blaðið - 20.05.2006, Qupperneq 21

blaðið LAUGARDAGUR 20. MAÍ 2006
MENNING I 21
Stórviðburðir í
tónlistarlífinu
Suður-Afríska söngkonan Miriam
Makeba heldur tónleika í Laugardals-
höll í kvöld kl. 21. Óhætt er að segja
að Makeba, eða Mama Africa eins
og hún er nefnd, sé einn af stærstu
tónlistarmönnum síðustu aldar og sá
sem líklega hefur haft mesta þýðingu
fyrir afríska tónlist. Hún vakti fyrst al-
þjóðlega athygli þegar hún söng með
Harry Belafonte á sjöundaáratugnum
og fengu þau Grammy verðlaunin
árið 1966. Nokkru siðar gerði hún sitt
þekktasta lag „Pata Pata“ sem sló öll
sölumet vestan hafs og austan og enn
minnast menn þess þegar hún söng
með Marilyn Monroe í afmæli John F.
Kennedy Bandaríkjaforseta árið 1962.
Makeba hefur alla tíð verið mjög virk
í baráttu blökkumanna fyrir mann-
réttindum og var gerð útlæg frá
Suður-Afríku í þrjá áratugi. Diskar
hennar skipta tugum og hún hefur
leikið í fjölda kvikmynda og komið
fram í öllum stærstu tónleikahúsum
heimsins.
Búlgarski kvennakórinn Angelite
heldur tvenna tónleika í Hallgríms-
kirkju í dag og á morgun og hefjast
báðir tónleikarnir kl. 16. Þetta er í
fyrsta skipti sem þessi heimsfrægi
kór heldur tónleika hér á landi. Hann
hefur sungið tónlist frá Balkanskaga
og kirkjutónlist fyrir áhorfendur um
allan heim í nærri því 20 ár og enn
fara vinsældir hans vaxandi. Kór-
inn hefur meðal annars sungið við
afhendingu Nóbelsverðlaunanna og
fyrir páfann í Róm og nýtur hvar-
vetna gríðarlegra vinsælda.
Það má búast við litríkum og skemmtilegum tónleikum með búlgarska kvennakórnum
Angelite í Hallgrimskirkju á morgun.
Kvikmyndin La Strada er af flestum
talin höfuðverk Federico Fellini.
Meistaraverk
Fellinis
Kvikmyndasafn íslands sýnir
í dag kl. 16 hina klassísku kvik-
mynd ítalska kvikmyndagerðar-
mannsins Federico Fellinis „La
Strada“ frá árinu 1954 með Ant-
hony Quinn og Giulietta Masina
í aðalhlutverkum. Þeir sem ekki
komast í dag fá annað tækifæri
til að sjá myndina annað kvöld
kl. 20.
Federico Fellini er óum-
deilanlega einn áhrifamesti
kvikmyndagerðarmaður sög-
unnar og La Strada er meist-
araverkið sem honum þótti
vænst um sem og flestum
kvikmyndaunnendum. Sýn-
ingin er í samstarfi við stofnun
Dante-Alighieri á íslandi.
Miðasala er hjá Kvikmyndasafni
Islands, Bæjarbíói, Hafnarfirði.
Tónlistin úr La Strada
Á morgun kl. 17 flytur Kamm-
ersveit Hafnarfjarðar tónlist
eftir hið þekkta ítalska tónskáld
Nino Rota sem samdi tónlist við
nær allar kvikmyndir Fellini og
hlaut frægð af. Tónleikarnir fara
fram í Hafnarborg í Hafnarfirði.
Hljómsveitarstjórinn Michele
Marvulli, sem stundaði nám hjá
Nino Rota í tónsmíðum, hefur út-
sett ballettsvítu Rota, La Strada
fyrir kammersveit, en svítan
byggir á stefjum úr tónlist kvik-
myndarinnar. Útsetninguna
gerði Michele Marvulli í tilefni
flutnings Kammersveitar Hafn-
arfjarðar á verkinu á Listahátíð
2006. Á tónleikunum hljómar að
auki „Balli per piccola orchestra"
eða „Dansar fyrir litla hljóm-
sveit“ og píanókonsert Rota í
e-moll. „Piccolo mondo antico“,
eða „Litli forni heimur“, en hvor-
ugt verkið hefur áður verið flutt
á tónleikum hér á landi.
Þess má geta að Marvulli
stjórnaði frumflutningi píanó-
konsertsins árið 1978, þar sem
tónskáldið lék einleiksþáttinn.
Að þessu sinni verður Domen-
ico Codispoti einleikari, en
hann kemur frá Suður-Ítalíu
eins og stjórnandinn, og gefur
það fyrirheit um að hinn sanni
ítalski funi og skáldlegur inn-
blástur italskra og íslenskra
krafta taki völdin á tónleikum í
Hafnarborg.
SETTU ÞAÐ SAMAN
Innréttingar í eldhús, svefnherbergi, baðherbergi og þvottahús.
Þessi gullfallega innrétting heitir EG HVID DEKOR/900 og er hönnuð og framleidd af snillingunum
í HTH í Danmörku. Ein allra vinsælasta og mest selda eldhúsinrétting frá HTH Settuþaðsaman,
enda gott dæmi um smekklega, nútímalega hönnun og vandaða framleiðslu.
Ósamsettu innréttingarnar frá HTH eru léttar á pyngjuna en standast ítrustu kröfur og væntingar.
Ótæmandi möguleikar, gæði og þjónustu í skiptum fyrir - hagstætt verð.
ORMSSON
I
TtLAÐVtBSlA
SMÁRALIND • Símar: 530-2906 / 530-2907 / 530-2908
AKUREYRI Furuvöllum 5 • Sími: 461-5003