blaðið - 14.11.2006, Blaðsíða 33

blaðið ÞRIÐJUDAGUR 14. NÓVEMBER 2006
BÍLAR I 33
Margir vilja nagla! Mikil umferð skapast
oft fyrir utan hjólbarðaverkstæöi á haustin.
Nagladekk eru dýr kostur
Það kostar borgarbúa tæpar 200
milljónir á hverju vori að endur-
nýja malbikið eftir slitið á nagla-
dekkjum yfir veturinn á undan.
Gróflega reiknað geta það því verið
um 5.000 krónur sem hver bíll á
nagladekkjum kostar borgarbúa.
Það finnst kannski einhverjum lítið
og öðrum mikið. Mér finnst það
mikið því það er svo sannarlega
hægt að nota 200 milljónir á ári
í margt skemmtilegra en malbik.
Það mætti efna til alþjóðlegrar stutt-
myndasamkeppni, efla sjálfstæðu
leikhúsin, greiða niður frístunda-
og íþróttastarf og byggja upp stíga-
kerfi borgarinnar svo hjólreiðar
geti orðið raunverulegur valkostur
í samgöngum alls staðar innan
borgarinnar.
/
Ytri kostnaður
Kostnaður borgarinnar af nagla-
dekkjanotkun er dæmi um óbeinan
kostnað sem fellur ekki á notand-
ann heldur á samfélagið. Það er
samt ekki eini óbeini kostnaðurinn
sem hlýst af nagladekkjanotkun og
ekki sá alvarlegasti. Svifryk er alvar-
legur samfélagskostnaður og ógn
við heilsu fólks. Malbiksagnir sem
nagladekkin tæta upp úr malbikinu
eru langstærsti einstaki þátturinn
í svifryki borgarinnar eða um 50-
60 prósent þegar svifryk er mest.
Á þessu ári hefur magn svifryks í
andrúmslofti farið 24 sinnum yfir
heilsuverndarmörk.
f Svíþjóð hafa verið gerðar rann-
sóknir á loftgæðum og áhrifum
svifryks á heilsu fólks. Niðurstaða
þeirra er að jafnvel lítið magn svif-
ryks í andrúmslofti hafi áhrif á heils-
una og að svifryksmengun fækkar
lífdögum Stokkhólmsbúa meira en
umferðarslys í borginni.
Hröð þróun naglalausra dekkja
f nýjasta blaði Ff B er ítarleg úttekt
og samanburður á ónegldum vetrar-
dekkjum. Úttektin byggir á niður-
stöðum ítarlegra prófana óháðra
aðila sem framkvæmdar eru víða í
Norður-Evrópu á hverju ári. Þar er
hægt að velja um fjölda afbragðs-
góðra dekkja en hin svokölluðu loft-
bóludekk sem margir þekkja eru í
efsta sæti að mati þeirra sem fram-
kvæmdu rannsóknirnar í ár. Betra
grip, styttri hemlunarvegalengd
og meiri stöðugleiki í beygjum
eru dæmi um árlegar framfarir en
þróun í hönnun naglalausra vetr-
ardekkja hefur verið mjög hröð og
bestu dekkin í dag eru umtalsvert
betri en bestu dekkin fyrir 5 árum.
íslendingar hafa engu
að síður lengi haft trölla-
trú á negldum dekkjum
og taliðþau öruggari en
ónegld dekk.
Negldu dekkin yfirleitt óöruggari
Því miður hefur þróunin ekki
orðið mikil í negldu dekkjunum af
þeirri einföldu ástæðu að þau eru
mjög víða bönnuð og á flestum
stöðum afar illa séð. fslendingar
hafa engu að síður lengi haft trölla-
trú á negldum dekkjum og talið
þau öruggari en ónegld dekk. Þessi
trú skýrist ef til vill af fortíðinni
þegar ónegld dekk voru verri en
í dag en staðreyndin er sú að um
nokkurra ára bil hafa ónegld dekk
verið öruggari við langflestar vetr-
araðstæður. Einungis á sléttu og
blautu glærasvelli hafa negld dekk
betra grip en góð vetrardekk. Þetta
eru aðstæður sem aðeins skapast
örfáa daga og jafnvel bara klukku-
stundir á hverjum vetri. Við allar
aðrar aðstæður eru nagladekk verri,
hemlunarvegalengd lengri og grip í
beygjum verra. Það ætti því að vera
auðvelt að velja á milli þess að vera
með aukið öryggi flesta daga eða ör-
fáa daga.
Akstur utan þéttbýlis
Sumir aka á nöglum allan vet-
urinn af því að þeir þurfa af og til
að fara út á land og telja líklegt að
þeir geti lent í aðstæðum þar sem
nagladekkin veita meira öryggi en
góð vetrardekk. Erfitt er að fullyrða
að svo geti ekki verið í einhverjum
tilvikum en rétt að benda á að í
langflestum vetraraðstæðum utan
þéttbýlis veita góð vetrardekk betra
grip en nagladekk. Reynsla FÍB sem
hefur ekið ónegfdum þjónustubíl út
um allt land við allar aðstæður er
sú að aldrei hafi komið upp þær að-
stæður að naglar hefðu dugað betur.
Fyrir þá sem vilja vera vel búnir
í ófærð býður FÍB upp á dekkja-
sokka, eins konar keðjur úr næloni
sem auðvelt er að setja á dekkin í
ófærð. Þetta er skemmtileg nýjung
og hlýtur að verða jólagjöfin í ár til
þeirra sem vilja vera vel útbúnir í
akstri utan þéttbýlisins.
EftirDofra Hermannsson
Sá rauði var flottastur
Bifreiðaumboðið Askja stóð fyrir
allsérstakri keppni um helgina en
þá var keppt í þvi hver væri falleg-
asti Mercedes-Benz-atvinnubílinn á
Islandi. Keppnin var haldin í tilefni
af því að umboðið hefur hlotið form-
lega viðurkenningu sem fullgildur
sölu- og þjónustuaðili Mercedes-
Benz á Islandi. Keppt var í þremur
þyngdarflokkum; 2.000 - 6.900,
7.000 - 15.900 og svo bílar þyngri
en 16.000 kiló. Fimm manna dóm-
nefnd skipuð starfsmönnum Öskju
og fulltrúum Mercedes-Benz völdu
svo fegurstu bílana og hljóta vinn-
ingshafar að launum ferð til Þýska-
lands til að skoða verksmiðjur bíla-
framleiðandans ásamt þvi sem nýtt
Mercedes-Benz-safn verður skoðað.
Rauði bíllinn vann. Eigandi erJökulfell hf.
www.vdo.is
Gegn framvisun þessa miöa fæst umfelgun
á fólksbíl á aöeins kr 3.999,-
Hjá VDO Borgardekk
^orgardekk Borggrtún 36 s:588.g747
Hágæða vetrardekk ónegld og negld
fyrir fólksbíla og jeppa. Mikið skorin
með grófu munstri og nöglum sem henta
vel í snjó og hálku.

Otrulefft
verð
á vetrardekkjum
1 Hagkaupum
Skeifunni
l
i