Bændablaðið - 10.03.2011, Blaðsíða 7

7
Varla hefur farið framhjá lesendum
Bændablaðsins nokkuð djörf upp-
færsla Leikfélags Hörgdæla á leik-
ritinu “Með fullri reisn”. Nokkuð
hefur verið fjallað um sjónleik
þennan í fjölmiðlum, og birtar
myndir af klæðalitlum bændum í
Hörgárdal við listiðkanir. Gunnar
Jónsson kennari, búsettur í
Norðurbyggð 20 á Akureyri, en
ættaður frá Villingadal í Eyjafirði,
gerði næstu vísu. Eftir að hafa lagt
listrænt mat á berrassaða bændur í
Hörgárdal, varð þessi snilldarvísa
til:

Í Hörgársveit er allt á iði,
ólmast karlinn ber.
Húsfreyjurnar sjá á sviði
sína hörmung hver.

Og á hagyrðingakvöldi Karlakórs
Eyjafjarðar, sem haldið var föstu-
dagskvöldið 4 mars sl. var Björn
Ingólfsson ritstjóri á Grenivík
spurður hvort hann hygðist sjá
þennan listviðburð:

Ekkert spái ég í að sjá
allsósmáa kauða,
en stúlkur þrá að stara á
stubba bláa og rauða.

Ekki hefur síður vakið verðskuld-
aða athygli, mynd sem birtist í
síðasta Bændablaði, en þar situr
fyrir á mynd, sá er þetta ritar,
ásamt Pétri Péturssyni lækni og
hagyrðingi.
Friðrik Steingrímsson baðvörður í
Mývatnssveit, og nokkuð þekktur
hagyrðingur, las og leit þessa
mynd:

Árna og Pétur er ég leit
illilega brámér.
Ljótara ég lítið veit
og lagði blaðið frámér.

Björn Ingólfsson ritstjóri á
Grenivík sá einnig þessa sömu
mynd, og fannst birting hennar
viðeigandi:

Í fyrstu voru menn frekar tregir
að flagga í blaðinu þessum tveim,
en af því þeir sýndust sauðalegir
var sjálfsagt að birta mynd af þeim.

Næstu tvær hringhendur birtast
hér eftir Sr. Sigurð Norland í
Hindisvík. Prestur fer fögrum
orðum um sína heimabyggð:

Ég hef kvæði kveðið hér,
kastað mæði og trega,
og í næði unað mér
óumræðilega.

Fagurbúna, bjarta vík
bær og túnið frjóa,
logn við dúna, dýr og rík
drottning Húnaflóa.

Til Vihjálms Þ. Gíslasonar orti
Stefán Jónsson fréttamaður þessa
vísu, en Stefán hafði lengi beðið
einhverra úrræða frá Vilhjálmi:

Liggur á svörum lon og don,
leiðist mér að bíða svon,
mun á góðu varla von
Vilhjálmur líkþorn Gíslason.

Pétur bóndi á Egilsstöðum
stakk uppá því á aðalfundi
Búnaðarsambands Austurlands,
að ráðinn skyldi ráðunautur til að
kenna útreiðar. Um það orti Hjálmar
Guðmundsson í Berufirði:

Bændur þreytast við búskaparstaut,
á bæjum er stöðugt minna lið,
en íþrótta-reiðar ráðunaut
reynandi væri að bæta við.
Umsjón: Árni Jónsson
kotabyggd1@simnet.is
Í umræðunni
MÆLT AF
MUNNI FRAM
Á hverju ári er haldin spurninga-
keppni á vegum Nemendafélags
Landbúnaðarháskóla Íslands
á Hvanneyri og nefnist hún
Viskukýrin. Keppnin var í ár
haldin í sjöunda sinn fyrir fullu
húsi enda hefur viðburðurinn
markað sér sess sem tækifæri
fyrir nemendur og heimamenn til
að skemmta sér saman.
Logi Bergmann Eiðsson var
spyrill að vanda en hann fór á kost-
um og gerði grín að keppendum og
áhorfendum en spurningarnar eru
honum oft framandi enda margar
úr Hrútaskránni. Nemendur höfðu
skreytt salinn í þjóðlegum stíl og for-
láta dráttarvél hafði verið komið fyrir í
andyrinu en hún var fengin að láni frá
Landbúnaðarsafni Íslands. Keppnin
var hörð en að lokum báru nem-
endur Bændadeildar sigur úr býtum
í harðri viðureign við starfsmenn
Landbúnaðarháskólans. Gunnfríður
Elín Hreiðarsdóttir, aðstoðarmaður
landbúnaðar- og sjávarútvegsráð-
herra, afhenti Viskukúna og mælti
hin sönnu orð. „ Ef þú ætlar eitthvert
í lífinu þá ferðu í Bændadeild“.
Nemendur Bændadeildar
eru Viskukýr ársins 2011
„Ef þú ætlar eitthvert í lífinu þá ferðu í Bændadeild“
Lið Bændadeildar bar sigur úr býtum í úrslitaviðureign við lið starfsmanna. Þarna eru Óli Stefánsson, Þórunn
Sigurðardóttir og Hákon Þorvaldsson að fagna réttu svari. Mynd | Agl.is/Gunnar.
Á hverju ári kemur Logi Bergmann Eiðsson og stýrir keppninn og fer hann á kostum og í ár afhenti
Gunnfríður Elín Hreiðarsdóttir, aðstoðarmaður landbúnaðar- og sjávarútvegsráðherra, Viskukúna
og við það tækifæri mælti hún sönn orð, „ Ef þú ætlar eitthvert í lífinu þá ferðu í Bændadeild“.
Mynd | Agl.is/Gunnar.

Hart var barist um bjölluna í keppninni. Mynd | Agl.is/Gunnar.
Iðunn Hauksdóttir heilsar hér upp á Visku sjöundu úr
Hvanneyrarfjósi sem tók á móti gestum. Mynd | Sara María Davíðsdóttir.
Dómarar í ár voru Egill Gunnarsson, Jóna Þórunn Ragnarsdóttir
og stigavörður var Ólöf Ósk Guðmundsdóttir. Mynd | Sara María.
Kátir nemendur Landbúnaðarháskólans fjölmenntu á Viskukúna
en það var fullt út úr dyrum. Mynd | Sara María Davíðsdóttir.
Vigdís Guðjónsdóttir úr liði starfsmanna gefur ekkert eftir í bar-
áttunni um bjölluna í úrslitaviðureigninni við Bændadeildina en
Óli Stefánsson reynir að halda fast í hana. Mynd | Agl.is/Gunnar.
Nemendur Landbúnaðarháskólans eru ekki bara fallegir heldur líka hæfileikaríkir en hér
stígur hljómsveitin „Út úr kú“ á stokk en þar fóru nemendur á kostum og sérstaklega vakti
uppklappslagið mikla athygli fyrir flókna útsetningu.