Fréttablaðið - 16.02.2012, Blaðsíða 54
16. febrúar 2012 FIMMTUDAGUR38
folk@frettabladid.is
Húðflúr eru ávanabindandi
viðurkennir Fríða Rakel
sem er að þekja á sér bakið
með japanskri mynd en það
er Jón Þór Ísberg sem á
heiðurinn af verkinu. Hann
vill meina að húðflúr séu að
verða stærri og litríkari.
HÚÐFLÚR „Ég get alveg viðurkennt
að þetta er ávanabindandi,“ segir
háskólaneminn Fríða Rakel Kaaber
en hún hefur verið að vinna í að láta
þekja á sér bakið með japanskri
mynd síðan árið 2006.
Fríða Rakel fékk sér fyrsta húð-
flúrið þegar hún var 18 ára gömul
og sá alltaf mikið eftir því. „Ég
elti tískubylgjur þess tíma og fékk
mér tákn á mjóbakið. Illa ígrunduð
ákvörðun hjá mér og mig langaði að
reyna að fela það,“ segir Fríða sem
í kjölfarið fór að skoða myndir og
tákn á netinu.
Myndin sem varð fyrir valinu
er af japönsku kirsuberjatré með
páfugli í bakgrunninn, en myndin
nær yfir allt bak hennar. „Kirsu-
berjatréð táknar lífið í heild sinni.
Blómin sem vaxa á þessum trjám
blómstra og deyja fljótt og það
minnir mann á að lífið er stutt og
því um að gera að njóta þess,“ segir
Fríða en listaverkið hefur tekið
sinn tíma og er ekki enn tilbúið.
Fríða segist ekki þora að reikna
út hvað húðflúrið hefur kostað hana
en viðurkennir að það séu nokkrir
hundrað þúsund kallar á bak við
verkið. Henni finnst það samt ekki
hár verðmiði fyrir eitthvað sem
endist ævilangt.
„Það er eitthvað við það að
fá sér húðflúr. Að undirbúa sig
andlega og líkamlega fyrir hvern
tíma, ná að kyngja sársaukanum
og loks spennufallið þegar það er
búið. Manni líður eins og maður
hafi afrekað eitthvað,“ segir Fríða
en þrátt fyrir að vera orðin ansi
vön nálinni viðurkennir hún að
sársaukinn venjist seint. „Nei,
þetta er misvont en alltaf vont.“
alfrun@frettabladid.is
Sársauki nálarinnar venst seint
„Ég vill nú ekki beint tala
um tísku í húðflúrum en
frekar hæðir og lægðir,“
segir Jón Þór Ísberg húð-
flúrsmeistari og sá sem
á heiðurinn af listaverkinu
á baki Fríðu Rakelar.
Jón Þór hefur unnið
sem húðflúrari í 14 ár og
man því tímana tvenna í
bransanum. Hann segir
að mikill uppgangur hafi
verið í húðflúrum síðasta
áratuginn enda séu þau
nú loksins félagslega
samþykkt. Myndirnar
eru orðnar stærri og
litaglaðari.
„Ég held að það sé
óhætt að segja að bless
við tríbal tattúið í bili. Í
staðinn er fólk að fá sér
ættbálka-og japönsk
munstur,“ segir Jón Þór
sem er hrifinn af þessari
þróun.
„Hér á Íslandi þora
strákarnir meira og eru
gjarnari á að fá sér heilar
myndir yfir handleggina.
Stúlkurnar er varkárari en
annars er allur gangur á
þessu.“
Aðspurður hvort hann
hafi einhvern tímann
fengið manneskju í
stólinn sem hefur séð
eftir húðflúrinu svarar Jón
Þór játandi. „Það er helst
þegar fólk lætur flúra á sig
nöfn, kannski ástfangið
upp fyrir haus og ég skil
það vel. En stundum þarf
ég að tala fólk ofan af
hugmyndum sínum, sér-
staklega þegar um er að
ræða sýnilega staði eins
og háls og handarbök.
Þá segi ég einfaldlega nei
enda ber ég líka ábyrgð.“
HÚÐFLÚRIN AÐ
VERÐA STÆRRI
OG LITRÍKARI
FRÉTTABLAÐIÐ/STEFÁN
Gildir eingöngu þegar forráðamaður kaupir máltíð. 1 máltíð á barn af barnamatseðli. Gildir eingöngu í sal.
VÍSINDI Karlmenn sem finna á
sér eftir að hafa drukkið vodka
eiga auðveldara með að leysa
orðaþrautir en þeir sem ekki
hafa drukkið. Þetta eru niður-
stöður könnunar sem var gerð af
útskriftar nemum við háskólann í
Illinois í Chicago.
Tuttugu drykkjumenn fengu
sér nokkra vodkadrykki, þannig
að þeir fundu á sér, og þurftu
svo að taka þátt í orðaþraut. Þeir
áttu auðveldara með að leysa
úr þrautinni en þeir sem ekki
drukku, samkvæmt niðurstöðum
sem voru birtar í tímaritinu
Consciousness and Cognition.
Vodki leysti
þrautina
VODKINN HJÁLPAÐI Áfengið hjálpaði til
við lausn þrautarinnar.
KOMA Í VEG FYRIR TÚRVERKI Nú hafa rannsóknarmenn við Sahlgrenska-
sjúkrahúsið í Svíþjóð sannað að notkun getnaðarvarnarpillunnar kemur í veg fyrir
túrverki. Sama rannsókn sýnir einnig að yngri konur fá frekar túrverki en þær eldri.
MATUR Einn af hverjum sjö ung-
lingum í Bretlandi sleppir hádegis-
mat á hverjum degi, og einn af
hverjum fimm sleppir morgunmat.
Þetta eru niðurstöður rannsóknar
sem gerð var af sérstöku ráði sem
skoðar heilsumál í skólum þar í
landi.
Lagðar voru spurningar fyrir
83.000 unglinga á aldrinum 10 til
15 ára og voru elstu stelpurnar í
hópnum líklegastar til að sleppa
úr báðum mátíðunum.
Talið að tíðni þeirra sem sleppa
hádegismat hafi tvöfaldast á
síðustu 25 árum. Það þykir afar
slæm þróun sem líklegast tengist
síaukinni pressu á að halda sér
grönnum.
Sleppa úr
máltíðum
lifsstill@frettabladid.is
38