Bændablaðið - 08.06.2004, Qupperneq 27

Þriðjudagur 8. júní 2004 27
Það er ekki langt síðan
Ferðaþjónusta bænda hóf að
bjóða fólki ferðir til útlanda. Í
ár hafa verið farnar og munu
verða farnar fjölmargar ferðir
til hinna ýmsu landa í
veröldinni. Ljóst er að
utanlandsdeild FB er í mikilli
uppsveiflu.
Hugrún Hannesdóttir,
sölustjóri utanlandsdeildarinnar,
sagði í samtali við Bændablaðið
að fyrsta ferðin á árinu hafi verið
farin í febrúar sl. og var þar um
skíðaferð að ræða. Síðan var
boðið uppá 15 daga ferð til Kína í
apríl sl. sem tókst einstaklega vel
en mikið reynir á hæfileika
starfsmanna ferðaskrifstofa sem
skipuleggja ferðir til jafn fjarlægra
landa og Kína. Flogið var frá
Íslandi til Frankfurt og þaðan til
Sjanghæ og síðan heim á leið frá
Peking.
Í júní er í boði hjólaferð um
Alpana og síðan verða í boði
margar ferðir síðari hluta ársins.
Þar má nefna bændaferð til
Skotlands 24. ágúst nk. og er
uppselt í þá ferð nú þegar. Um
svipað leyti verður farin
gönguferð um Alpana.
Þá verða farnar tvær ferðir til
Kína. Lagt verður af stað í þær 2.
og 3. september nk. og er þar um
óskyldar ferðir að ræða og munu
hóparnir ekkert hafa saman að
sælda á leiðinni. Uppselt er í
ferðina 2. september.
Í lok september verður farið til
Lapplands á vegum FB og er þar
um að ræða sérferð fyrir
ferðaþjónustufólk. Í október
verður boðið upp á
vínsmökkunarferð til
Frankenhéraðs í Þýskalandi og í
nóvember verður farið til Burma
og loks verða farnar helgarferðir á
jólamarkaði í Þýskalandi.
Utanlandsdeild Ferðaþjónustu bænda í mikilli sókn
Hópurinn frá Ferðaþjónustu bænda við Kínamúrinn.