Fréttablaðið - 16.02.2012, Qupperneq 48

16. febrúar 2012 FIMMTUDAGUR32
tonlist@frettabladid.is
TÓNNINN GEFINN
Trausti Júlíusson
Damon Albarn situr ekki með hendur
í skauti því í þessum mánuði lýkur
hann upptökum á þremur plötum.
Sú fyrsta er með hljómsveitinni
Rocket Juice & the Moon sem hann
skipar ásamt Flea úr Red Hot Chili
Peppers og trommuleikaranum
Tony Allen sem spilaði í Hörpunni
í fyrra. Albarn er einnig
að aðstoða við að semja
og taka upp plötu með
sálargoðsögninni Bobby
Womack, auk þess sem
hann ætlar að gefa út
tónlist sem hann samdi
við óperuna sína Doctor
Dee: An English
Opera, sem fjallar
um lækni og ráðgjafa Elísabetar
I, Englandsdrottningar. Allar
plöturnar eru væntanlegar
á næstu tveimur til þremur
mánuðum.
Fleiri verkefni eru í pípunum
hjá Albarn, þar á meðal fyrsta
sólóplatan, nýtt efni frá
Gorillaz og hugsanlega
fyrsta plata Blur í níu ár
en hljómsveitin spilar á
Brit-hátíðinni í næstu
viku.
Þrjár plötur á leiðinni
NÓG AÐ GERA Damon
Albarn hefur í nógu að
snúast.
„Ein persóna deyr, milljónir gráta. Milljón deyja, enginn grætur,“
Svona hljómar yfirskrift myndar sem gengur á netinu. Undir fyrri
setningunni er mynd af Whitney Houston, en þeirri seinni, hungursneyð
í Afríku. Ja, svona er þetta bara. Lífið er ekki sanngjarnt.
Þó að Whitney Houston hafi ekki átt
metsölulag í mörg ár þá hefur dauði
hennar snert milljónir. Eins og Michael
Jackson, var Whitney andlit sem allir
þekktu og átti mörg lög sem slógu í gegn út
um allan heim.
Whitney var fædd 9. ágúst 1963. Hún var
umkringd söngkonum frá fyrsta degi. Hún
var dóttir söngkonunnar Cissy Houston og
umgekkst náfrænku sína Dionne Warwick
mikið, auk þess sem sjálf Aretha Franklin
var guðmóðir hennar. Whitney byrjaði að
syngja gospel í hvítasunnukirkjunni heima
í New Jersey ellefu ára og mamma hennar
tók hana í söngkennslu á unglingsárunum.
Þegar hún var 19 ára gerði Clive Davis hjá
Arista samning við hana og þremur árum
seinna var hún orðin ofurstjarna. Fyrsta
platan hennar, samnefnd henni, er ein
mest selda sólóplata söngkonu í sögunni og 22ja ára gömul var Whitney
búin að koma þremur smáskífum á topp Billboardlistans. Þegar á leið
fækkaði smellunum og fíkniefnaneyslan, sem varð vandamál eftir að
hún giftist Bobby Brown í júlí 1992, tók æ stærri toll.
Whitney sýndi það í lögum eins og Greatest Love of All og I Will
Always Love You að hún var mögnuð söngkona og þó að fæstar platna
hennar teljist til meistaraverka poppsögunnar, þá var hún dáð og dýrkuð
og hafði gríðarleg áhrif á yngri kynslóðir söngkvenna.
Nú er Whitney farin, blessuð sé minning hennar, og verksmiðjur í
öllum heimshlutum farnar að framleiða plöturnar hennar til þess að
anna eftirspurninni. Þegar þetta er skrifað eru t.d. 27 lög með henni á
leið inn á breska smáskífulistann.
Hæfileikar til spillis
> PLATA VIKUNNAR
Helgi Júlíus - Kominn heim
★★★★
„Frábær plata sem sýnir að
Helgi Júlíus er mjög liðtækur
laga- og textasmiður.“ -TJ
Önnur plata bandaríska
dúósins Sleigh Bells kemur
út eftir helgi. Einstakur
hljómurinn hefur vakið
athygli víða um heim.
Sleigh Bells er samstarfsverkefni
Dereks E. Millers og söngkonunnar
Alexis Krauss. Þau hittust í New
York árið 2008 þegar Miller var að
þjóna Krauss og móður hennar til
borðs á brasilískum veitingastað.
Þegar Miller minntist á að hann
væri að leita að söngkonu í nýja
hljómsveit stakk móðir Krauss
umsvifalaust upp á dóttur sinni.
Hinn einstaki hljómur Sleigh
Bells þar sem blandað er saman
hávaðarokki og poppi á rætur að
rekja til ólíks tónlistarbakgrunns
þeirra Millers og Krauss.
Miller var áður gítarleikari í
harðkjarnasveitinni Poison the
Well og Krauss var meðlimur
unglingapoppsveitarinnar
RubyBlue. Samvinna þeirra er því
óvenjuleg en gengur einhverra
hluta vegna alveg fullkomlega upp.
Sleigh Bells vakti hægt og
bítandi athygli í tónlistar-
bransanum og vorið 2010 skrifaði
hljóm sveitin undir útgáfu-
samning við N.E.E.T. sem er í eigu
tónlistar konunnar M.I.A. Fyrsta
platan, Treats, kom út skömmu
síðar og vakti mikla athygli. Ekki
skemmdi fyrir kraftmikil frammi-
staða Millers og Krauss á tón-
leikum. Öflugur trommu takturinn,
bjagaður gítar leikurinn og hljóð-
gervla poppið féll vel í kramið hjá
gagnrýnendum og almenningi.
Falleg rödd Krauss sveif svo yfir
öllu saman þannig að úr varð
grípandi tónlistarbræðingur.
Önnur plata Sleigh Bells, Reign
of Terror, kemur út eftir helgi.
Í þetta sinn störfuðu Miller og
Krauss að henni í sameiningu
en Miller sá algjörlega um
lagasmíðarnar á Treats, enda hafði
hann ekki hitt Krauss þegar þau
lög voru samin.
Gítar leikurinn er meira áberandi
en áður og platan er þung og yfir-
grips mikil, samkvæmt frétta-
tilkynningu sveitarinnar. Þar
segir að hljómurinn sé eins og í
„fallegri hagla byssu sem hleypt
er af í hausinn á manni“.
Sleigh Bells fylgir Reign of
Terror eftir með tónleikaferð
sem hófst á þriðjudaginn í Flórída
en lýkur í Washington 27. mars.
Tónleikarnir verða fimmtán í
heildina, þar á meðal fimm á
Bretlands eyjum. Einnig má búast
við að sveitin trylli lýðinn á hinum
ýmsu tónlistarhátíðum í sumar.
freyr@frettabladid.is
Eins og falleg haglabyssa
> Í SPILARANUM
The Ting Tings – Sounds From Nowheresville
Lambchop – Mr. M
Die Antwoord – Tension
Leonard Cohen – Old Ideas
NORDICPHOTOS/GETTY
NÝ PLATA Hljóm-
sveitin Sleigh Bells
gefur í næstu viku
út plötuna Reign
of Terror.
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 9. febrúar- 15. febrúar 2012
LAGALISTINN
Vikuna 9. febrúar - 15. febrúar 2012
Sæti Flytjandi Lag
1 Of Monsters And Men .................................Lakehouse
2 The Black Keys ............................................... Lonely Boy
3 Retro Stefson ..........................................................Qween
4 Lana Del Ray ..................................................Born To Die
5 Goyte / Kimbra ................Somebody I Used To Know
6 Lana Del Ray ...............................................Video Games
7 Hjálmar ......................................................... Borð fyrir tvo
8 Foster The People .................... Call It What You Want
9 Valdimar Guðm. / Helgi Júlíus .......Stöndum saman
10 Jason Derulo ................................................Fight For You
Sæti Flytjandi Plata
1 Ýmsir ..................... Söngvakeppni Sjónvarpsins 2012
2 Mugison ...................................................................Haglél
3 Of Monsters And Men ...........My Head Is An Animal
4 Valgeir Guðjónsson ...................Spilaðu lag fyrir mig
5 Ýmsir .............. Einu sinni var / Út um græna grundu
6 Leonard Cohen .................................................Old Ideas
7 Sólstafir....................................................... Svartir sandar
8 Paul McCartney .........................Kisses On The Bottom
9 Adele .................................................................................. 21
10 Sigurður Guðm. og Sigríður Thorl. ......... Ásamt Sinfó
OPIÐ HÚS á Gigtarmiðstöðinni Ármúla 5
Laugardaginn 18. febrúar milli kl. 13 og 16.
Gigtarfélag Íslands býður fólki að koma á OPIÐ HÚS á Gigtarmiðstöðinni að
Ármúla 5, laugardaginn 18. febrúar milli kl. 13 og 16.
Dagskrá:
1. Ávörp og fyrirlestrar
13:00 Einar S Ingólfsson formaður GÍ opnar húsið.
Guðbjartur Hannesson velferðarráðherra ávarpar gesti.
13:15 Fyrirlestur um Gjörhygli „mindfulness“;
Bridget Ýr McEvoy verkefnastjóri hjúkrunar við heilsustofnunina
í Hveragerði flytur.
13:45 Kynning á Tai Chi - vinnusmiðja; Anna Kristín Kristjánsdóttir
sjúkraþjálfari flytur.
2. Kynning á starfi Gigtarmiðstöðvarinnar,
vörukynningar fyrirtækja og kaffi á könnunni.
14:20 Kynnt verður sjúkraþjálfun, iðjuþjálfun, áhugahópar félagsins,
hópþjálfun fótaaðgerðir, Gigtarlínan, fræðsla og ráðgjöf.
Vörukynningar: Eirberg, Iljaskinn, Lífsorka, Lýsi, Portfarma, Stoð,
Varmahlífar Volcano Iceland, Öryggismiðstöðin og Össur.
Allir eru velkomnir.