blaðið - 14.11.2006, Blaðsíða 18

18 ÞRIÐJUDAGUR 14. NÓVEMBER 2006
blaöiö
Við kteinubakstur Stjómsýslan
hefur ekki getað veitt erlendu
fólki kennifölur við komu þess til
landsins. Það vinnur margt svart,
en það á ekki við myndina.
INNFLYTJENDUR HAFA MEÐAL
ANNARS ÁTT ERFITT MEÐ AÐ:
■ Fá afgreidda kennitölu
■ Komast inn í sjúkratryggingakerfið
■ Fá niðurgreidda íslenskukennslu
■ Skrá lögheimili
■ Fá húsnæði á viðráðanlegu verði
■ Fá skólavist

Málefni innflytjenda snúast um launaréttindi, eftirlit og upplýsingar:
Umræðan hefur
verið drullubakstur
■ Stjórnvöld bjóöa til veislu án veislufanga ■ Tryggja þarf launaréttindi ■ Vilja málefnalega umræöu
,Það er furðulegt að menntað fólk
vilji fara með umræðuna í slíkan
drullubakstur sem verið hefur
undanfarið. Við teljum okkur hafa
unnið gott verk að koma þessu í um-
ræðuna en hún verður hins vegar að
vera á málefnalegum grunni," segir
Guðjón A. Kristjánsson, formaður
Frjálslynda flokksins, og furðar sig
á því hvert umræðan um innflytj-
endur er komin þegar flokkurinn
er sakað um kynþáttafordóma. Um-
ræðan í samfélaginu snerist í sið-
ustu viku um fátt annað en málefni
innflytjenda og sitt sýnist hverjum
í þeim efnum.
Blaðið fjallaði ítarlega í sumar
um vandræði stjórnsýslunnar
Furðulegt að
menntað fólk
ræðl mállð i
drullubakstrí
Guðjón A. Kristjánsson
Formaður Frjálslynda
flokksins
með að fylgjast með erlendu starfs-
fólki sem hingað kemur og veita
því nauðsynlega aðstoð til þess að
komast inn í samfélagið með eðli-
legum hætti.
Þær stofnanir sem eiga að fylgj-
ast með hafa verið í stökustu vand-
ræðum og viðurkenna að hér á
landi sé án efa fjöldi innflytjenda
sem kerfið veit ekki af. Sá fjöldi
getur numið þúsundum einstak-
linga. Ýmis stéttarfélög hafa lýst
því yfir að ómögulegt sé fyrir þau
að sinna eftirliti til þess að tryggja
launaréttindi hér á landi. Ljóst er
að sumir atvinnurekendur nota
tækifærin sem bjóðast í slöku eftir-
liti með því að svindla á opinberum
gjöldum og launaréttindum fólks
sem hingað kemur.
Vöruðu við frelsinu
Þegar frumvarp um frelsi fólks
frá nýjum aðildarríkjum EES var
lagt fram mótmæltu stéttarfélög
hringinn í kringum landið og ótt-
uðust að núgildandi launakerfi
myndi glatast. í ályktunum frá
þeim má lesa þá skoðun að nýta
ætti frest sem í boði var þannig
að stjórnsýslan væri betur í stakk
búin að taka á móti fjöldanum.
1 ljós hefur komið að hún hefði
líklega haft gott af lengri undir-
búningstíma. Þrátt fyrir mótmæli
stéttarfélaga víða um land sagði
Magnús Stefánsson félagsmálaráð-
herra nýverið í ræðustóli á Alþingi
að um frumvarpið hafi ríkt sátt
milli aðila vinnumarkaðarins.
Formaður Alþýðusambands Is-
lands hefur síðan stigið fram og
upplýst að sambandið hafi stutt
frumvarpið.
Fréttaljós trausticaibladid.net
Trausti
Hafsteinsson
skrifar um
innflytjendur á
vmnumarkaðinum
k.
Fjöldi stéttarfé-
m laga varaði við
takmörkunum
• Vilhjálmur Birgisson
Formaöur Verkalýö5-
■ félags Akraness
Afgrelötla Wóötkrír á kermftólum fyrtr útlendlnga:
Umsóknir um kennitölur
í bunkum hjá þjóðskrá
■ Blaðið miðvikudaginn 23. ágúst
Engin sátt
Vilhjálmur Birgisson, formaður
Verkalýðsfélags Akraness, áttar
sig ekki á því hvers vegna ASÍ hafi
stutt frumvarpið þegar svo mörg
stéttarfélög voru því andvíg. „I
ljósi þess að öll þessi stéttarfélög
vöruðu við því að takmörkunum
yrði aflétt velti ég því fyrir mér
hvernig í ósköpunum hægt séað
segja að sátt hafi verið á milli aðila
vinnumarkaðarins eins og haldið
hefur verið fram,“ segir Vilhjálmur.
„Eins er óskiljanlegt að ASl skuli
hafa stutt frumvarpið í ljósi þeirrar
staðreyndar að fjöldi stéttarfélaga
varaði við því að takmörkunum
yrði aflétt.“
Ekkert eftirlit
Guðjón segir mikið tilefni til
þess að ræða málefni innflytj-
enda og vinnumarkaðarins. Hann
íslensk stjórn-
iröld bjóða
til veislu án
veltlnga
Aðalsteinn Baldursson
Formaður Verkalýðs-
félags Húsavíkur
leggur ríka áherslu á að hún fari
fram á málefnalegum nótum. „Þó
svo að næg atvinna hafi verið í
boði hingað til þá getur það fljót-
lega breyst. Verkalýðsfélögin eru
nú þegar farin að kvarta yfir því að
verið sé að ýta frá starfsfólki, sem
fyrir var hjá fyrirtækjum, fyrir
ódýra starfsfólk,“ segir Guðjón.
„Við höfum ekki getað sinnt eðli-
legu eftirliti, vitum ekki um alla
sem hingað koma, á hvaða kjörum
þeir starfa og hvort staðið sé í
skilum með opinber gjöld.“
Veisla án veislufanga
Aðspurður segir Guðjón gífur-
lega mikilvægt að taka vel á móti
útlendingum og upplýsa þá strax
um þeirra réttindi á eigin tungu-
máli. Hann segir stuðning skipta
meginmáli.
„Hingað til hefur staðið upp á
stjórnvöld í þessum málaflokki.
Ég er hins vegar ánægður með við-
brögð ríkisstjórnarinnar síðustu
daga því þau sanna mikilvægi um-
ræðunnar," segir Guðjón.
Aðalsteinn Baldursson, formaður
Verkalýðsfélags Húsavíkur, mót-
mælti harkalega þegar stjórnvöld
undirbjuggu lög um frelsi erlends
vinnufólks. Hann segir kynþátta-
fordóma ekkert eiga skylt við mál-
efni útlendinga á vinnumarkaði. „1
meginatriðum snýst þetta annars
vegar um að taka sem best á móti
útlendingum og hjálpa þeim inn í
samfélagið og hins vegar um rétt-
indi á vinumarkaði,“ segir hann.
„Eins og staðan er nú eru íslensk
stjórnvöld að bjóða til veislu án
þess að eiga nein veisluföng til að
bera á borð.“
ÁLYKTANIR STÉTTAR-
FÉLAGA ÁÐUR EN LÖGIN
VORU SAMÞYKKT:
■ Efling-stéttarfélag:
Undirbúningur stjórnvalda óvandaður
Fundurinn lýsir miklum vonbrigðum með
að eftir óvandaðan undirbúning af hálfu
stjórnvalda á nú að keyra þetta stórmál
í gegnum þingið á örfáum dögum. Efling
—stéttarfélag hefur ítrekað bent á nauðsyn
þess að stéttarfélögunum sé áfram gert
kleift að fylgjast með þeinum hætti með
ráðningarkjörum útlendinga hjá fyrirtækj-
um hér á landi. Nýleg dæmi sýna að til eru
atvinnurekendur sem þverbrjóta hér lög
og kjarasamninga á vinnumarkaði. Frjálst
flæði vinnuafls við þessar aðstæður mun
hafa þau áhrif að þrýsta kjörum og réttind-
um launafólks á vinnumarkaði niður á við.
Birt 27. maí
■ Verkalýðsfélag Borgarness:
Stjórnvöld illa í stakk búin
Fundurinn bendir á að íslensk stjórnvöld
eru illa í stakk búin til að taka á vandamál-
um sem án vafa munu fylgja þessari opnun
nú. Aukið flæði launafólks frá láglauna-
svæðum Austur-Evrópu kemur einnig til
með að lækka markaðslaun i landinu og
grafa undan íslensku velferðarkerfi.
Birt 6. apríl
■ Verkalýðfélag Húsavíkur:
Vinnumarkaðurinn ekkí tilbúinn
Verkalýðsfélag Húsavíkur gerir alvarlegar
athugasemdir við að innlendur vinnumark-
aður verði opnaður 1. maí fyrir milljónum
íbúa átta þjóða í Austur-Evrópu. Verkalýðs-
félag Húsavíkur telur íslenskan vinnumark-
að ekki tilbúinn til að taka við auknu flæði
launafólks 1. maí.
Birt 19. apríl
■ AFL á Austurlandi:
(slensk löggjöf ekki tilbúln
Ársfundur trúnaðarmanna AFLs - Starfs-
greinafélags Austurlands skorar á stjórn-
völd að fresta gildistöku reglna um frjálst
flæði launafólks frá nýjum aöildarríkjum
EB um allt að 3 ár. Fundurinn bendir á að
reynslan hefur sýnt að íslensk löggjöf er
ekki tilbúin til að taka á málum sem upp
hafa komið og í Ijósi mikillar þenslu er
hætt við að aukið, eftirlitslaust flæði launa-
fólks frá láglaunasvæðum Austur-Evrópu,
myndi grafa undan grundvallaratriðum
velferðarkerfisins.
Birt 3. apríl
■ Verkalýðsfélag Akraness:
Launakjörum stórlega ógnað
Aðalfundurinn telur að því markaðslauna-
kerfi sem viðgengist hefur á íslenskum
vinnumarkaði á liðnum árum og áratugum
sé stórlega ógnað ef það frumvarp sem nú
liggur fyrir Alþingi fer í gegn óbreytt.
Birt 27. apríl
■ Fulltrúaráð verkalýðsfélaga:
Erfitt að fylgjast með launakjörum
Sú ákvörðun íslenskra stjórnvalda að
nýta ekki aukinn aðlögunarfrest gagnvart
nýjum löndum Evrópusambandsins orkar
mjög tvímælis. Hún ein og sér getur þýtt
það að mun erfiöara verði að fylgjast
með launakjörum útlendinga hér á landi.
Að stjórnvöld skuli ekki hafa fyrirvara
gagnvart eftirliti með notendafyrirtækjum
og þjónustusamningum býður hættunni
heim. Þetta er niðurstaða Fulltrúaráðs
verkalýðsfélaganna, BSRB, Bandalags
háskólamanna, Kennarasambands (slands
og Iðnnemasambands Islands.
Birt 1. maí
■ Félag járniðnaðarmanna:
Varaði við galopnun
Fundur í Félagi járniðnaðarmanna haldinn
þriðjudaginn 11. apríl varar eindregið við
því að innlendur vinnumarkaður verði
galopnaður fyrir milljónum ibúa átta þjóða
í Austur-Evrópu þann 1. mai nk. Með því
að falla frá skilyrði um atvinnuleyfi má
búast við að fjöldi erlendra starfsmanna
streymi á innlendan vinnumarkað. Sumir
atvinnurekendur munu eflaust nýta sér
þessa aðstöðu til að koma sér uþp ódýru
vinnuafli og pressa á lækkun þeirra launa
sem hafa verið á vinnumarkaðnum.
Birt 12. apríi
■ Samiðn:
Tryggja þarf réttindi launamanna
Samiðn leggur mikla áherslu á að
samhliða frjálsu flæði þyrfti að nást
samkomulag við stjórnvöld um ákveðnar
hliðarráðstafanir til að tryggja réttindi
launamanna og styrkja eftirlitshlutverk
stéttarfélaganna. Þau atriði sem Samiðn
lagði til var að fyrir lægi skýr yfirlýsing fé-
lagsmálaráðherra um að hann myndi beita
sér fyrir aö lögfest yröi notendaábyrgö fyr-
irtækja, að beint ráðningarsamband verði
meginregla, tryggja að erlend fyrirtæki
greiði laun og önnur starfskjör til samræm-
is við það sem viðgengst á Islandi og settar
verði skorður við gerviverktöku. Því miöur
treysti ráðherrann sér ekki til að gefa slíka
yfirlýsingu.
Birt23. apríi