Neytendablaðið - 01.12.1991, Qupperneq 5

Þjóðin komin
í neyslu-
vímu
Þriggja daga jólahátíð er framund-
an eftir langan og vaxandi að-
draganda. Strax í byrjun nóvember
byrjuðu kaupmenn að minna neyt-
endur á jólin, þessa mestu neysluhá-
tíð ársins. Jólaumfjöllun fjölmiðlanna
hefur vaxið stig af stigi.
Auglýsingaflóðið er að ná hámarki.
Og þjóðin er komin í neysluvímu,
búin að gleyma timburmönnunum frá
því síðast. Fyrir síðustu jól notuðu
landsmenn greiðslukortin sín helm-
ingi meira en að jafnaði á öðrum ár-
stímum. Velta í ýmissi smásöluversl-
un jókst gífurlega miðað við aðra
mánuði. Það er engin ástæða til
þess að ætla að þjóðin slái af í ár,
þrátt fyrir spár um minnkandi kaup-
mátt og erfiðleika í þjóðarbúskapn-
um. Þannig hafa enn fleiri farið í inn-
kaupaferðir í ár en í fyrra og mikl-
um sögum fer af neyslu landans á
erlendri grund, jafnt sem hér
heima. Viðmælendur Neytenda-
blaðsins, séra Jón Dalbú Hró-
bjartsson og Guðrún Alda
Harðardóttir fóstra, gagnrýna
jólahald landsmanna í við-
tölum sem birt eru á næstu
síðum. Arnmundur Backman
hefur auk þess veitt blaðinu góðfús-
legt leyfi til þess að vitna í bók hans
um neysluþrælana Hermann og
Línu, sem margir ættu að kannast
við, en við setjum ýmsar tilvitnanir úr
bókinni í samhengi við tölulegar
staðreyndir frá síðustu jólum.
Viðtöl og greinar um neysluhátíð ársins á næstu síðum ^
NEYTENDABLAÐIÐ - Desember 1991
5