Bændablaðið - 08.06.2004, Síða 12

12 Þriðjudagur 8. júní 2004
Brotið var blað í
menntunarsögu Hvanneyrar þegar
skólanum var slitið en nú
brautskráðust fyrstu nemendur
sem stundað hafa nám á
umhverfiskipulagsbraut og fyrstu
nemendur úr kandidatsnámi eftir
nýrri skipan skólans. Þetta kom
fram í skólaslitaræðu Magnúsar B.
Jónssonar rektors. Nú eru fjórar
háskólanámsbrautir í boði.
"Í kjölfar þess að skólinn var
formlega gerður að háskóla
óttuðust margir að
starfsmenntanámið myndi smám
sama dragast saman. Það hefur
ekki orðið raunin. Aðsókn að
bændadeildinni hefur ekki dregist
saman nema síður sé og nemendur
sem þaðan brautskrást fara í meira
mæli í búskap en gerðist hér áður
fyrr og við verðum ekki vör við
annað en að námið standi á
traustum grunni," sagði Magnús.
Rektor sagði viðfangsefni
landbúnaðarins margbrotnara og
kröfurnar um sérhæfingu og
rekstrarhagkvæmni væri sífellt að
vaxa. "Nú hefur verið ákveðið að
gera nokkra endurskoðun á
bændadeildarnáminu með það að
leiðarljósi að efla og styrkja
bændur framtíðarinnar til að takast
á við þau tækifæri sem þar
bjóðast. Breytingarnar eru í raun
að mestu skipulagsbreytingar en
fela þó í sér breyttar áherslur á
nokkrum sviðum. Það verður unnt
að ná meiri sérhæfingu, það
verður meiri áhersla á
rekstrargreinar og námsdvölin
verður færð til þannig að tryggara
verði að allir nemendur kynnist
fjölþættari verkefnum en með
núverandi kerfi. Vinna við þessa
endurskipulagningu er hafin og
við áformum að innrita nemendur
næsta haust eftir nýju skipulagi."
Magnús ræddi fyrirhugaðar
skipulagsbreytingar á Hvanneyri -
sem Bændablaðið hefur greint frá
og Alþingi samþykkti á dögunum
- og sagði afl sameinaðrar
stofnunar á sviði rannsókna aukast
að miklum mun. Sameiningin
muni þó taka nokkurn tíma og
verða um margt viðkvæm fyrir
starfsfólk stofnananna.
Í ávarpi til nýútskrifaðra
nemanda sagði Magnús B.
Jónsson að þeir hefðu valið sér
göfugan starfsvettvang.
"Landbúnaðurinn í víðasta
skilningi þess orðs er
samtvinnaður frumþörfum alls
mannkyns og verður því ávallt að
vera í hásæti þegar fjallað er um
komandi kynslóðir. Það er því
óhjákvæmilegt að þið munið verða
í forystusveit framtíðarinnar.
Færni og þekking á landbúnaði er
því ein af frumforsendum þess að
samfélög framtíðarinnar reki ekki
upp á sker. Það stendur ekki öllum
til boða að mennta sig á sínu
áhugasviði og því er það skylda
okkar að nýta menntunina til
góðra verka fyrir samfélagið og
mannkynið allt. Í því ljósi hafið
þið skyldum að gegna í eigin landi
og á alþjóðlegum vettvangi bæði
sem fagfólk og einstaklingar,"
sagði rektor og óskaði
nemendunum til hamingju með
daginn.
Brotið blað í menntunarsögu Hvanneyrar
"Ég yfirgef
Hvanneyri með
söknuði og gleði.
Þetta hefur verið
afar skemmtilegur
tími," sagði
Sigríður
Ólafsdóttir í stuttu
spjalli við
Bændablaðið.
Sigríður hefur
verið tvö ár á
Hvanneyri og
útskrifaðist sem
búfræðingur.
Aðspurð sagði
Sigríður að nú
hefði hún í hyggju
að taka sér árs frí
og vera heima í
Víðidalstungu. "En
ég stefni á meira
nám og það getur
vel verið að ég
komi hingað á ný
og þá í
háskóladeildina í
búvísindin."
Hvað er það sem
námið gaf Sigríði?
"Það má ef til vill
segja að nú hafi
maður þekkingu -
til þess að leita
sér frekari
þekkingar. Ég get
mælt með þessu
námi fyrir þá sem
hafa áhuga á
búskap og
skepnum almennt.
Aðstaðan er ágæt.
Á næsta ári verður
bændadeildarnem
um boðið upp á að
vera á nemenda-
görðunum og hér
er líka mjög fín
heimavist. Það
stendur fyrir
dyrum að breyta
skipulagi náms í
bændadeild og ég
er mjög sátt við
tillögurnar."
"Já, þetta hefur
gengið ágætlega,"
sagði Oddný
Steina Valsdóttir
þegar Bænda-
blaðið hitti hana á
Hvanneyri eftir
skólaslit. "Ég ætla
að koma hingað
aftur í haust og
klára fjórða árið
enda er gott að
vera á Hvanneyri.
Hér er gott
samfélag og góður
andi í skólanum.
Það fer ekki hjá
því að maður
kynnist fólki alls
staðar að af
landinu" sagði
Oddný Steina.
Eins og kunnugt er
hefur LBH lagt æ
meiri áherslu á
nám í umhverfis-
fræðum. Oddný
Steina sagði að
þetta væri jákvæð
þróun því það nám
stundaði oft fólk
sem hefði ekki
jafn mikil tengsl
við landbúnaðinn
og þeir sem væru
á öðrum brautum í
LBH. Það væri
hollt fyrir þessa
hópa að hittast og
skiptast á
skoðunum.
"Framtíð
Hvanneyrar er
björt," sagði
Oddný Steina.
"Það er ekki
spurning."
Föstudaginn 28. maí var brautskráning nemenda frá Landbúnaðarháskólanum á Hvanneyri með hátíðlegri og fjölmennri athöfn í Reykholtskirkju. Við þetta tækifæri voru í fyrsta sinn
útskrifaðir nemendur með 90 eininga BS-próf af umhverfisskipulagsbraut en hún hefur verið starfrækt við skólann síðan haustið 2001. Að þessu sinni brautskráðust alls fjórtán nemendur með
90 eininga BS-próf og þrír með 120 einingar. Alls útskrifuðust 17 nemendur á háskólastigi og 29 úr bændadeild, þar af 7 sem stundað hafa fjarnám við skólann. Sex nemendur brautskráðust
af búvísindabraut, fjórir af landnýtingarbraut og fjórir af umhverfisskipulagsbraut. Hæstu einkunn þeirra sem tóku 120 eininga próf hlaut Hallfríður Ósk Ólafsdóttir, en hún var með einkunnina
8,24. Af þeim sem tóku 90 eininga BS-próf var Oddný Steina Valsdóttir hæst með 8,40 í einkunn. Hæstu einkunnargjöf fyrir BS-ritgerð hlutu að þessu sinni tveir nemendur sem voru
nákvæmlega jafnháir með 9,0. Það voru þau Lena Johanna Reiher og Borgar Páll Bragason. Hæstu einkunn á búfræðiprófi hlaut Sigríður Ólafsdóttir en hún hlaut einkunnina 9,02. Þetta er í
annað sinn sem nemendur útskrifast eftir að hafa stundað allt sitt háskólanám við LBH eftir að skólinn var formlega gerður að háskóla með lögum árið 1999. Við skólann er nú boðið upp á
nám á fjórum sviðum auk búnaðarnámsins, þ.e. í búvísindum, landnýtingu, umhverfisskipulagi og skógrækt.
Álfheiður Marinósdóttir, kennslustjóri LBH afhendir nemendum Handbók
bænda - sem Íslandsbanki færði nemendum að gjöf.
Sigríður Ólafsdóttir frá Víðidalstungu varð
búfræðingur.
Oddný Steina Valsdóttir lauk námi á
búvísindabraut (BS 90). Í sumar hefur hún
í hyggju að vinna hjá Búnaðarsambandi
Austurlands á Egilsstöðum.