Fréttablaðið - 02.06.2012, Page 110

2. júní 2012 LAUGARDAGUR74
sport@frettabladid.is
FJÓRIR ÍSLENSKIR HANDBOLTAMENN geta orðið danskir meistarar í dag þegar AG Kaupmannahöfn tekur á móti Bjerr-
ingbro-Silkeborg í Boxen-höllinni en uppselt er á leikinn. AGK vann fyrri leikinn 30-19 og á titilinn vísan. Snorri Steinn Guðjónsson og
Arnór Atlason geta orðið danskir meistarar annað árið í röð, Ólafur Stefánsson verður með sigri meistari í fjórða landinu og Guðjón
Valur Sigurðsson getur hvatt AG með því að hjálpa liðinu að vinna titilinn en hann er á leiðinni til þýsku meistarana í Kiel.
FÓTBOLTI „Ég held að þetta ger-
ist ekkert stærra í kvennafót-
boltanum hvað varðar spennu og
umgjörð. Það var hrikalega gaman
að taka þátt í þessu. Á seinasta
leiknum voru sjö þúsund áhorf-
endur, völlurinn kjaftfullur og
allir að öskra og klappa. Fólk byrj-
aði að mæta einum og hálfum tíma
fyrir leik og fagnaði með okkur í
klukkutíma eftir á. Í rauninni
áttar maður sig ekki á því að svona
sé til í kvennafótboltanum,“ sagði
Margrét Lára en mikil spenna var
í toppbaráttunni fram að síðustu
umferðinni.
„Seinasti mánuðurinn var
rosalegur þar sem við spiluðum
úrslitaleik í hverri einustu viku,“
segir Margrét sem segir liðið
hafa verið komið með bakið upp
við vegg. Liðið lagði keppinautana
þrjá að velli í háspennuleikjum í
lokaumferðunum.
Lítill skilningur á meiðslunum
„Þessir leikir voru allir mjög
spennandi, skemmtilegir og
hágæðafótbolti. Ég er ennþá í
hálfgerðu losti eftir þetta,“ sagði
landsliðskonan sem skoraði eitt
marka Potsdam í auðveldum 8-0
sigri á Leipzig í síðasta leiknum.
„Sá var hálfgert formsatriði
enda féll Leipzig með miklum yfir-
burðum. Það hefði verið mikið slys
hefðum við klúðrað honum,“ sagði
landsliðskonan.
Það er skammt stórra högga á
milli í lífi knattspyrnukonunnar
Margrétar Láru. Aðeins klukku-
stundum eftir að hún fagnaði
Þýskalandstitlinum ræddi hún við
læknateymi Potsdam og ljóst varð
að hún yrði ekki áfram í herbúðum
félagsins.
Margrét Lára hefur glímt við
álagsmeiðsli aftan í læri í fjögur
ár. Meiðslin eru þó þess eðlis að
röntgenmyndir sýna ekki að um
nein meiðsli séu að ræða. Hjá Pots-
dam er æft tíu sinnum í viku auk
leikja þannig að álagið er mikið og
líða oft fjórtán eða fimmtán dagar
á milli hvíldardaga. Lítill skiln-
ingur hefur verið á álagsmeiðslum
Margrétar Láru.
„Kröfurnar hjá Potsdam eru
miklar. Þjálfarinn verður sjötug-
ur á þessu ári, hefur þjálfað liðið
í fjörutíu ár og er Austur-Þjóð-
verji. Hann er með sína uppskrift
að meistaraliði,“ segir landsliðs-
konan sem segist bera mikla virð-
ingu fyrir honum og hans störf-
um. Æfingaálagið hjá félaginu sé
þó þess eðlis að það gangi ekki
upp fyrir hana sem séu mikil von-
brigði.
„Ég var mjög ánægð í Potsdam
og naut tímans rosalega vel. Ég
féll vel inn í spilamennsku liðsins
og liðið hentaði mér mjög vel. En
fótbolti er eins og lífið, það er ekki
alltaf eins og maður kýs.“
VILL HALDA DRAUMNUM LIFANDI
Íslenska kvennalandsliðið leik-
ur tvo mikilvæga leiki gegn Ung-
verjum og Búlgaríu í undan-
keppni Evrópumótsins um miðjan
júní. Margrét Lára hefur tekið því
rólega undanfarna daga en stefnir
á að æfa í kjölfarið með Valskonum
í aðdraganda landsleikjanna.
„Ég vona að kraftaverk gerist á
næstu dögum og vikum svo ég geti
spilað af minni mestu getu með
landsliðinu. Ég ætla að gera allt
sem ég get til þess að verða klár,“
segir Margrét Lára sem stefnir á
að komast að hjá nýju liði erlendis
síðari hluta sumars.
„Ég vil halda atvinnumanna-
draumnum lifandi í nokkur ár í
viðbót. Ég er ekki alveg tilbúin að
koma heim. Formsatriðið hjá mér
er að ná heilsu og komast að hjá
liði erlendis sem hefur skilning á
mínum meiðslum,“ segir Margrét
Lára.
kolbeinntumi@365.is
ÉG ER ENN Í HÁLFGERÐU LOSTI
Margrét Lára Viðarsdóttir, sem varð á dögunum Þýskalandsmeistari með Turbine Potsdam, segist ennþá vera að átta sig á
titlinum. Hún segist skilja í góðu við þýska liðið en þarf að njóta meiri skilnings á meiðslum sínum á næsta viðkomustað.
TITLINUM FAGNAÐ Margrét Lára (fyrir miðju) fagnar Þýskalandstitlinum með liðs-
félögum sínum á mánudagskvöldið. NORDIC PHOTOS/GETTY IMAGES
FÓTBOLTI Valsmaðurinn Úlfar
Hrafn Pálsson sýndi af sér
fádæma hörku í leik Vals og Kefla-
víkur á fimmtudag. Önnur fram-
tönnin brotnaði þá en hann gaf
sjúkraþjálfaranum tönnina og hélt
áfram að spila.
„Ég held það hafi verið Bojan
Stefán sem var að sparka í burtu
og þá sveiflaðist höndin á honum
í andlitið á mér. Ég fékk hnefann
bara í andlitið. Þetta var örugg-
lega óviljandi hjá honum. Rúmlega
helmingurinn af tönninni fór af,“
sagði Úlfar en hann varð að fara af
velli til að fá aðhlynningu.
„Þetta var frekar vont. Ég fann
frekar mikið fyrir þessu. Maður
lætur það ekki stoppa sig. Sjúkra-
þjálfarinn tók tönnina fyrir mig og
ég hélt svo áfram.“
Um 20 mínútum síðar var sárs-
aukinn orðinn of mikill og Úlfar
varð að fara af velli.
„Ég sagði þá við þjálfarann að
ég væri ekki alveg heill í hausnum.
Ég var kominn með hausverk út af
verknum í tönninni og þá verður
maður pirraður. Ég var líka á gulu
spjaldi og því var skynsamlegt
að fara af velli. Ég gleymdi samt
sársaukanum til að byrja með í
hita leiksins.“
Það var strax farið í að ræða við
tannlækna og Úlfar hitti einn slík-
an á golfvellinum í Hafnarfirði.
Sá skoðaði hann og sagði honum
að mæta til sín daginn eftir. Úlfar
varð því að bryðja verkjatöflur
fyrir nóttina og bíða.
„Nóttin var ekkert frábær en ég
svaf þetta af mér. Það er búið að
líma tönnina á og verið að athuga
hvort það dugar. Ef ekki þarf ég
líklega að fá nýja tönn. Ég vona
það besta.“ - hbg
Úlfar Hrafn missti tönn en hélt samt áfram að spila:
Sársaukinn gleymist
í hita leiksins
TÖNNIN HORFIN Þessi mynd var tekin af
Úlfari eftir leik og eins og sjá má er lítið
eftir af tönninni.
FÓTBOLTI Íslenska
kvennalandsliðið í knattspyrnu
fellur um tvö sæti á nýjum
styrkleikalista FIFA sem birtur
var í gær. Liðið situr í 17. sæti en
Spánn og Suður-Kórea skutust
upp fyrir Ísland.
Eini leikur íslenska liðsins frá
því að síðasti listi var gefinn út
í mars var 0-1 tap á móti Belgíu
ytra í undankeppni EM 2013.
Belgar lyftu sér upp um þrjú sæti
og sitja í 30. sæti listans.
Ungverjaland og Búlgaría,
næstu andstæðingar Íslands í
undankeppninni, sitja í 35. og 55.
sæti listans. Ungverjar standa
í stað en Búlgarar lyftu sér um
eitt sæti. Norður-Írar sitja í 53.
sæti og Norðmenn, andstæðing-
ar Íslands í lokaleik riðilsins, eru
áfram í 13. sæti. - ktd
Kvennalandsliðið í fótbolta:
Duttu niður
um tvö sæti
17. SÆTI Ísland á sautjánda besta
kvennalandslið heims. FRÉTTABLAÐIÐ/DANÍEL
ÁRANGUR
Grunnpakkinn frá NOW
inniheldur þau lykil
næringarefni sem
flestir fá ekki nóg af.
Dreifingaraðili: Yggdrasill ehf.
GRUNNPAKKI NOW
G æ ð i H r e i n l e i k i V i r k n i
Grunnpakki Kára Steins
Frábær viðbót
„Til að ná hámarks árangri
þarf ég að gera miklar kröfur
til sjálfs mín og þess sem
ég læt ofan í mig.
Ég vel bætiefnin frá
NOW vegna þess að þau
tryggja að líkaminn fái þau
næringarefni sem hann
þarfnast og eru unnin úr
hágæða, að miklu leyti,
lífrænt vottuðum hráefnum
sem eru framleidd og prófuð
samkvæmt ströngustu
gæðastöðlum.
Ég vel NOW!“
Kári Steinn Karlsson,
hlaupari og ólympíufari.
Ég vel bætiefnin frá NOW
vegna þess að au tryggja
að líkaminn fái þau næring-
arefni sem hann þarfnast
og eru unnin úr hágæða, að
miklu leyti, lífrænt vottuðum
hráef um sem eru framleidd
og prófuð samkvæmt st öng-
ustu gæðastöðlum.
Ég vel NOW!“
Kári Steinn Karlsson,
hlaupari og ólympíufari.