Bændablaðið - 24.03.2011, Side 7

7Bændablaðið | fimmtudagur 24. mars 2011
Í síðasta vísnaþætti birtust
tvær vísur eftir Pétur bónda á
Egilsstöðum. Í þann tíð var Pétur
óþreytandi liðsmaður bænda,
og lagði fram ótal tillögur sem
spornað gætu við fækkun fólks
í sveitum. Þar á meðal þessi flutt
á fundi hjá Búnaðarsambandi
Austurlands:
Hér takast á móðir og másandi
fantar,
og mælskan streymir svo hröð,
en mér finnst það meinanna mein
að það vantar
mannræktar-sæðingastöð.
Skömmu eftir fjárskiptin í
Reykjadal í S-Þingeyjarsýslu
gerðist það, að hundar bænda í
dalnum tóku að elta fé í högum
það haust. Urðu af þessu nokkrir
úfar með bændum, og kenndu þeir
ákaft hundum hvors annars um til-
vikin. Um þessar erjur orti Baldur
Baldvinsson á Ófeigsstöðum:
Rekkar fengu fjárskipti,
fannst það mörgum umskipti,
þyrftu að hafa hundskipti
og helst af öllu mannskipti.
Um svipað leyti hafði Baldur
sjálfur gift son sinn heimasætu úr
Reykjadal. Páll H. Jónsson kenn-
ari á Laugum nýtti sér aðstæður
til andsvars vísu Baldurs:
Víst er hér margt um misstigin spor
og mannkosta lítið val.
Kinnungar fengu þó konu í vor
til kynbóta úr Reykjadal.
Þó að það hafi lítið með mannkosti
að gera, þá átti ég á dögunum, leið
um hlað hjá Einari Kolbeinssyni.
Mátti þó ekki tefja neitt, en sendi
honum að vanda hlýja keðju,
hverri hann svaraði á þessa leið:
Jákvæðnina jafnan sé
ég í ljóðum þínum,
og betra hefur farið fé
framhjá húsum mínum.
Örfáum mínútum síðar, sá þó
bóndi að sér, og gætti þá nokkurrar
iðrunar í annars hörðu brjósti:
Eitt er reyndar alveg klárt,
og á það vil nú minna,
að ég vinur sakna sárt
samfundanna þinna.
Frá Núpi í Dýrafirði reit mér bréf-
stúf Ástvaldur Lárusson nemi við
Menntaskólann á Ísafirði. Fengur
er það öllum vísnagerðarvinum
þegar ungir menn ánetjast íþrótt-
inni. Ástvaldur yrkir tvær vísur um
mengunina frá sorpbrennslunni í
Funa í Skutulsfirði:
Bændur eru bugaðir,
best er það að muna.
Engi og dalir eitraðir
allir vegna Funa.
Ekki veitist gripum gott
því grasið þarf að prufa.
Allt er búalið á brott,
-bölvuð þessi gufa.
Birti hér eina vísnagátu eftir
Friðjón Ólafsson. Rétta ráðningu
sendið þið á netfangið, og þá mun
ykkar getið verða:
Þreytt á boga Bifrastar,
bundin upp í kofa,
bestu háðu biskupar,
brúðarmeyjar lofa.
Umsjón: Árni Jónsson
kotabyggd1@simnet.is
Í umræðunni
MÆLT AF
MUNNI FRAM
Leikfélag Hveragerðis sýnis um þess-
ar mundir leikritið Blessað barnalán
eftir Kjartan Ragnarsson. Leikstjóri er
Sigurður Blöndal, en hann hefur m.a.
leikstýrt Emil í Kattholti, Dýrunum í
Hálsaskógi og Kardimommubænum
hjá Leikfélaginu, sem öll hafa náð met-
aðsókn. Leikarar eru 11 og með helstu
hlutverk fara Hafdís Guðmundsdóttir,
Aðalheiður Ásgeirsdóttir, Guðmundur
Erlingsson og Viktoría Kristinsdóttir.
Til gamans má geta þess að tvær dætur
Viktoríu, þær Þórey og Aðalheiður,
fara einnig með hlutverk í leikritinu.
Leikritið er sprenghlægilegur farsi
sem enginn ætti að láta fram hjá
sér fara. Miðapantanir á sýningar
Leikfélags Hveragerðis eru í síma
774 4363. /MHH
Blessað barnalán sýnt í Hveragerði
Leikararnir 11 sem taka þátt í nýjasta verki Leikfélags Hveragerðis, Blessuðu barnaláni.
Alþjóðlega NJF-ráðstefnan
„Housing and management
of horses in Nordic and Baltic
climate” verður haldin á Hótel
Loftleiðum dagana 6. og 7. júní
nk., en NJF eru samtök búvísinda-
manna á Norðurlöndunum og
Eystrasaltslöndunum. Samtökin
spanna allt litróf landbúnaðarins
og í þeim eru samtals tæplega
2.000 einstaklingar.
Meginviðfangsefni samtakanna er
að skipuleggja námskeið, ráðstefnur
og vinnufundi t.d. til undirbúnings
stærri verkefnastyrkja.
Markmið ráðstefnunnar er að
draga saman nýjustu rannsóknar-
niðurstöður og leiðbeiningar varð-
andi meðferð hrossa, bæði innan sem
utan húss, með sérstaka áherslu á
nærumhverfi bæði hrossa og manna.
Fagsvið ráðstefnunnar verða fjöl-
breytt og spanna vítt svið:

Hross og umhverfi þeirra utan-
dyra. Undir þetta falla m.a. erindi
um:
Áhrif loftslags á hross
Frágang og hönnun á undirlagi á
æfingar- og keppnisvöllum
Hræðsluviðbrögð hrossa og
hvernig eigi að takast á við þau
Hönnun á umhverfi hrossa í
stórum útigerðum
Hönnun, meðferð og viðhald
útigerða
Lög og reglugerðir á
Norðurlöndunum á þessu sviði
Hirðingu hrossa í köldu umhverfi
Hross og umhverfi þeirra innan-
dyra. Undir þetta falla m.a. erindi
um:
Einn eða tvo hesta í stíum
Gæðaúttektir á hesthúsum
Atferli hrossa í lausagönguhest-
húsum
Hópstíur fyrir folöld
Hönnun aðstöðu með slysavarnir
manna í huga
Hönnun nútíma hesthúsa
Hönnun og frágangur gólfa í
reiðhöllum
Loftgæðaþörf hjá hrossum á húsi
Loftræstingu hesthúsa
Lög og reglugerðir á Norður-
löndunum á þessu sviði
Ný efni í stað hálms sem undirburð
Sjálfvirknivæðing hesthúsa.
Á ráðstefnunni munu margir þekktir
sérfræðingar í húsvist og aðbúnaði
hrossa halda erindi. Aðalfyrirlesarar
eru: dr. Eileen Fabian Wheeler
(Háskólanum í Pennsylvaníu,
Bandaríkjunum. Margir þekkja hana
sem höfund bóka um hönnun hest-
húsa).
Þá flytur dr. Eva Søndergaard
(Agro Food Park, Danmörku)
einnig erindi sem og dr. Knut
Bøe (Náttúruvísindaháskólanum
í Noregi) og dr. Michael Ventorp
(Landbúnaðarháskólanum í Svíþjóð).
Auk þessara eru fjölmargir aðrir
fyrirlesarar, m.a. helstu sérfræðingar
Íslands á sviði atferlis og aðbúnaðar
hrossa.
Alþjóðlega NJF-ráðstefnan um hesthús
Margir þekktir sérfræðingar í húsvist og aðbúnaði hrossa halda erindi
Sigurður Blöndal leikstjóri
klappar hér fyrir sínu fólki á frum-
sýningunni, sem fór fram 12. mars.
Sýningarnar fara fram í Völundi,
húsi leikfélagsins, við hlið Edens.