Fréttablaðið - 16.02.2012, Blaðsíða 2
16. febrúar 2012 FIMMTUDAGUR2
SKIPULAGSMÁL Íbúar í nágrenni
Norðurturnsins við Smáralind í
Kópavogi krefjast þess að honum
verði lokað til að koma í veg fyrir
óþolandi vindgnauð sem stafi frá
byggingunni jafnt dag sem nótt.
„Það ískrar og ýlir í turninum,“
segir Jóhannes Gunnarsson, íbúi í
Lindasmára og talsmaður íbúanna
gagnvart yfirvöldum. „Ef maður
opnar svaladyr er alltaf svona
vúúú-úú-ú í bakgrunninum. Það
verður að loka þessari byggingu,“
undirstrikar Jóhannes.
Árni Árnason, for maður lóða-
félagsins í Lindasmára 27 til
45, segir íbúana í hverfinu hafa
setið uppi með óhljóð síðan fram-
kvæmdir við turninn hófust. „Á
meðan húsin eru í byggingu þá er
ekki hægt að kvarta. Það einfald-
lega tekur sinn tíma og svo er það
búið. En þetta bara fer ekki! Ef það
hvessir mikið á nóttunni er fólk í
hverfinu að vakna. Það passar sig
á að hafa lokaða glugga þegar það
fer að sofa vegna hávaðans,“ segir
hann.
Árni kveðst hafa leitað til bæj-
aryfirvalda vegna óhljóðanna.
„Bærinn vísar á eigandann sem
er þrotabú hússins. Þrotabúið
vísar síðan áfram á kröfuhafana,“
segir hann og bætir við að Norð-
urturninum hafi verið „troðið“ í
gegn um skipulagið í Kópavogi á
sínum tíma.
„Kópavogsbær á að tryggja það
að húsnæði eins og þarna stendur
sé ekki að valda öðrum íbúum
ama. Og þetta hús er að gera það
– og þá er ég ekki bara að tala um
hvað það er ljótt og ófrágengið,“
segir Árni.
Jóhannes segir einnig vanda-
mál að Norðurturninn og turninn á
Smáratorgi hafi breytt vindáttum
í hverfinu. Það hafi orðið til þess
að rusl frá verslunum og veitinga-
stöðum í nágrenninu fjúki inn á
lóðir íbúðanna. Það hafi orðið til-
efni til langvinnra samskipta við
bæjaryfirvöld um þrif á lóðun-
um. „Þetta er eins og ösku haugar.
Bærinn sendir menn þegar lengi
hefur verið beðið um það en aldrei
að eigin frumkvæði,“ segir hann.
Fram kom í Fréttablaðinu í gær
að frágangurinn við Norðurturn-
inn sé eigendum Smára lindar einn-
ig mikill þyrnir í augum. Þrota-
búið og kröfuhafarnir hafi hins
vegar engar ákvarðanir tekið um
næstu skref. Ekki þyki álitlegt að
fjármagna áframhaldandi fram-
kvæmdir og hvergi að finna kaup-
anda að þeim hluta byggingarinn-
ar sem þegar er risinn. Jóhannes
hefur hins vegar tillögu að lausn.
„Það er rætt um að reisa
menntaskóla í Kórahverfinu. Það
er upplagt að breyta turninum í
menntaskóla. Til hvers að hrúga
niður byggingum út um allt ef
þær nýtast ekki?“ spyr Jóhannes
í Linda smára. gar@frettabladid.is
Ef maður opnar svala-
dyr er alltaf svona
vúúú-úú-ú í bakgrunninum.
JÓHANNES GUNNARSSON
Í LINDASMÁRA
LÖGREGLUMÁL Héraðsdómur
Reykjaness framlengdi í gær
til 14. mars gæsluvarðhald yfir
þremur körlum og einni konu
sem grunuð eru um að tengjast
alvarlegum
líkams árásum í
Hafnarfirði 22.
desember síð-
astliðinn.
Þá var ráð-
ist á konu í
Vallahverfi og
gengið alvar-
lega í skrokk á
henni. Meðal
annars var
reynt að klippa
af henni fingur. Hún var með-
vitundarlaus þegar að henni
var komið og var flutt alvarlega
slösuð á slysadeild. Eftir fyrstu
handtökurnar var ráðist á hana
að nýju.
Á meðal þeirra sem í gæslu-
varðhaldi eru, eru menn sem
tengjast Vítisenglum, þeirra
á meðal forsprakkinn Einar
Marteins son. - sh
SPURNING DAGSINS
Gráða & feta ostateningar henta
vel í kartöflusalatið, á pítsuna,
í sósuna, salatið, ofnréttinn og
á smáréttabakkann.
ms.is
Gráða & feta
ostateningar í olíu
H
V
ÍT
A
H
Ú
SI
Ð
/
S
ÍA
Kristmundur, standið þið aftur
upp eftir úrslitin?
„Já, algjörlega. Enda er þetta besta
annað sæti sem Íslendingur hefur
lent í.“
Kristmundur Axel Kristmundsson er einn
söngvara hljómsveitarinnar Blás Ópals
sem hafnaði í 2. sæti í Söngvakeppni
sjónvarpsins á laugardagskvöld. Lag
sveitarinnar heitir Stattu upp.
Íbúar þreyttir á ýlfri
frá Norðurturninum
Talsmenn lóðarfélags í Lindasmára segja ýlfur og hvin frá hálfbyggðum turni
við Smáralind taka á taugar íbúa í nágrenninu. Fólk hrökkvi upp af svefni þegar
hvessi að nóttu til. Vindsveipir feyki nú stöðugt rusli að íbúðarblokkunum.
JÓHANNES GUNNARSSON Talsmaður íbúa í Lindasmára segir vindhljóð frá hinum
ókláraða og ófrágengna Norðurturni við Smáralind valda íbúum í nágrenninu miklu
ónæði. FRÉTTABLAÐIÐ/VILHELM
ÍRAN, AP Írönsk stjórnvöld til-
kynntu í gær að þau hefðu náð
tveimur nýjum áföngum í átt-
ina að framleiðslu kjarnorku-
eldsneytis.
Þá skýrðu þau frá því að
þau muni draga úr olíusölu til
Evrópu ríkja vegna refsiaðgerða
sem Evrópusambandið hefur
samþykkt gegn Íran.
Þetta getur komið sér mjög illa
fyrir Grikkland og fleiri Evrópu-
ríki, sem eiga mikið undir því að
geta flutt ódýra olíu inn frá Íran.
- gb
Íranar auka kjarnorkugetu:
Draga úr olíu-
útflutningi
DANMÖRK Miklar skuldir, alltof
miklar launahækkanir og minni
útflutningur eru ástæður þess
að framkvæmdastjórn Evrópu-
sambandsins, ESB, hefur sett
Danmörku á lista með 11 öðrum
Evrópusambandslöndum sem
fylgjast þarf vel með.
Fram kvæmda stjórnin mun
einnig hafa auga með þróun efna-
hagsmála hjá Belgum, Búlgörum,
Spánverjum, Frökkum, Ítölum,
Kýpverjum, Ungverjum, Sló-
venum, Finnum, Svíum og
Bretum.
Ætlunin er að sjá snemma
hættumerki í þróun efnahags-
mála þannig að koma megi í veg
fyrir nýja kreppu. - ibs
Koma á í veg fyrir kreppu:
Efnahagseftirlit
í 11 ESB-ríkjum
SAMFÉLAGSMÁL „Í raun kemur þetta
mér ekki á óvart. Þetta er það sem
við erum búin að vera að reyna
að hamra á í allri umræðu,“ segir
Árni Grétar Jóhannsson, formaður
Samtakanna ´78, um niðurstöður
nýlegrar rannsóknar um líðan ung-
linga á Íslandi.
„Þetta er vandamál sem verður
að tækla.“
Fréttablaðið greindi frá því í
gær að samkvæmt rannsókninni,
sem unnin var við félags-
vísindasvið Háskólans á Akureyri,
eru samkynhneigðir unglingar í
10. bekk grunnskóla margfalt lík-
legri til að hugsa ítrekað um sjálfs-
víg eða reyna að fremja sjálfsvíg.
Þau eru líklegri til að vera þung-
lynd og kvíðin og líða illa í skól-
anum.
Árni Grétar segir samtök fyrir
réttindum samkynhneigðra víða
um heim hafa verið að bregðast
við vandamálinu.
Samtökin ´78 leita nú eftir fjár-
magni til að hefja verkefni sem ber
heitið „Stattu með“.
„Við ætlum að búa til myndbönd
sem beinast að ungu fólki og hvetja
gagnkynhneigð ungmenni til að
standa með vinum sínum og jafn-
öldrum,“ segir Árni Grétar.
Samtökin eru með starfandi
ungliðahóp sem hittist einu sinni
í viku og er yngsti meðlimurinn
þar 13 ára. Boðið er upp á ókeypis
félagsráðgjöf, viðtöl og stuðning
og símaviðtöl fyrir þá sem búa
utan höfuðborgarsvæðisins.
Í rannsókninni kom fram að um
tvö prósent stúlkna og drengja
í 10. bekk hafa verið skotin í eða
stundað kynlíf með einstaklingi af
sama kyni. Þrettán þúsund íslensk-
ir unglingar voru spurðir. - sv
Formaður Samtakanna ´78 segir niðurstöður rannsóknar ekki koma á óvart:
Vandamál sem verður að tækla
ÁRNI GRÉTAR JÓHANNSSON Formaður
samtakanna ´78 segir líðan samkyn-
hneigðra unglinga löngum hafa verið
vandamál sem nauðsynlegt er að laga.
FRÉTTABLAÐIÐ/ VALLI
LÖGREGLUMÁL Mál rúmlega tvítugs
manns sem stakk annan með hnífi
í Kópavogi aðfaranótt 3. febrúar
er rannsakað sem tilraun til mann-
dráps. Þetta kemur fram í gæslu-
varðhaldsúrskurði, sem Hæstirétt-
ur staðfesti í fyrradag.
Hnífurinn, sjálfskeiðungur með
átta sentimetra blaði, olli áverkum
á nýra og milta og er það mat
lækna að aðeins tilviljun hafi ráðið
því að stungan lenti ekki í stærri
æðum sem hefði getað valdið því
manninum blæddi út á stuttum
tíma. Fjarlægja þurfti úr honum
miltað vegna árásarinnar.
Árásarmaðurinn, sem kærasta
hans lýsir sem „hnífaáhugamanni“
sem gangi oftast nær um með hníf
á sér, var undir áhrifum morfíns.
Hann segir þolandann hafi átt upp-
tökin að átökunum og hann hafi
óttast að bíða af þeim bana. Hann
hafi því stungið hann í sjálfsvörn.
Jón Steinar Gunnlaugs son
skilar sér at kvæði og segir ekki
einsýnt að maðurinn sé hættu legur
almenningi. „Í máls gögnum kemur
fram að brota þoli hafði að mun
meiri líkams burði en varnaraðili
sem átti í vök að verjast í átökunum.
Leiddi þetta til þess að varnaraðili
greip til þess óyndisúr ræðis að
bregða hnífnum á brotaþola,“ segir
í sératkvæðinu. - sh
Hnífaáhugamaður stakk í sjálfsvörn, að eigin sögn, svo fjarlægja þurfti milta:
Hending að ekki hlaust af bani
LEIDDUR FYRIR DÓMARA Héraðsdómur
framlengdi gæsluvarðhald yfir mann-
inum til 9. mars. FRÉTTABLAÐIÐ/ANTON
EINAR
MARTEINSSON
Grunaðir um alvarlega árás:
Vítisenglarnir
áfram í haldi
LÖGREGLUMÁL Lögreglan leitar að
unglingspilti sem réðst á sér yngri
dreng á bílastæði við Laugardals-
völl rétt eftir hádegi á þriðjudag.
Þrettán ára piltur leitaði á
slysadeild eftir líkamsárásina, en
hann hafði verið laminn nokkrum
sinnum með einhvers konar
priki. Hann fann fyrir eymslum í
höndum og fótum.
Árásarmaðurinn er talinn vera
á menntaskólaaldri en annar
drengur var með honum í för. Þeir
eru báðir grannvaxnir og voru
klæddir í svartar hettupeysur. - þeb
Réðst á yngri dreng:
Lögregla leitar
árásarmanns
HEILBRIGÐISMÁL Nemendur í
öðrum og þriðja bekk Granda-
skóla slepptu 400 blöðrum í gær,
í tilefni af alþjóðlegum baráttu-
degi krabbameinssjúkra barna.
Einn nemendanna er í krabba-
meinsmeðferð.
Styrktarfélag krabbameins-
sjúkra barna stóð að uppá-
komunni, sem var ætlað að vekja
athygli á málstaðnum. Þá hefur
styrktarfélagið dreift tólf þús-
und póstkortum þar sem vakin
er athygli á einkennum krabba-
meins í börnum. Tíu til tólf börn
greinast með krabbamein á
Íslandi á hverju ári. - þeb
Vekja athygli á krabbameini:
400 blöðrum
sleppt til himins
VIÐ GRANDASKÓLA Nemendurnir
slepptu blöðrunum fyrir utan skólann í
gærmorgun. FRÉTTABLAÐIÐ/GVA