Fréttablaðið - 02.06.2012, Qupperneq 40

2. júní 2012 LAUGARDAGUR40
PÓLLAND Robert Lewandowski
Framherji | Borusioa Dortmund | 23 ára | 1,84 m
Þessir gætu slegið í gegn á EM
Það þekkja allir Wayne Rooney, Cristiano Ronaldo, Xavi og Robin Van Persie. Færra þekkja aftur á móti Robert Lewandowski,
Sebastian Giovinco og Andriy Yarmolenko. Þeir Trausti Hafliðason og Kjartan Guðmundsson beina hér kastljósinu að þeim sem
gætu komið á óvart í Evrópukeppni landsliða sem hefst á föstudagin og njóta liðsinnis Kolbeins Tuma Daðasonar.
Lewandowski gæti brillerað í þessari
keppni. Það kæmi reyndar ekkert sér-
staklega á óvart. Pólland er á heimavelli,
í lélegum riðli og Lewandowski er fullur
sjálfstraust eftir stórkostlegt tímabil með
Dortmund þar sem hann skoraði 22
mörk (ekkert úr víti) og lagði upp átta
í 34 leikjum í deildinni. Já, og hann var
valinn besti leikmaður þýsku deildarinnar
í vetur. Það eru aðeins tvö ár síðan þessi
ungi Pólverji lék með Lech Poznan í
pólsku deildinni þar sem hann skoraði
32 mörk í 58 leikjum. Á fjórum árum, frá
2006 til 2010, afrekaði hann að verða
markakóngur í pólsku 3. deildinni, pólsku
2. deildinni og pólsku úrvalsdeildinni.
Dortmund keypti hann sumarið 2010 fyrir
4,5 milljónir evra, sem fyrir Íslendinga
sem horfa mest á enska boltann, eru
um 3,5 milljónir punda. Ef Pólverjar
eiga að ná langt í keppninni þurfa þeir
Lewandowski og Jakub Błaszczykowski,
sem leikur einnig með Dortmund, að
eiga gott mót.
Kolbeinn Tumi:
„Skærasta stjarna
heimamanna og
gæti ekki verið
í betra formi.
Minnir um
margt á Ruud
Van Nis-
telrooy, þefar
allt uppi inni í vítateignum og
martröð varnarmanna.“
DANMÖRK Christian Eriksen
Miðjumaður | Ajax | 20 ára | 1,76 m
Það er í raun ótrúlegt að Eriksen
sé aðeins tvítugur, svo lengi hefur
hann verið í sviðsljósinu. Hann lék
með Ajax í Meistaradeild Evrópu
í vetur og í sex leikjum var hann
með að meðaltali 3 lykilsendingar
í leik. Aðeins tvær leikmenn voru
með fleiri, Mesut Özil, leikmaður
Real Madrid og Danny , leikmaður
Zenit. Eriksen er steyptur í svipað
mót og spænsku miðjumennirnir
Xavi, Iniesta og Fabregas. Lítill og
nettur leikmaður sem hefur hæfi-
leka til að stjórna leikjum. Hann
nýtur sín best í holunni fyrir aftan
framherjana. Danir eru í ferlega
erfiðum riðli og ef þeir eiga að ná
árangri þarf þessi ungi snillingur
að vera í sínu besta formi. Það
er aðeins tímaspursmál hvenær
Eriksen verður keyptur frá Ajax en
hann hefur leikið með liðinu síðan
hann var 15 ára.
Kolbeinn Tumi: „Óeigingjarn skap-
andi miðjumaður sem er duglegur
að búa til færi fyrir samherja sína.
Aðeins tvítugur en velgengni Dana
veltur á frammistöðu hans.“
ÍTALÍA Sebastian Giovinco
Framherji | Parma | 25 ára | 1,64 m
Það hefur lengi verið beðið eftir því að þessi litli snillingur
færi að blómstra. Hann var ekki nema níu ára gamall
þegar hann var kominn á mála hjá Juventus. Þrátt fyrir
að allir sæju að hann hefði þennan fræga X-factor þá
náði hann sér aldrei á strik með þeim svarthvítu. Það
gerðist ekki fyrr en hann var seldur til Parma síðasta
sumar. Hann átti frábært tímabil með Parma í vetur og
skoraði 15 mörk og lagði upp 11 til viðbótar. Giovinco
er leikmaður sem fólk borgar fyrir að sjá spila fótbolta.
Hann er gríðarlega leikinn, með góðar sendingar og
tekur frábærar aukaspyrnur. Ítalirnir kalla hann Formica
atomica eða kjarnorku-maurinn í lauslegri þýðingu. Þó
hann sé flokkaður sem framherji leikur hann oftast sem
framliggjandi miðjumaður eða vængmaður. Það verður
spennandi að sjá hvort Giovinco fær alvöru tækifæri með
ítalska liðinu. Þá má geta þess að það eru ekki nema
nokkrir dagar síðan fréttir bárust af því að Manchester City
væri með Giovinco undir smásjánni. Þá hlýtur hann að
geta eitthvað.
Kolbeinn Tumi: „Smávaxið tækniundur sem má ekki hafa
augun af. Boltinn virkar sem límdur við tærnar á honum.“
TÉKKLAND Tomas Necid
Framherji | CSKA Moskva | 22 ára | 1,90 m
Kolbeinn Tumi: „Hávaxinn framherji sem spilar
best í stórleikjum. Klár af bekknum ef marka-
hæsta manni EM 2004, Milan Baros, gengur illa
að skora.“
FRAKKLAND
Olivier Giroud
Framherji | Montpellier |
25 ára | 1,92 m
Kolbeinn Tumi:
„Líkamlega sterkur og
frábær skallamaður.
Lagði upp tvö mörk á
þremur mínútum gegn
Íslandi sem réði ekkert
við hann. Fyrsti maður
inn fyrir Benzema.“
HOLLAND
Luuk de Jong
Framherji | FC Twente | 21
árs | 1,88 m
Kolbeinn Tumi: „Fram-
herji sem klárar færi sín
vel hvort sem er með
hægri eða vinstri. Afslapp-
aður fyrir framan markið
og kýs nákvæmni fram yfir
skothörku.“
ENGLAND Alex Oxlade-Chamberlain
Vinstri kantmaður | Arsenal | 18 ára | 1,80 m
Kolbeinn Tumi: „Uxinn er fullur sjálfstrausts
þrátt fyrir litla reynslu. Jókerinn í liði Englands
sem þarf á honum að halda ætli það ekki að
gera sig að fífli í sumar.“
SPÁNN
Javi Martínez
Miðjumaður | Athletic
Bilbao | 23 ára | 1,90 m
Kolbeinn Tumi: „Leið-
toginn í U21-Evrópu-
meistaraliði Spánverja
síðasta sumar. Yfirveg-
aður, les leikinn vel og
stórhættulegur í föstum
leikatriðum.“
FYLGIST MEÐ ÞESSUM
FRAMHALD Á SÍÐU 42
NORDICPHOTOS/AFP