Fréttablaðið - 25.05.2012, Qupperneq 38

HELGARMATURINN
Matthías Matthíasson
söngvari með meiru gefur
okkur uppskrift að dýrindis
laxi með góðu salati sem er
tilvalið að prófa þessa Euro-
vision-helgi.
Eurovisionlax
3 hvítlauksrif
2 ferskir rósmarínstönglar
ferskt laxaflak
1 matskeið af ólífuolíu
2 klípur af góðu salti
pipar eftir smekk
1 sítróna
1 meðalstór sæt kartafla
Sæt kartafla heil og meðal-
stór sett í ofn á 200 gráðum í
klukkutíma, borin fram skor-
in í 3ja cm þykkar sneiðar með
smjöri og smá Maldon-salti.
Leggið laxinn með roðið niður
á álpappír og skvettið örlít-
illi ólífuolíu yfir, setjið því næst
hvítlauk og rósmarín yfir, vel
saxað.
Breiðið frekar þunnt skornar
sítrónusneiðar yfir laxinn. Salt-
ið og piprið.
Grillist í u.þ.b. 12 mínútur, eða
þar til laxinn er eldaður í gegn.
Fínt er að setja hann inn með
kartöflunni síðustu 10 mínút-
urnar.
Með þessum rétti er líka til-
valið að ofnbaka ferskt græn-
meti. T.d. gulrætur, kúrbít eða
hvað sem manni dettur í hug.
Þá dreifið þið ólífuolíu yfir, salt-
ið og piprið og setjið í ofninn
með laxinum í u.þ.b. 35 mínút-
ur, fer eftir hvað þið
viljið hafa græn-
metið stökkt.
Sumarlegur,
hollur og um-
fram allt bragð-
góður réttur
sem er auðvelt
að búa til.
Hvítvín eða bara íslenska vatnið
steinliggur svo með þessu.
Birta Björnsdóttir fatahönnuður sem rekið hefur verslunina Júniform í tíu
farsæl ár heldur nú á vit ævintýranna þar sem hún flytur til Barcelona með
fjölskylduna.
Birta tilkynnti tímamótin á samskiptavefnum Facebook og segir þar meðal
annars að verslunin verði opin til 15. júní næstkomandi.
Traustir viðskiptavinir Birtu þurfa hins vegar ekkert að óttast því ný vef-
verslun mun fara í loftið í haust þar sem hægt verður að versla hönnun henn-
ar áfram. „Þetta eru búin að vera ótrúlega skemmtileg tíu ár í rekstri þessar-
ar verslunar og hefði mig aldrei órað fyrir því hve vel hún ætti eftir að ganga.
Það er því ánægjulegt að skilja við hana á tímum þar sem aldrei hefur gengið
betur,“ segir Birta þakklát.
JÚNIFORM LOKAR