Fréttablaðið - 24.03.2012, Blaðsíða 68

KYNNING − AUGLÝSINGBrúðkaup LAUGARDAGUR 24. MARS 20126
Hornsteinn lífs og hamingju
Hjónabandið er heilög stofnun og tekið hátíðlega í flestum trúarbrögðum. Siðirnir eru þó mismunandi eins og lesa má hér að neðan um brúðkaup
múslima, gyðinga og kristinna manna.
Hjónaband er einn af hornsteinum tilverunnar meðal
gyðinga og einstakt tilefni til hátíðahalda. Brúðkaupi
gyðinga fylgir langur undirbúningur hefða og reglna.
Rabbíni hefur umsjón með athöfninni, en vinir eða fjöl-
skyldumeðlimir mega stjórna henni með leyfi rabbína.
Athöfnin byrjar á undirritun hjúskaparsáttmála í viðurvist
fjögurra votta og embættismanns. Næst setur brúðgum-
inn brúðarslör yfir andlit brúðar sinnar, sem tákn um að
fæða hana, klæða og vernda um ókomna tíð. Brúðurin
klæðist yfirleitt hefðbundnum, hvítum brúðarkjól og
brúðguminn svörtum smóking. Brúðurin mætir síðust til
athafnarinnar og er oft fylgt af föður sínum að chuppah,
sem er eins konar tjaldhiminn þar sem brúðhjónin eru
gefin saman. Þar gengur hún sjö sinnum eða oftar í
kringum framtíðar eiginmann sinn. Hefð segir að brúð-
hjónin skuli fasta á brúðkaupsdaginn til að hreinsa sig af syndum sínum og hefja hjónaband með hreinan skjöld.
Talan sjö er táknræn í gyðingabrúðkaupum; drukknir eru sjö bikarar víns því Guð skapaði heiminn á sjö dögum og
í veislunni eru brúðhjónin blessuð sjö sinnum. Mikilvægasta athöfnin er þegar brúðguminn gefur brúði sinni hring,
en hann þarf að vera látlaus, án steina eða skrauts og alls ekki fenginn að láni. Athöfnin endar á því að brúðguminn
brýtur glerstaup með fæti sínum og eftir það rignir yfir brúðhjónin hamingjuóskum.
Kristnir menn trúa því að hjónabandið sé Guðs gjöf og því ekki sjálf-
gefin. Að gefast hvort öðru í Guðs húsi er mikilvægt, á forsendum þess
að byggja framtíð og fjölskyldulíf saman. Hjónaband meðal kristinna er
opinber yfirlýsing um ást og skuldbindingu, frammi fyrir fjölskyldu og
vinum. Meðal kaþólskra er Guð álitinn upphafsmaður hjónabandsins sem
er guðdómleg stofnun sem aldrei má skemma, jafnvel þótt brúðhjónin
skilji að lögum, því svo lengi sem þau bæði lifa álítur kirkjan þau sameinuð
af drottni. Kaþólskir eru hvattir til að gefast öðrum kaþólikkum til að öðlast
fullkomið samneyti hugar og lífs, þótt í dag séu „blönduð hjónabönd“
algengari en áður. Meðal kaþólskra tíðkast tvenns konar brúðkaupsat-
hafnir; ein fjögurra tíma með messu og önnur án messu, sem tekur um
tuttugu mínútur.
Múslimabrúðkaup kallast nikah og eru afar mismunandi
enda er íslamstrú iðkuð á mismunandi menningarsvæðum.
Athöfnin er látlaus og þarf brúðurin ekki að vera viðstödd
ef hún sendir til hennar tvo vitundarvotta. Nærvera íslamsks
prests er ekki nauðsyn en oftar en ekki leiðir hann athöfn-
ina og fer með stutta predikun. Lesið er upp úr Kóraninum
og skipst á tryggðarheitum í votta viðurvist. Gifting mús-
lima má ekki fara fram með leynd og því gerð opinber með
miklum veisluhöldum. Flestar brúðir klæðast hefðbundn-
um, hvítum brúðarkjól en asískar múslimabrúðir klæðast
gjarnan purpurarauðum fatnaði með gullþráðum og láta
flúra hendur sínar og fætur með henna-litum. Í sumum
menningarsamfélögum er skotið af byssum og dansað af
glaðværð í brúðkaupum sem standa oft dögum saman.
UPPRUNI HVEITIBRAUÐSDAGA
Orðið hveitibrauðsdagar er notað yfir fyrstu
daga hjónabands en það hefur verið í mál-
inu frá því að síðari hluta 19. aldar. Þar segir
að orðið sé tökuorð úr dönsku, samanber
hvedebrødsdage. Skýringin er sú að hveiti-
brauð var borðað á hátíðisdögum.
Viðey er paradísareyja og draumastaður elskenda á brúðkaupsdaginn,“ segir
Friðgeir Ingi Eiríksson, yfirkokkur
á Hótel Holti, en Gallery Restaur-
ant sér um veisluhald í Viðeyjar-
stofu árið um kring.
„Til Viðeyjar streyma brúðhjón
frá öllum heimshornum til að gefast
hvort öðru í einstakri náttúrufegurð
og friðsæld eyjunnar, enda magnað
að geta haldið brúðkaup á einkaeyju
við litskrúðugt sólarlag sem merlar í
sænum en líka undir dansi norður-
ljósa þegar eyjan skartar sínu feg-
ursta vetrarskarti,“ segir Friðgeir
um eina rómantískustu eyju lýð-
veldisins.
Í Viðey að sumri til eru brúð-
hjón gefin saman í Viðeyjarkirkju
og hægt að bjóða allt að 150 gestum
til brúðkaupsveislu í Viðeyjarstofu.
„Brúðkaupsdagurinn er einn af
merkisdögum lífsins og við leggjum
metnað í að brúðhjónin og gestir
þeirra njóti hans til fulls. Á neðri
hæð Viðeyjarstofu er barnagæsla
og afþreying fyrir káta krakka svo
fullorðna fólkið geti setið rólegt yfir
borðhaldinu. Þá mætum við öllum
óskum í mat og drykk, finnum út
hver er uppáhaldsmatur brúð-
hjónanna og færum í sparibúning
sem smárétti á milli rétta til að gefa
brúðkaupsveislunni enn persónu-
legra bragð,“ segir Friðgeir, og að
sjálfsögðu baka matreiðslumeist-
arar Hótels Holts draumabrúðar-
tertu brúðhjónanna.
„Viðey er umlukin rómantík og
afslappaðri stemningu. Salurinn í
Viðeyjarstofu er bæði konunglegur
og kósí, og margir vilja njóta töfra
eyjunnar utanhúss, ganga að Frið-
arsúlunni eða í fagra laut til að upp-
lifa sem mest af eyjunni,“ segir Frið-
geir.
Upplýsingar um lausa daga til
sumarbrúðkaups í Viðey fást á Hótel
Holti í síma 552 5700 eða á netfang-
inu videyjarstofa@holt.is. Sjá nánar
á www.videyjarstofa.is.
Ást að eilífu í Viðey
Sumarbrúðkaup á einkaeyju uppfyllir rómantíska drauma brúðhjóna. Í Viðey á
sundunum bláu fullkomnar allt hinn stóra dag; kirkja, fegurð og konungleg veisluhöld.
Friðgeir Ingi Eiríksson, yfirkokkur á Hótel
Holti. MYND/DANÍEL
Í Viðeyjarstofu fá brúðhjónin konunglegar móttökur og þar er stjanað við þau í hvívetna.
Íris Lind
brúðkaupstónlist
þú finnur mig einnig
á vefnum www.irislind.is
Netfang: iris77@internet.is · gsm: 696 1178