Bændablaðið - 10.03.2011, Blaðsíða 15

15Bændablaðið | fimmtudagur 10. mars 2011
Búnaðarþing 2011
BLAÐAUKI BÆNDABLAÐSINS 10. MARS 2011
16 » Fáranlegar hugmyndir ráðherra 19» Sameiningu ráðuneyta mótmælt
Búnaðarþing var sett við hátíðlega athöfn sunnu-daginn 6. mars. Yfirskrift
þingsins að þessu sinn var
„Ræktum okkar land". Rauði
þráðurinn við setningu þingsins
var sú ógn sem steðjar að mann-
kyninu þar sem baráttan um
mat, vatn og orku verður stöðugt
harðari. Þrátt fyrir að fjölmargar
þjóðir líti á matvælaöflun sem
erfitt vandamál, þá felst í stór-
aukinni eftirspurn miklir mögu-
leikar fyrir íslenskan landbúnað
og íslenska matvælaframleiðslu
almennt. Haraldur Benediktsson,
formaður Bændasamtakanna,
hvatti íslenska bændur til að taka
höndum saman við að glíma við
þá miklu áskorun og ábyrgð sem
felst í því að auka matvælafram-
leiðslu í heiminum. Fjölda gesta
mætti til setningarathafnarinnar
þeirra á meðal var Nils Björke, for-
maður norsku bændasamtakanna
og Jón Bjarnason sjávarútvegs- og
landbúnaðarráðherra.
Sérstök tengsl milli Noregs og Íslands
Formaður norsku bændasamtakanna vill Ísland áfram við hlið Noregs utan ESB
Nils Björke, formaður norsku
bændasamtakanna (Norges
Bondelag), var heiðursgestur
Bændasamtaka Íslands á
Búnaðarþingi. Björke flutti
Búnaðarþingi kveðju norskra
bænda og stuðningskveðjur en
norskir bændur sýndu íslenskum
bændum mikinn rausnarskap
þegar þeir réðust í söfnun til að
styðja við bændur á gossvæðinu
á Suðurlandi. Var Björke þakk-
aður stuðningurinn með dynjandi
lófataki.
Björki segir norska bændur
hafa fylgst með baráttu íslenskra
bænda við afleiðingar eldgossins í
Eyjafjallajökli með mikilli athygli
og af samhug. „Það er, og hefur
verið, mín tilfinning að norskir
bændur finni fyrir miklum tengslum
við kollega sína hér á Íslandi. Það
var auðsótt að fá norska bændur til
að styðja við þá íslensku, þegar við
fórum af stað í það verkefni. Það eru
sérstök tengsl milli Norðmanna og
Íslendinga, ekki síst milli bænda
þjóðanna tveggja.“
Veita þarf fjármunum í landbúnað
Norsk stjórnvöld hafa sýnt land-
búnaði þar í landi mikinn skilning
og styðja við hann. „Við finnum fyrir
góðum vilja, áætlanir eru gerðar og
yfirlýsingar gefnar en við vildum
gjarnan sjá frekari fjárhagslegan
stuðning. Nú er unnið að nýrri land-
búnaðarstefnu í Noregi sem við
vonum að verði leiðarljós okkar til
næstu ára. Bændur vonast til að eiga
gott samstarf við stjórnvöld í þeim
efnum því stjórnvöld hafa lýst því
yfir að þau vilji auka matvælafram-
leiðslu í Noregi. Til þess þarf hins
vegar að veita meiri fjármunum í
landbúnaðarkerfið. Reyndar hefur
núverandi ríkisstjórn aukið nokkuð
við stuðning til bænda en kostnaðar-
hliðin er bændum óhliðholl. Það er
erfitt fyrir bændur að fara í uppbygg-
ingu af þessum sökum,“ segir Björke
þegar staða norsks landbúnaðar er
færð í tal.
Norrænn landbúnaður í
lykilhlutverki
Norrænn landbúnaður getur gegnt
lykilhlutverki á komandi árum varð-
andi fæðuframboð í heiminum, að
mati Björke „Ég tel að í ljósi þess
hvernig þróun á verðlagi matvæla
í heiminum hefur orðið á síðustu
árum og hvernig verðlag mun stíga,
verði þörf á að nýta nánast allt korn
í heiminum til að fæða fólk. Það
þýðir að beitarland verður að nýtast
betur. Í Noregi og á Íslandi búum
við yfir miklu beitarlandi og túnum
sem verður að nýta. Það er á ábyrgð
allra að brauðfæða heiminn. Undan
því getum við norrænir bændur ekki
skorast.“
ESB lítill hluti af heiminum
Norðmenn fylgjast grannt með
stöðu mála varðandi ESB-umsókn
Íslendinga, segir Björke. Norskir
bændur styðji baráttu íslenskra
bænda gegn aðildinni og vonist til
að Ísland hafni henni. Hins vegar
muni það ekki hafa stórvægileg
áhrif á stöðu mála í Noregi þó Ísland
verði aðili að sambandinu. „Noregur
mun standa utan við ESB burtséð
frá því hvað Ísland gerir. Það er svo
sterk andstaða við aðild í Noregi.
Noregur er að ýmsu leyti öðruvísi en
flest ESB-löndin. Við eigum miklar
náttúrulegar auðlindir, vatn og orku
og því er mikilvægt að halda eigin
gjaldmiðli til að hafa stjórn á efna-
hagnum. Ég trúi hins vegar ekki öðru
en að Ísland standi áfram utan ESB
við hlið Noregs því þegar Íslendingar
sjá hvaða afleiðingar aðild myndi
hafa fyrir t.a.m. landbúnaðinn og
sjávarútveginn hljóta menn að verða
afhuga aðild. Ísland og Noregur eru
á ákveðinn hátt í útjaðri Evrópu en
á sama tíma eru samskiptin mikil.
Þessar tvær þjóðir vilja ráða sínum
málum sjálfar og láta sína rödd heyr-
ast. Það er líka mikilvægt að muna
að þótt ESB sé stórt þá er ESB lítill
hluti af heiminum.“ /fr
16-17 » Ályktanir Búnaðarþings 2011