Bændablaðið - 10.03.2011, Blaðsíða 24

24 Bændablaðið | fimmtudagur 10. mars 2011
Félagið Holdi ehf. hefur verið með
rekstur í einangrunarstöð nautgripa
í Hrísey undanfarin fjögur ár og þar
eru nú ríflega 20 gripir af Galloway-
og Limousine-kynjum. Áhugi
er fyrir því að efla starfsemina í
eynni, enda sjá eigendur félagsins
tækifæri til uppbyggingar á þessu
sviði þar. Holdi ehf. er í eigu Ólafs
Agnarssonar, Almars Björnssonar
og Kristins Árnasonar.
Að sögn Ólafs hefur félagið verið í
rekstri undanfarin fjögur ár og nú eru
í stöðinni 18 kýr, tvær kvígur og tvö
naut. Á meðal gripa er síðasta hreina
Limousine-kýrin sem eftir er í landinu
og hefur hún aldrei annars staðar verið
en í Hrísey, kom sem fósturvísir þangað
árið 1999. Uppistaðan í bústofninum
eru þó kýr af Galloway-kyni, sú elsta
er fædd árið 1993 og mun bera í vor.
„Hún er mikill trukkur,“ segir Ólafur
en kýrin ber nafnið Prímadonna. Þá er
í hópnum ein kýr af Angus Aberdeen-
og Galloway-blöndu. „Mér vitanlega
eru ekki lengur til í landinu kýr af
Angus-kyni,“ segir Ólafur.
Áhugi fyrir að byggja upp
Ólafur segir að upphaflega hafi
reksturinn á einangrunarstöðinni átt að
vera tómstundagaman hjá þeim félög-
unum, sem allir stunda aðra vinnu.
Nú sjái þeir hins vegar tækifæri til að
byggja upp og efla starfsemina, enda
virðist áhugi bænda á fastalandinu á
gripum af Galloway- og Limousine-
kynjum vera mikill. „Við prófuðum
að auglýsa kálfa til sölu síðastliðið
haust og er skemmst frá því að segja
að áhuginn var mikill, þeir fóru allir
og fengu færri en vildu. Vegna þessa
mikla áhuga langar okkur að þróa þetta
áfram og það yrði líka jákvætt fyrir
Hrísey, þar sem er mikið atvinnuleysi
um þessar mundir, ef tækist að skapa
fleiri atvinnutækifæri,“ segir Ólafur.
Hann segir að hugmyndin sé að
koma upp lífdýrabanka í eynni fyrir
þá bændur í landi sem stunda kjöt-
framleiðslu. Til sé á Hvanneyri sæði
úr nautum af Galloway og Limousine,
það sé frá árunum 1987 til 1993 og
það megi nýta, en best væri þó ef
leyfi fengist til að flytja inn erfðaefni.
Núgildandi lög séu þó þannig að upp-
bygging tæki langan tíma, en ekki má
flytja kálf í land sem til verður með
innfluttu erfðaefni. „Það má ekki flytja
lifandi kálf í land fyrr en komið er í
þriðja ættlið, þannig að þetta myndi
taka langan tíma og þannig verða
kostnaðarsamt,“ segir Ólafur. Von er
á að í vor fæðist 12 til 13 kálfar og að
líkindum 3-4 bætast við fyrir áramót.
Félagið er með samning við
Akureyrarbæ þess efnis að það hefur
tún og beitarland til afnota gegn því
að heyja og halda túnum í rækt. Þá
segir Ólafur að aðstaða í einangrunar-
stöðinni sé góð og þar hafi, þegar mest
var, verið um 40 gripir. „Við höfum
mikinn áhuga á að byggja þetta upp og
bæta við, þannig að það væri gaman
ef bændur sem eiga t.d. nautgripi af
öðru hvoru kyninu, eða aðrir sem sjá
sér hag í því að vera með, myndu hafa
samband við okkur,“ segir Ólafur.
Félagið Holdi ehf. með rekstur í fyrrum einangrunarstöð nautgripa í Hrísey:
Mikill áhugi meðal bænda fyrir að kaupa kálfa
Eina Limousine-kýrin sem eftir er hér á landi. Myndir frá einangrunarstöðinni í
Hrísey.
ATHUGIÐ: Síðustu forvöð til að panta lambamerki svo þau berist fyrir sauðburð er 15 mars n.k.
Pantanir má einnig senda á netfangið einaro@thor.is
Ertu að
gleyma
lambamerkjunum?
Þ Ó R H F | K r ó k h á l s i 1 6 | S í m i 5 6 8 - 1 5 0 0 | L ó n s b a k k a | S í m i 4 6 1 - 1 0 7 0
Tagomatic
Rototag
29,- án vskáprentuninnifalin
Einföld merki á frábæru verði.
Helmingsafsláttur af ísetningar-
töngum með fyrstu pöntun.
69,- án vskáprentuninnifalin
Þessi gömlu góðu sem endast
og endast. Hert nælon og
merkingin er brædd í merkið.
ÞÓR HF
Fulltrúafundur skógræktarfélag-
anna var haldinn laugardaginn 26.
febrúar í Mosfellsbæ. Þar kom m.a.
fram að ræktun og sala íslenskra
jólatrjáa hefur aukist undanfarin
ár og er orðin mikilvæg undirstaða
í starfi skógræktarfélaga sem vinna
að almannaheill. Skógræktarfélögin
hyggjast leggja aukna áherslu á
ræktun jólatrjáa fyrir íslenskan
markað en telja einnig raunhæft
að framleiða hér jólatré og greinar
fyrir erlendan markað.
Lögð verður aukin áhersla á rækt-
unar- og þróunarstarf er miðar að
aukinni fjölbreytni og framleiðni auk
þess sem samstarf við smásöluaðila og
markaðsstarf verður eflt. Framboð á
innlendum jólatrjám mun stóraukast,
þegar á þessu ári og upp frá því. Því
verður ekki þörf fyrir eins mikinn inn-
flutning og verið hefur.
Fram kom á fundinum að skógar
skógræktarfélaganna njóta vaxandi
vinsælda sem útivistarsvæði. Í skjóli
skóga má njóta útivistar allt árið um
kring, en útivist í skógi er einhver sú
besta heilsubót sem völ er á og öllum
nauðsynleg. Með því að velja jólatré
sem ræktuð eru hérlendis sparast
gjaldeyrir og lífsgæði aukast með
bættu umhverfi.
Fjölþætt gæði skóga
Á fundinum voru einnig flutt fróð-
leg erindi um vistþjónustu skóga og
fjölbreyttar nytjar svo sem timbur, ber,
sveppi og efni til skreytinga. Í afurðum
skóga felast töluverð verðmæti sem
ekki hafa verið nýtt markvisst til þessa,
en full ástæða er til að huga að.
Aukinn kraftur í atvinnuátak
Atvinnuátaki í samstarfi við
ríkisstjórn Íslands verður haldið
áfram af auknum krafti á þessu ári
og liggur fyrir samþykki fyrir 102
milljóna króna framlagi til verk-
efnisins sem ráðstafað verður til
uppbyggingar útivistarskóga víða
um land. Verkefnið er unnið í sam-
starfi aðildarfélaga Skógræktarfélags
Íslands við Innanríkisráðuneytið,
Atvinnuleysistryggingasjóð og
sveitarfélög landsins.
Verkefnið hófst árið 2009 og hefur
veitt hundruðum einstaklinga úrræði í
því viðvarandi atvinnuleysi sem ekki
sér enn fyrir endann á. Á tímabilinu
2009-2011 verða þannig sköpuð 220
heilsárstörf. Samhliða því að skapa
fjölmörgum einstaklingum tíma-
bundna atvinnu skapar sú vinna sem
unnin er betra aðgengi að útivistar-
skógum skógræktarfélaga, með betri
aðstöðu, stígagerð, grisjun, gróður-
setningu o.fl. Skógræktarfélögin horfa
því með bjartsýni fram á veginn, enda
aukast landgæði nú ár frá ári með vax-
andi skógum, aukinni grósku og líf-
breytileika því samfara. Vaxandi áhugi
er nú fyrir ræktun ávaxtatrjáa og má í
því sambandi tala um vakningu meðal
ræktunarfólks. Sú ræktun mun fyrst og
fremst eiga sér stað innan skógræktar-
svæða og í þéttbýli þar sem garðtré
mynda skógarskjól.
Ræktun íslenskra jólatrjáa eflist:
Kraftur settur í atvinnuátak
skógræktarfélaganna
Bændablaðið
Smáauglýsingar. 5630300