Fréttablaðið - 16.02.2012, Blaðsíða 58
16. febrúar 2012 FIMMTUDAGUR42
sport@frettabladid.is
saman mjög góðan hóp. Við erum með mjög
góða leikmenn í öllum stöðum en samt fer
enginn í fýlu af því að hann fær ekki að spila
þann daginn.“
Hann segir liðsheildina góða og stemninguna
líka. Gott dæmi sé hvernig spænski leik-
stjórnandinn Iker Romero, sem Dagur fékk til
liðsins í fyrra, hefur komið inn í liðið. „Mörgum
þótti skrýtið að Dagur skuli hafa fengið hann
því hann hefur verið mikið meiddur. Hann
hefur samt komið inn í leiki og reynst okkur
vel. Þess fyrir utan er hann afar skemmti legur
og þó svo að hann tali í raun litla þýsku eða
ensku kemur hann öllum til að hlæja með lé-
legum fimmaurabröndurum með sínu hrogna-
máli. Hann leggur því sitt af mörkum þar líka.“
Spennandi tímar hjá Löwen
Í sumar gengur Alexander svo til liðs við
Rhein-Neckar Löwen og er spenntur fyrir því
verkefni. Hann lýsti því í viðtali við Frétta-
blaðið fyrir áramót að honum hugnaðist illa
að flytja fjölskylduna alla á milli landshorna í
Þýskalandi á meðan það væri nokkur óvissa í
kringum Löwen og framtíð félagsins.
Síðustu daga og vikur hafa þó fregnir borist
úr herbúðum Löwen sem Alexander líst vel
á. „Það eru nokkrir leikmenn að fara frá
félaginu og aðrir mjög sterkir að koma inn. Ég
er spenntur fyrir því að skipta yfir í sumar.
Þó svo að félagið ætli sér stóra hluti og leik-
menn ætla sér að ná langt er samt búið að stilla
væntingum í hóf. Ég tel afar spennandi verkefni
í gangi hjá félaginu.“
HANDBOLTI Það verður mikið um að vera á
árinu 2012 hjá Alexander Peterssyni. Lið hans,
Füchse Berlin, er í öðru sæti þýsku úrvals-
deildarinnar og á fullu í Meistaradeildinni.
Í sumar gengur hann svo til liðs við Rhein-
Neckar Löwen eins og legið hefur fyrir. Þá
er Ólympíuár og Ísland á fína möguleika á að
komast til Lundúna.
En það sem Alexander er fyrst og fremst að
hugsa um þessa dagana er að ná sér góðum af
axlarmeiðslum sem hafa plagað hann í nokkurn
tíma og ógna nú bæði tímabilinu í Þýskalandi og
þátttöku hans í verkefnum landsliðsins.
Læknarnir ekki allir sammála
Fréttablaðið hitti á Alexander á kaffi húsi í Ber-
lín í gær, fyrir leik sinna manna gegn Magde-
burg í þýsku úrvals deildinni. Alexander tók
ekki þátt í leiknum en hann hefur ekkert spilað
síðan Ís land mætti Slóveníu á EM í Serbíu.
„Það veit enginn hvað þetta þarf langan tíma
til að jafna sig,“ segir Alexander sem er með
sýkingu í sinum auk þess sem bein í öxlinni er
óeðlilega vaxið.
„Ég hef farið til nokkurra lækna sem segja
sumir að best væri að laga beinið með aðgerð
en aðrir vilja gefa öxlinni tíma til að jafna
sig. Læknarnir í Füchse Berlin vilja sleppa
við aðgerð en þótt ég myndi fara í hana væri
ekki 100 prósent öruggt að það myndi leysa
vandann.“
Aðgerð myndi þýða að Alexander myndi
ekki spila meira á tímabilinu. En það er meira
í húfi – til að mynda umspilið fyrir Ólympíu-
leikana og jafnvel leikarnir sjálfir ef landsliðið
kemst þangað. „Ég er orðinn betri en ég var í
Serbíu og ég finn ekki fyrir öxlinni í daglegum
verkum. En það er í raun ómögulegt að segja
hvenær ég get kastað bolta á ný. Ég reyndi það í
síðustu viku en það gekk ekki vel.“
Reynir líka óhefðbundnar læknisaðferðir
Nýbúið er að senda röntgenmyndir af öxlinni
bæði til lækna Flensburg, hans gamla félags,
sem og Rhein-Neckar Löwen. Það er því verið
að vinna í lausn vandans á mörgum víg stöðvum.
Á meðan gengur Alexander til sjúkra þjálfara
auk þess sem hann hefur einnig leitað til hómó-
pata sem hefur reynst honum og öðrum íslensk-
um íþróttamönnum vel. Alexander er til í að
reyna allt, með tilheyrandi remedíum og raf-
magnsskautum.
„Fyrir nokkrum árum var ég í vandræðum
með öxlina og hómópatinn komst að því að ég
væri með skemmdan endajaxl. Þegar það var
lagað þá lagaðist öxlin,“ segir hann og bros-
ir. „Hann hefur reynst nokkrum íslenskum
íþróttamönnum vel og hefur gott orð á sér.“
Romero er brandarakall
Þegar talið berst að sjálfum handboltanum
segir Alexander að gengi Füchse Berlin sé
merkilega gott miðað við styrk leikmanna-
hópsins. Það eru til dæmis engar stórstjörnur
í liðinu. „En það er kannski okkar besti kostur.
Dagur [Sigurðsson þjálfari] hefur náð að setja
FRAM OG HAUKAR hita upp fyrir komandi bikarúrslitaleik liðanna þegar þau mætast í Framhúsinu klukkan 19.30 í kvöld
í 15. umferð N1 deildar karla í handbolta. Haukar voru einmitt síðasta liðið til að vinna Fram í Safamýrinni í leik liðanna í
nóvember en Hafnarfjarðarliðið er enn á toppnum þrátt fyrir tvö deildartöp í röð. Þrír aðrir leikir fara fram í kvöld. Grótta fær
Akureyri í heimsókn klukkan 18.30 og klukkan 19.30 mætast FH - Afturelding og HK - Valur.
Eiríkur Stefán
Ásgeirsson
skrifar frá Berlín
eirikur@frettabladid.is
ENN MIKIL ÓVISSA UM ÖXLINA
Alexander Petersson segir að axlarmeiðsli sín geri það að verkum að ómögulegt sé að segja til um hvenær
hann geti spilað handbolta á nýjan leik. Hann tjáir sig um meiðslin, Ólympíuleikana í London og yfir-
vofandi félagaskipti frá Füchse Berlin yfir í Rhein-Neckar Löwen í ítarlegu viðtali við Fréttablaðið.
Í BERLÍN Í GÆR Alexander Petersson hefur ekkert spilað með Füchse Berlin síðan á Evrópumótinu í Serbíu í
janúar. FRÉTTABLAÐIÐ/E.STEFÁN
Alexander Petersson segir það gott að spila fyrir þjálfara eins og Dag Sigurðsson hjá
Füchse Berlin. „Hann er mjög góður í sínu starfi og ég á von á því að hann verði
áfram í Berlín næstu 3-4 árin, þó svo að hlutirnir geti verið mjög fljótir að
breytast hjá þjálfurum.“
Það er fátt sem kemur Degi úr jafnvægi, þótt mikið gangi á í leikjunum.
„Ég skil reyndar ekki hvernig hann fer að því að vera svona rólegur og yfir-
vegaður,“ segir Alexander og brosir. „Hann er alltaf með ákveðið plan í huga
og gleymir til að mynda aldrei skiptingum. Hann er alveg með þetta,“ bætir
hann við.
Dagur á það þó til að reiðast ef honum finnst á sér eða liði hans brotið.
„Það er alveg til í honum líka en það er þá gott að vera með honum í liði.“
Dagur er ótrúlega yfirvegaður
vítamín
allt í einni töflu
sport
Mest seldu vítamín í Bretlandi og hafa hlotið hin virtu verðlaun „The Queen´s award for enterprise“ THE QUEEN'S AWARDSFOR ENTERPRISE:
SUSTAINABLE DEVELOPMENT
2004
www.facebook.com/vitabioticsvitamin
Meistaradeildin í fótb. í gær
16 LIÐA ÚRSLIT - FYRRI LEIKUR
Zenit St Pétersborg - Benfica 3-2
0-1 Maxi Pereira (20.), 1-1 Roman Shirokov (27.),
2-1 Sergey Semak (71.), 2-2 Óscar Cardozo (87.),
3-2 Roman Shirokov (88.).
AC Milan - Arsenal 4-0
1-0 Kevin Prince-Boateng (15.), 2-0 Robinho
(38.), 3-0 Robinho (49.), 4-0 Zlatan Ibrahimovic,
víti (79.)
Danski handboltinn
AG Kaupmannahöfn-SönderjyskeE 29-28
Ólafur Stefánsson skoraði 3 mörk. Snorri Steinn
Guðjónsson var með 2 mörk og fékk rautt spjald
í lokin fyrir að tefja. Arnór Atlason og Guðjón
Valur Sigurðsson skoruðu ekki í leiknum.
Þýski handboltinn
Fuchse Berlin- SC Magdeburg 24-20
Alexander Petersson er meiddur og Björgvin Páll
Gústavsson kom aðeins við sögu í einu víti.
Bergischer HC - THW Kiel 21-34
Rúnar Kárason 6 mörk - Aron Pálmarsson 1. Kiel
er búið að vinna fyrstu 20 deildarleiki sína í vetur.
R-Neckar Lowen - Hannover Burgdorf 35-27
Róbert Gunnarsson 5 - Vignir Svavarsson 5,
Hannes Jón Jónsson 5, Ásgeir Örn Hallgrímsson 4
ÚRSLIT Í GÆR
FÓTBOLTI AC Milan er komið með
annan fótinn í átta liða úrslit
Meistaradeildar Evrópu í fótbolta
eftir 4-0 stórsigur á Arsenal í
fyrri leik liðanna í 16 liða úrslit-
unum í Mílanóborg í gær. Arse-
nal-liðið var nokkrum númerum
of lítið í þessum leik og getur nú
farið að einbeita sér að keppni
heima fyrir.
Brasilíumaðurinn Robinho
skoraði tvö marka AC Milan en
þau komu bæði eftir stoðsending-
ar Svíans Zlatan Ibrahimovic sem
síðan innsiglaði sigurinn úr víta-
spyrnu í lokin. Fyrsta mark leiks-
ins og það fallegasta skoraði hins
vegar Kevin Prince-Boateng.
Þetta er stærsta tap Arsenal
á útivelli í sögu liðsins í Meist-
aradeildinni en það má segja
að vandamál liðsins í vetur hafi
kristallast í þessum leik á San
Siro í gær. -óój
Meistaradeildin í gær:
Arsenal steinlá
í Mílanóborg
KEVIN PRINCE-BOATENG Fagnar fyrsta
marki AC Milan í gær. FRÉTTABLAÐIÐ/AP