Bændablaðið - 08.06.2004, Page 28

28 Þriðjudagur 8. júní 2004
Útsölustaðir um allt land
Hringið og leitið
upplýsinga!
Hliðgrindur og rafgirðingaefni
í miklu úrvali
Hliðgrindur:
st. 3,96 x 100 = kr. 20.868
st. 3,66 x 100 = kr. 15.997
st. 2,44 x 100 = kr. 14.648
st. 2,13 x 100 = kr. 12.425
st. 1,82 x 100 = kr. 11.717
Lama- og læsingasett
= kr. 2.976
Rafgirðingar
Góður kostur
Markmið með þessum breytingum er að
draga úr kostnaði við ullarsöfnun og að
einfalda vinnu við uppgjör á ull til bænda.
Gert er ráð fyrir að framleiðendur flokki
ullina og pakki henni í lofttæmdar umbúðir
til að draga úr rúmmáli hennar.
Þá er gert ráð fyrir að framleiðendur geti
skráð niðurstöðu flokkunar á heimasíðu
Ístex. Með því móti er hægt að ganga frá
uppgjöri mun fyrr en ella. Heimaflokkun er
síðan staðfest þegar ullin er þvegin og er þá
hægt að ganga frá endanlegu uppgjöri.
Um 65% af söfnunarkostnaði fer til að
greiða fyrir mat og flutning á ullinni miðað
við núgildandi skipulag. Flutningskostnaður
hefur aukist mjög á undanförnum árum og er
því mikilvægt að draga úr rúmtaki ullarinnar
eins og kostur er. Til að það sé hægt verður
að flokka ullina áður en henni er pakkað til
flutnings.
1. Flokkun.
Ullin verði flokkuð hjá framleiðendum
og er heppilegast að flokka um leið og rúið
er því þá er auðveldast að meta ástand
ullarinnar. Ef framleiðendur treysta sér ekki
til að flokka ullina sjálfir er gert ráð fyrir að
þeir geti fengið aðstoð ullarmatsmanns gegn
greiðslu kostnaðar.
Ef ull er send óflokkuð til þvottastöðvar
verður óskemmd hvít ull meðhöndluð sem
H-2 og sauðalitir sem M-2. Kostnaður
vegna auka meðhöndlunar verður dreginn
frá verðmæti óflokkaðrar ullar, 10,- krónur á
innlagt kg.
2. Skráning.
Þegar flokkun liggur fyrir þarf að senda
niðurstöðu á skrifstofu Ístex og verður hægt
að gera það með eftirfarandi hætti:
Skráning á heimasíðu Ístex.
Senda með tölvupósti.
Senda bréf í pósti.
Senda símbréf.
Með upplýsingum um niðurstöðu
flokkunar þarf að fylgja:
Nafn, heimilisfang og kennitala inn-
leggjanda.
Magn í hvern ullarflokk.
Pokafjöldi í sendingu.
3. Flutningur.
Framleiðendur skila ullinni flokkaðri í
lofttæmdum umbúðum til flutningsaðila og
skal merkja allar umbúðir á eftirfarandi hátt:
Nafn, heimilisfang og kennitala
innleggjanda.
Ullarflokkur (H-1, H-2 o.s.frv.).
Pokafjöldi í sendingu (t.d. nr. 1 af 17
o.s.frv.).
Gert er ráð fyrir að móttökustaðir fyrir
ull verði þeir sömu og verið hefur en auk
þess mun bætast við nýr móttökustaður á
Suðurlandi en mótttaka á Blönduósi verður í
Ullarþvottastöðinni.
Til lofttæmingar er hægt að nota
venjulega heimilisryksugu og sérstaka plast-
poka sem Ístex leggur til. Einnig má nota
venjulega plastpoka en þá verður að að
stinga nokkur göt á pokana eftir að þeir hafa
verið lofttæmdir og bundið utan um. Þetta
er nauðsynlegt svo loft komist að ullinni.
Gæta verður þess að ullin sé ekki blaut
þegar henni er pakkað á þennan hátt.
4. Uppgjör.
Við uppgjör á ullinni verður niðurstaða
heimaflokkunar, sem framleiðendur senda
til Ístex, notuð til greiðslu á 70% af
verðmætum en endanlegt uppgjör fer síðan
fram eftir staðfestingu flokkunar þegar ullin
er þvegin.
Ef flokkun ullarinnar stenst ekki er
afreikningur leiðréttur áður en gengið er frá
endanlegu uppgjöri. Lögð verður áhersla á
að koma skilaboðum til framleiðenda um
það sem betur má fara í flokkun, bæði ef
flokkun stenst ekki gæðakröfur og eins ef
flokkun er of ströng.
Ef að augljósar rangfærslur eru í
upplýsingum um niðurstöðu flokkunar og
heildarverðmæti ná ekki 70% af upphæð
afreiknings, áskilur Ístex sér rétt til að
innheimta þá fjárhæð sem greidd hefur verið
umfram.
Á meðan verið er að festa þetta
fyrirkomulag í sessi er æskilegt að verðmæti
fyrra árs ullar frá framleiðanda verði haft til
hliðsjónar við gerð afreiknings.
5. Framkvæmd.
Reiknað er með að efna til námskeiða
um ullarmat um allt land í áföngum og
byrjað í október 2004.
Endurmenntunardeild LBH verður falið að
skipuleggja og sjá um framkvæmd
námskeiðahalds. Ullarmatsnefnd undir
stjórn Emmu Eyþórsdóttur hefur yfirumsjón
með faglegu innihaldi námskeiðanna og
leitað verður eftir samstarfi við
ullarmatsmenn á viðkomandi svæðum um
verklega kennslu. Markmið með
námskeiðunum er að bændur verði færir um
að flokka ull sína sjálfir í skilgreinda
gæðaflokka.
6. Áætlaður kostnaður.
Gerð hugbúnaðar sem gerir
framleiðendum kleift að skrá niðurstöðu
flokkunar á heimasíðu Ístex, skoða
afreikninga og fá upplýsingar um verðmæti
og greiðslur er áætlað að kosti kr.
1.400.000,-. Kostnaður við námskeiðahald
og fræðslu fer eftir umfangi en rétt er að
gera ráð fyrir allt að kr. 1.600.000,-.
Heildarkostnaður gæti því numið um kr.
3.000.000,-.
7. Ávinningur.
Gert er ráð fyrir að kostnaður við ullar-
mat og flutning muni lækka um kr.
22.000.000,- á ári en á móti því kemur að
vísu aukin vinna hjá framleiðendum. Einnig
mun draga úr kostnaði við umbúðir, upp-
gjörsvinnu o.fl. svo árlegur sparnaður getur
numið um kr. 25.000.000,-.
Upplýsingar um flokkun og verðmæti
ullarinnar liggja fyrir mun fyrr en verið
hefur og greiðsla á 70% af verðmæti tefst
ekki af þeim sökum.
Framleiðendur fá beinan aðgang að við-
skiptaupplýsingum og geta skoðað niður-
stöðu flokkunar og borið saman milli ára í
netvæddu uppgjörskerfi.
Til að tryggja framhald á viðskiptum
með íslenska ull er nauðsynlegt að hagræða
og draga úr tilkostnaði á öllum sviðum.
Heimsmarkaðsverð lækkaði um 50% á
árunum 1997-1999 og hefur það lítið breyst
síðan. Markaðsverðið dugir vart fyrir
söfnunarkostnaði og ekkert bendir til að
ullarverð hækki aftur í bráð. Hagsmunir
sauðfjárbænda og ullariðnaðarins fara saman
í þessum aðgerðum, því sparnaður við ullar-
söfnun skilar betra verði bæði til kaupanda
og seljanda.
Breytt fyrirkomulag við ullarsöfnun
Ullarmatsnefnd hefur
ákveðið í samvinnu við
Ístex hf. og Landssamtök
sauðfjárbænda að
skipulagi söfnunar og
flokkunar á ull verði
breytt frá og með næsta
hausti.
Bændasamtök Íslands auglýsa eftir
umsóknum um bætur vegna
úreldingar gróðurhúsa á árinu 2004
Ríkissjóður greiðir á árunum 2002-2006 bætur fyrir úreldingu
gróðurhúsa sem ylræktað grænmeti var framleitt í á árunum
2000 og 2001.
Einungis er heimilt að greiða bætur fyrir úreldingu gróðurhúsa
með burðarvirki úr stáli og með tré-, ál- eða stálgrind og ef
þekjuefni er gler, polycarbonat eða acryl auk búnaðar til
upphitunar og loftunar (kælingar). Pökkunaraðstaða er ekki
meðtalin í því flatarmáli sem úrelt er og úreldingarbætur eru
greiddar út á. Flatarmál skal reikna miðað við ytri brún sökkuls á
gróðurhúsi.
Heimilt er að greiða að hámarki 5000 krónur á fermetra til
úreldingar en að hámarki 2500 krónur á fermetra til
hlutaúreldingar. Þá er heimilt að færa fjármuni af ónýttu fé til
úreldingar milli ára, þó eigi hærri fjárhæð hverju sinni en sem
nemur 20 milljónum króna.
Úrelding getur náð til allra gróðurhúsa á garðyrkjubýli en
einnig er heimilt að úrelda einstök gróðurhús sem framleiðsla
ylræktaðs grænmeti fór fram í á árunum 2000-2001.
Þá er heimilt að verja eftirstöðvum af framlagi ársins, til
hlutaúreldingar gróðurhúsa. Undir þennan flokk geta fallið ný og
nýleg gróðurhús sem þarfnast endurbóta til að hægt sé að vera
með heilsársræktun með raflýsingu í þeim.
Umsóknir verða afgreiddar í þeirri röð sem þær berast
innan tilskilins umsóknarfrests. Berist umsóknir á sama ári um
úreldingu umfram 30 milljónir króna skal þeim raðað í
forgangsröð.
Ef umsóknir um úreldingu fara umfram þá fjármuni sem eru til
ráðstöfunar skal fyrst taka til úreldingar gróðurhús á
garðyrkjubýlum þar sem hætt er með öllu framleiðslu grænmetis
og flyst sá forgangur milli ára ef fleiri umsóknir berast en hægt er
að verða við.
Umsóknarfrestur er til 1. júlí 2004, og skulu umsóknir berast
á þar til gerðum eyðublöðum, til Bændasamtaka Íslands,
Bændahöllinni við Hagatorg, 107 Reykjavík.
Umsóknareyðublöð og reglur um úreldingu gróðurhúsa á
árunum 2002-2006 er að finna á heimasíðu Bændasamtaka
Íslands, www.bondi.is og hjá Bændasamtökum Íslands,
Bændahöllinni v/Hagatorg, 107 Reykjavík. Nánari upplýsingar
gefa Magnús Ágústsson garðyrkjuráðunautur Bændasamtaka
Íslands og Maríanna Helgadóttir hjá Bændasamtökum Íslands.
Bændasamtök Íslands,
Maríanna H. Helgadóttir