Fréttablaðið - 14.07.2012, Blaðsíða 12

14. júlí 2012 LAUGARDAGUR12
Ég var
kannski
ekkert sér-
staklega
duglegur við
að æfa mig í
klassíkinni til
að byrja með,
maður var
meira að pæla
í Nirvana-
lögum og
reyna að
pikka þau
upp.
Tónlistin tók yfir fyrir tilviljun
Lögin Sumargestur og Leyndarmál hafa ómað í eyrum Íslendinga í sumar. Það er tvítugur tónlistarmaður sem á heiðurinn af
þeim, Ásgeir Trausti Einarsson. Hann sagði Sigríði Björgu Tómasdóttur frá því hvernig skipuleg áætlun um að sópa til sín Ís-
landsmeistaratitlum í kraftlyftingum fuðraði upp eftir að hann var hvattur til dáða á tónlistarsviðinu.
ÁSGEIR TRAUSTI Lærði á klassískan gítar frá sjö ára aldri og fannst hann alveg glataður til að byrja með. FRÉTTABLAÐIÐ/VALLI
L
andsmenn kynntust Ásgeiri
Trausta Einarssyni í vetur
þegar hann söng sig ljúf-
lega inn í hug og hjörtu
þeirra í Hljómskálanum.
Þar mætti hann og söng
lag sitt Sumargestur sem í framhaldinu
naut vinsælda. Það var ekkert sérlega
stressandi, fannst Ásgeiri, að syngja
í einum vinsælasta sjónvarpsþætti
landsins. „Nei, það var ekkert sérstak-
lega erfitt, ég er ekki óvanur að koma
fram og þarna sátum við bara og spil-
uðum auk þess sem ég þurfti nokkuð að
einbeita mér að því að muna textann,
hann var svo nýr.“
Innilokunarkennd í bænum
Ásgeir Trausti er tvítugur tónlistar-
maður, nýstúdent og mikill áhugamað-
ur um íþróttir. Hann er alinn upp á
Laugarbakka í Húnaþingi, skammt frá
Hvammstanga, af foreldrum sínum
þeim Einari Georg Einarssyni kennara
og Pálínu Fanney Skúladóttur kennara
og organista ásamt systur sinni Berg-
þóru, sem er tveimur árum eldri en
hann. Þess má geta að Ásgeir á fjögur
hálfsystkin en einn bræðra hans er Þor-
steinn Einarsson í Hjálmum, sem ein-
mitt spilaði með honum í áðurnefndri
Hljómskálaupptöku.
Ásgeir kunni vel við uppvöxtinn á
landsbyggðinni en áður en fjölskyldan
kom sér fyrir á Laugarbakka hafði hún
búið í Hrísey, á Húsavík, í Garðinum og
á Reykjum í Hrútafirði. „Fyrst þegar ég
flutti í bæinn þá fílaði ég mig ekki hér,
fékk eiginlega innilokunarkennd. Ég fór
líka um hverja helgi heim. En svo eftir
að ég var búinn að vera hér í þrjú ár
fór mér að finnast ágætt í Reykjavík.
Það var svolítið erfitt að koma sér inn í
þetta borgarlíf og stress,“ segir Ásgeir
sem lauk í vor stúdentsprófi frá Fjöl-
brautaskólanum við Ármúla.
Lá í Nirvana
Tónlist og íþróttir léku stórt hlutverk í
uppvexti Ásgeirs Trausta. Hann hóf að
læra á gítar sjö ára gamall og íþrótta-
iðkun hófst um sama leyti. „Ég fór að
læra á klassískan gítar og fannst hann
alveg glataður satt best að segja. En
eftir því sem árin liðu fór maður að
sætta sig við þetta og sjá að það var
kannski eitthvað vit í þessu gítarnámi.
Ég var kannski ekkert sérstaklega dug-
legur við að æfa mig í klassíkinni til að
byrja með, maður var meira að pæla í
Nirvanalögum og reyna að pikka þau
upp. Kurt Cobain var goðið. Ég fékk
Nirvana alveg á heilann sjö ára gam-
all. Ég og vinur minn vorum alltaf að
hlusta á þá og metast um hvor okkar
vissi meira um hljómsveitina.“
Foreldrar Ásgeirs leika bæði á hljóð-
færi. Móðir hans er organisti og faðir
hans leikur á harmoniku og tónlistar-
legu uppeldi var vel sinnt. „Þau vildu
halda mér við efnið í gítarleiknum, síð-
ustu árin í grunnskóla sótti ég einka-
tíma til Páls Eyjólfssonar í Reykjavík.
Þá var bara ekið þangað á hálfsmánað-
arfresti,“ segir Ásgeir sem lauk loka-
prófi í gítarleik fyrir ári síðan, þrátt
fyrir að hafa ætlað að hætta eftir fjórða
stig. „Ég hugsaði alltaf „ég hætti eftir
næsta stig“ en svo var ég allt í einu
kominn með það sjötta og þá gat maður
ekki annað en klárað.“
Lokatónleikarnir voru haldnir á
Hvammstanga en Ásgeir Trausti held-
ur mikilli tryggð við sína heimabyggð,
var að vinna með skólanum í vetur við
tónlistarkennslu og kenndi á hin ýmsu
hljóðfæri, gítar auðvitað en líka bassa
og trommur.
„Ég vonast til þess að geta haldið
því áfram næsta vetur, það væri mjög
fínt með tónlistinni,“ segir Ásgeir sem
hefur í nógu að snúast í tengslum við
tónlist sína um þessar mundir. „Ég er
bæði mikið að spila með hljómsveitinni
sem ég er í, The Lovely Lion, og svo er
ég líka að koma fram með mitt efni. En
ég á eftir að gera meira af því þegar
platan Dýrð í dauðaþögn kemur út í
ágúst.“ The Lovely Lion tók þátt í Mús-
íktilraunum í vetur og að sögn Ásgeirs
er stefnt á plötuútgáfu á næsta ári.
Ætlaði í kraftlyftingar
Þetta hljómar allt svolítið eins og
Ásgeir hafi þaulskipulagt innrás sína
í íslenskt tónlistarlíf en því fer fjarri.
Raunar var annað á dagskrá hjá Ásgeiri
Trausta í ársbyrjun, hann hugðist
nefnilega taka upp þráðinn í keppnis-
íþróttum. „Ég var byrjaður í kraftlyft-
ingum á fullu. Ég er reyndar búinn að
vera með lyftingar á heilanum í nokkur
ár og ætlaði mér að keppa í kraftlyft-
ingum nú í vor. Ég æfði á hverjum degi
og hafði sett mér það markmið að slá
Íslandsmet en svo fór tónlistin af stað á
fullu og þá gafst ekki lengur tími fyrir
lyftingarnar.“
Íþróttir hafa lengi skipað stóran sess
hjá Ásgeiri sem var mjög efnilegur
spjótkastari og á reyndar enn Íslands-
met í flokki 14 ára unglinga, 63,38
metra. „Ég æfði frjálsar frá sjö ára
aldri og reyndar körfubolta líka. Körfu-
boltinn vék fyrst og svo fór að ég ein-
beitti ég mér að spjótkastinu, á tímabili
langaði mig meira til þess að leggja það
fyrir mig en tónlist. En um leið og ég
fór að verða góður og slá Íslandsmet þá
fór ég líka að meiðast út af ofþjálfun,
þetta var raunar mikil meiðslasaga.“
En eitt vetrarkvöld kom góðvinur
Ásgeirs í heimsókn, Guðmundur Hólm-
ar Jónsson. Ásgeir spilaði fyrir hann
nokkur lög sem féllu í góðan jarðveg
og úr varð að hann hringdi í Kidda í
Hjálmum að áeggjan Guðmundar. „Ég
er alltaf að semja, og hef verið að semja
lög síðan ég var lítill. Svo gleymi ég
þeim oft um leið. En þarna seint um
kvöld hringdi ég sem sagt í Kidda og
hann sagði mér bara að koma í heim-
sókn daginn eftir. Í framhaldinu tókum
við upp Sumargest og ég fór í Hljóm-
skálann.“
Auk Sumargests hefur lagið Leynd-
armál með Ásgeiri Trausta verið sett í
spilun útvarpsstöðvanna við góðar und-
irtektir. Bæði lögin verða á áðurnefndri
breiðskífu Ásgeirs. Þess má geta að
textar laganna beggja eru eftir föður
Ásgeirs. „Pabbi hefur svo gaman af því
að semja og hann hristir textana fram
úr erminni,“ segir Ásgeir sem segir
foreldra sína fylgjast vel með því sem
hann er að gera og hvetja hann óspart
áfram.
Spurður hvort hann geti lýst vænt-
anlegri plötu segir Ásgeir hana vera
afar fjölbreytilega: „Það eru þarna lög
sem svipar til Sumargests, önnur eru
elektróskotin, það eru bæði áhrif frá
kántrí og sálartónlist.“ Ásgeir segist
sjálfur alæta á tónlist. „Ég hef reynd-
ar mikið hlustað á James Blake og Bon
Iver undanfarið, hef reyndar verið með
mikið æði fyrir honum,“ segir hann að
lokum.