsins um
það bil hálfnað og jarðvegur orðinn mjög
þurr. Mældist rakastigið þann 27. júní, þegar
strengurinn var fulllestaður að nýju, um
18% eða með því lægsta sem mælst hafði
fram að þeim tíma. Hitastigið við kápu
strengsins reis hratt og náði hámarki mán-
uði síðar þann 27. júlí og mældist þá 66°C og
hafði þá ekki mælst hærra.
—Hitastig
viö kápu
Álag á
Nesjavallastreng
—Rakastig
jarövegs
| Mynd 4. Hækkun hitastigs í ágúst og september 2006.
—Hitastig
við kápu
Dags.
—Álag á
Nesjavallastreng
——Rakastig
jarövegs
Mynd 5. Niðurstöður hita- og rakamælinga við
Nesjavallastreng sumarið 2007.
Þann 20. júlí hafði rakastig jarðvegsins á
mælistað á Nesjavöllum lækkað niður í 16%
og hafði aldrei mælst lægra. Þá lauk þurrka-
skeiðinu þegar tvívegis gerði mikla úrkomu á svæðinu með um það bil viku millibili.
Raki jarðvegsins óx hratt og var kominn í 19% í lok júlí. Hækkun rakastigsins nægði til
þess að draga tók úr hitagosinu og hitastig fór síðan lækkandi fyrstu vikuna í ágúst.
Akveðið var þann 8. ágúst, í ljósi þess hve strengurinn var orðinn heitur, að draga úr álagi
hans um 10 MW í nokkrum stuttum hrinum og hafði það einnig sitt að segja.
Frá 1.-21. ágúst gerði annað þurrkaskeið og fór jarðvegsraki ört lækkandi á ný. Álag
strengsins var aftur sett fast í 110 MW og hitastig við kápu hækkaði á ný. Þá gerðist það
nær samtímis þann 21. ágúst að hafist var handa við síðustu vélarupptekt sumarsins um
leið og regntími haustsins byrjaði fyrir alvöru. Eftir það voru hitavandamál strengsins úr
sögunni í bili.
Tilraun með vatnskælingu jarðstrengshluta Suðurnesjalínu í aðveitustöðinni við
Hamranes
Reynslan af rekstri Nesjavallastrengs og niðurstöður mælinga á hitastigi strengsins og
rakastigi jarðvegs næst strengnum hefur á óyggjandi hátt leitt í ljós mikilvægi rakans á
Tækni- og vísindagreinar
2 6 5