blaðið - 15.07.2006, Blaðsíða 16

16 I VIÐTAL
LAUGARDAGUR 15. JÚLÍ 2006 blaðiö
tungumál
„Það er auðvitað draumurinn að geta lifað af tónlistinni einni saman en ég veit ekki hvað verður"
BlaílS/Frikki
ákaflega skemmtilegt. Það er það
sem mestu máli skiptir en auðvitað
er alltaf frábært að fá góðar viðtökur
og lesa falleg orð um tónlistina sína
á prenti. Mammút er eins skipuð og
í Músíktilraunum 2004 að því frá-
töldu að Gunna bassaleikari er ekki
lengur með okkur. I hennar stað
höfum við fengið frábæra stelpu
sem heitir Ása.“
Kata segir þó langt frá því að eitt-
hvert ósætti innan bandsins sé rótin
að mannabreytingunum. „Fólk
kemur og fer, þannig er það bara í
þessum bransa sem og öðrum. f
þessari viku erum við að hefja nýja
vinnu, semja efni og koma okkur af
stað á ný þannig að það eru spenn-
andi tímar framundan. Við vitum
auðvitað ekkert hvernig hljóm-
sveitin mun þróast en ég er ákaflega
spennt hvað varðar framhaldið."
„Létt, einföld, poppuð og látlaus"
Kata segir að hinn íslenski tónlistar-
heimur hafi farið nokkuð mjúkum
höndum um Mammút enn sem
komið er. „Þessi heimur finnst mér
hafa verið frekar viðkunnanlegur
en hitt og allt hefur gengið vel hjá
okkur það sem af er. Ég hef aldrei
fundið sérstaklega mikið fyrir því
að aðrir íslenskir tónlistarmenn
líti á okkur okkur sem börn og beri
minni virðingu fyrir tónlistinni
okkar fyrir vikið. Tónlistin er sér-
stakt tungumál og meðan hún er
flutt skiptir ekkert annað máli.“
fslenskt tónlistarlíf er nokkuð fjör-
ugt þessa dagana og þar er margt að
gerast sem er Kötu að skapi. „Mér
finnst heilmikið vera að gerast í ís-
lensku tónlistarlífi. Ég hef reyndar
verið frekar löt að sækja tónleika
í sumar en það er fullt af flottum
Katrína Mogensen söngkona sveitarinnar Mammút
Tónlistin er sérstakt
Sumir telja hana eina efnileg-
ustu söngkonu sem ísland
hefur alið af sér hin síðari
ár. Kraftmikil og blæbrigða-
rík röddin hefur heillað flesta þá
sem á hana hafa hlýtt þó stúlkan sé
aðeins 17 ára gömul. Hún heitir Kat-
rína Mogensen, yfirleitt kölluð Kata,
og þenur raddböndin með hljóm-
sveitinni Mammút. Blaðamaður
Blaðsins hitti söngkonuna ungu á
kaffihúsi i miðborginni og ræddi
við hana um þungstíga loðfíla, trega-
blandna takta og rigningu í borginni
Reykjavík.
Katrína Mogensen bíður þolin-
móð á efri hæð gamla skemmtistað-
arins 22 þar sem nú hafa aðrir andar
hreiðrað um sig undir nýju nafni.
Hún heilsar glaðlega og biður lið-
legan þjón um vatnsglas á meðan
Morrissey ómar úr glymskratta
staðarins.
Loðfíllinn kveður sér hljóðs
Hljómsveitin Mammút er flestum
þeim sem fylgjast með íslensku tón-
listarlífi að góðu kunn. Krakkarnir
hafa getið sér gott orð fyrir frumlega
tónlistarsköpun á síðustu mánuðum
og nú í apríl leit fyrsta platan þeirra
dagsins ljós og hefur hún hlotið frá-
bæra dóma.
f dag er sveitin skipuð þeim Arn-
ari Péturssyni, Alexöndru Baldurs-
dóttir og Ándra Bjarti Jakobssyni
auk Kötu. Guðrún Heiður ísaks-
dóttir bassaleikari hefur nýlega sagt
skilið við bandið.
Árið 2004 bar hljómsveitin
sigur úr býtum í Músíktilraunum.
Keppnin sú hefur reynst ungum
hljómsveitum ágætis stökkpallur
inn í framtíðina og hafa t.d. sveit-
irnar Mínus, Botnleðja og Maus
vermt fyrsta sætið á liðnum árum.
Þegar Kata og félagar stigu á svið
keppninnar í mars 2004 höfðu þau
aðeins spilað saman í þrjá mánuði,
kunnu frekar litið á hljóðfæri og
áttu aðeins örfá lög í sarpinum. Þau
létu það ekki aftra sér og heilluðu
áheyrendur upp úr skónum með
kraftmiklu, tregaþrungnu rokki og
kjarnyrtum, íslenskum textum og
stóðu uppi sem ótvíræðir sigurvegar
í lok kvölds þar sem hljómsveitin
var valin sú besta og Kata uppskar
titilinn besta söngkonan.
„Það var auðvitað alveg frábært
að vinna Músíktilraunir," segir
Kata. „Tilfinningin var yndisleg
og við vissum varla hvað á okkur
stóð veðrið. Við vorum bara 14 og
15 ára og þetta var í raun í fyrsta
skiptið sem við komum fram saman
opinberlega. Sigurinn auðveldaði
okkur mjög allt framhaldið. Um
leið og keppninni lauk fór síminn
að hringja og við vorum beðin að
spila út um allt. Við þurftum ekki
að hafa fyrir neinu nema bara mæta
á staðinn og spila. Sigurinn var því
heilmikill stökkpallur fyrir okkur
og kom okkur strax á kortið. Verð-
launin voru 20 klukkustundir í Sigur
Rósar-stúdíóinu og svo fengum
við að gera flott myndband sem er
auðvitað ómetanlegt tækifæri fyrir
svona nýja hljómsveit.“
„Fólk kemur og fer"
Mammút hefur ekki aðeins vakið
athygli fslendinga. Þau spiluðu á
Iceland Airwaves 2005 og uppskáru
þar aðdáun mikilsvirtra poppskrí-
benta úti í heimi, t.d. hins knáa rit-
stjóra Rolling Stone, David Fricke,
en hann lýsti yfir hrifningu sinni
á hljómsveitinni eftir að hafa heyrt
hana spila í Smekkleysubúðinni.
Þann 3. aprí sl. kom fyrsta plata
Mammút út á vegum Smekkleysu.
„Ég hugsaði ekkert um það meðan
við vorum að vinna plötuna hvaða
dóma platan myndi fá. Við vönd-
uðum okkur við það sem við vorum
að gera og fannst þetta allt saman