Fréttablaðið - 16.02.2012, Blaðsíða 46

16. febrúar 2012 FIMMTUDAGUR30 30
menning@frettabladid.is
„Myndefni bókarinnar er fólk og
hið manngerða landslag borgar-
innar,“ segir Davíð Þorsteinsson
eðlisfræðikennari sem í dag fagn-
ar útgáfu ljósmyndabókar sinnar í
Bókabúð Máls og menningar milli
klukkan 17
og 18.
Bókin ber
nafnið Óður.
Myndirn-
ar í henni
eru svart-
hvítar, 168
að tölu og
allar teknar
hérlendis
á árunum 1983 til 1997. Margar
þeirra á götum gamla miðbæjar-
ins, aðrar í friðsæld kaffihúsa og
á listsýningum; enn aðrar á verk-
stæðum iðnaðarmanna, á tónleik-
um og víðar. Sumar úti á landi.
„Fólkið á síðum Óðar er margs
konar,“ segir Davíð. „Þar eru
listamenn og skáld, sjómenn og
kennarar; drottningar, bændur og
bílvirkjar. Sumt er víðfrægt en
annað flestum ókunnugt.“ - gun
Fólk og hið
manngerða
landslag
Söfn og skólar eru á meðal
þeirra sem gætu nýtt sér
kosti stafrænna sagna að
mati Sólveigar Ólafsdóttur
sagnfræðings, sem er heill-
uð af aðferðafræðinni.
Digital Storytelling, sem á íslensku
kallast stafrænar sögur, er aðferða-
fræði sem er að ryðja sér til rúms
á námskeiðum og vinnustofum víðs
vegar um heim. Í San Francisco er
starfrækt Miðstöð stafrænna sagna
(Center for Digital Storytelling), en
henni stjórnar Bandaríkjamaðurinn
Joe Lambert, sem talinn er til frum-
kvöðla á sviðinu.
Um er að ræða frásagnaraðferð
sem venjulegt fólk getur nýtt sér
til að búa til persónulega stuttmynd
um líf sitt. Notaðar eru ljósmyndir,
tónlist, texti og annað efni, ásamt
aðgengilegum vinnsluforritum á
borð við iMovie eða Movie Maker.
Sólveig Ólafsdóttir, sagnfræðing-
ur og framkvæmdastjóri Reykja-
víkurAkademíunnar, og Salvör
Aradóttir, leikhúsfræðingur og þýð-
andi, hafa sótt námskeið á vegum
setursins og hlotið réttindi til að
halda utan um vinnustofur staf-
rænna sagna. Sólveig er heilluð af
aðferðafræðinni. „Þegar þú leitar
heimilda um eitthvað sem liggur
undir yfirborðinu, til dæmis til-
finningar, þá er erfitt að skila því
í texta,“ útskýrir hún. „Við erum
hins vegar vön því að skila hlutum
af okkur í textaformi. En þegar fólk
bætir við textann verkfærum á borð
við ljósmyndir og tónlist sprengir
það af sér formið. Það verður til
ofsalegur kraftur. Ég hef séð það
gerast hjá fullorðnu fólki, ung-
lingum og börnum.“
Sólveig segir að munurinn milli
stafrænna sagna og heimildar-
mynda liggi helst í því að allir geti
orðið höfundar stafrænnar sögu.
„Þetta er leið til að segja persónu-
lega sögu. Það getur verið saga af
einhverjum öðrum en sagan er samt
þín og þess vegna persónuleg. Þú
þarft ekki að vera kvikmyndagerð-
armaður, tæknigúrú eða sérstak-
lega ritfær. Það eiga allir sögur. Og
það eru allir allan daginn að segja
sögur.“
Sé reglum aðferðafræðinnar
fylgt eru stafrænar sögur unnar
í nokkurra daga vinnustofum með
litlum hópi fólks, eftir fyrirfram
mótuðum aðferðum. Sólveig hefur,
í félagi við Salvöru, þegar stjórnað
slíkri vinnustofu með hópi barna
og ungmenna. Út úr vinnustofunni
komu fjölmargar flottar sögur,
sem tóku margar hverjar á mjög
persónulegum málum, og hópur
afar hreykinna ungmenna.
Þær Sólveig og Salvör hafa
fengið styrk frá Reykjavíkurborg
til að þróa áfram vinnustofur
í stafrænum sögum, sem þær
vona að eigi eftir að skila sér
í samstarfi við eitthvert af
reykvísku söfnunum. „Það sem
gefur söfnum fyrst og fremst gildi
er þegar komnar eru persónulegar
tengingar við þau. Ef við tökum
Ljósmyndasafn Reykjavíkur
sem dæmi er þar mikið til af
ljósmyndum frá síðustu öld. Á sama
tíma er heilmikið af fólki þarna
úti sem lifði á þessi tíma bilum.
Hugsaðu þér nú ef við fengjum að
heyra söguna á bak við allar þessar
myndir!“ holmfridur@frettabladid.is
Stafrænar sögur sækja heim-
ildirnar undir yfirborðinu
SÓLVEIG ÓLAFSDÓTTIR Þú þarft ekki að vera kvikmyndagerðarmaður, tæknigúrú eða sérstaklega ritfær til að geta gert góðar
stafrænar sögur segir Sólveig Ólafsdóttir sagnfræðingur. FRÉTTABLAÐIÐ/GVA
EFTIR OHAD NAHARIN
minus 16
HVAÐ? HVENÆR? HVAR?
Fimmtudagur 16. febrúar 2012
➜ Sýningar
13.00 Handverkasýningin Til að fagna
fallegum hlutum stendur nú yfir á Hall-
veigarstöðum við Túngötu. Einkunarorð
sýningarinn eru: Gerum hvern dag
meira skapandi og enn fallegri.
17.00 Sýningin Undanfari eftir Sigurð
Guðjónsson verður opnuð í Sverrissal
Hafnarborgar. Sýningunni lýkir 18.mars.
➜ Íþróttir
18.45 Gestir frá knattspyrnuskóla
Bobby Charlton halda opna BCSSA
æfingu í Fífunni, Kópavogi. Gestirnir
eru þau Helena Geraldine Shiels
framkvæmdastjóri, Ciaran Donnelly
yfirþjálfari, Dean M. Garrity þjálfari
og Ryan M.T.Skivington þjálfari.
Nánari upplýsingar á itferdir.is
➜ Kvikmyndir
17.00 Konfúsíusarstofn-
unin Norðurljós sýnir
kvikmyndina Drauma-
starf Kína í stofu 101 í
Odda, Háskóla Íslands.
Um er að ræða heim-
ildarmynd sem miðar
að því að veita nýrri
kynslóð kínverskra
farandverkamanna
athygli. Allir eru
velkomnir og er
aðgangur ókeypis.
➜ Kynningar
20.00 Bjarnheiður Jóhannsdóttir og
Guðmundur Óli Hilmisson kynna þjón-
ustu Nýsköpunarmiðsvöðvar Íslands
í fyrirlestraröð Hönnunarmiðsvöðvar
Listasafns Reykjavíkur og Listaháskóla
Íslands. Kynningin fer fram í Hafnarhúsi
og er aðgangur ókeypis.
➜ Tónlist
21.00 Magni Ásgeirsson ásamt hljóm-
sveitinni Killer Queen flytja öll bestu
lög Queen á Græna Hattinum, Akureyri.
Miðaverð er kr. 2.000.
22.00 Prinspóló heldur tónleika á
Faktorý. Loji hitar upp með söngvum
og gamanmáli. Miðaverð er kr. 1.000.
Tónleikarnir eru upphaf tónleikaferðar
hljómsveitarinnar til Noregs, Sviss og
Belgíu.
22.00 Bítladrengirnir blíðu halda
tónleika á Ob-La-Dí, Frakkastíg 8.
Aðgangseyrir er kr. 1.000.
➜ Fyrirlestrar
17.15 Erindaröð um ábyrgð hefst
í Bókasafni Kópavogs,
Hamraborg 6a. Gunnar
Hersveinn flytur erindi
og á eftir verða
umræður. Allir vel-
komnir og ókeypis
aðgangur.
Upplýsingar um
viðburði sendist
á hvar@
frettabladid.is.
SJÁLFSSKOÐUN LISTAMANNA er viðfangsefni verka listamanna sem verða
sýnd á sýningunni Ásjónu sem opnar í Listasafni Árnesinga á laugardaginn. Sýnd verða
verk úr eigu safnsins með áherslu á portrett og teikningu.