Fréttablaðið - 14.07.2012, Blaðsíða 42

KYNNING − AUGLÝSINGEldvarnir & öryggisbúnaður LAUGARDAGUR 14. JÚLÍ 20124
SINUELDAR FÆRAST Í
AUKANA
Búast má við að sinueldar verði
viðvarandi og aukið vandamál
á höfuðborgarsvæðinu næstu
áratugi vegna aukins gróðurs
í landi. Hlýnandi veðurfar, út-
breiðsla lúpínu, aukin skógrækt
og friðun lands fyrir búfjárbeit
veldur þessu. Sinueldum hefur
einnig fjölgað úti á landi síðustu
sumur vegna þurrka. Sinueldar
verða oftast af mannavöldum.
Fólk þarf að passa upp á varðeld,
sígarettustubba og fleira úti í
náttúrunni þar sem það þarf ekki
mikið til þess að eldur kvikni. Í
sumarbústöðum og útilegum
þarf að vera með búnað til að
fást við eld, eins og til dæmis
eldvarnarteppi eða slökkvitæki.
Ef sinueldar ná að breiðast út þá
er gríðarlega erfitt að ná stjórn á
þeim. Upp á síðkastið hafa verið
miklir þurrkar og er fólk beðið
um að gæta sín og vera á varð-
bergi þegar eldur er meðhöndl-
aður úti í náttúrunni.
Fyrsti stórbruninn á Íslandi, svo vitað sé, átti
sér stað árið 1148 í Hítardal. Þar brunnu inni
73 gestir og heimamenn, sem voru þar við
veislu, þar á meðal Skálholtsbiskup. Talið er
að eldingu hafi slegið niður í skálann með
fyrrgreindum afleiðingum. Mannskæðasti
bruni samtímans varð hins vegar í Kefla-
vík í lok árs 1935. Jólaskemmtun fyrir börnin
var haldin í Skildi, samkomuhúsi bæjarins.
Um 180 börn voru í húsinu og 4-5 fullorðnir.
Eldur kviknaði út frá jólatré með þeim af-
leiðingum að tíu manns létust. Margir fleiri
hlutu auk þess alvarleg brunasár. Atburð-
urinn markaði djúp sár í sál þorpsbúa en
rúmlega eitt þúsund manns bjuggu í Kefla-
vík á þessum tíma. Annar alvarlegur atburð-
ur í Íslandssögunni tengdur bruna gerðist
í Kaupmannahöfn árið 1728. Þá brann stór
hluti miðbæjar Kaupmannahafnar með
þeim afleiðingum að fjöldi íslenskra hand-
rita frá miðöldum brann. Handritin voru
geymd í handritasafni Árna Magnússonar
sem þótti eitt það merkilegasta á Norður-
löndum á þeim tíma. Árna tókst ásamt
öðrum að bjarga hluta safnsins en aldrei
varð ljóst hversu mikil verðmæti glötuðust.
ELDUR Í ALDANNA RÁS
Það er nokkurn veginn hægt að
fullyrða það að engin tækninýj-
ung hafi verið jafn afdrifarík fyrir
mannkynið og að læra að fara
með eld og nýta hann til ótal
hluta. Áður en maðurinn lærði
það þá þekkti hann samt eldinn.
Eldgos höfðu brotist út, skógar-
eldar geisað og eldingar kveikt
í trjám og jafnvel orðið fólki að
bana.
Eldur var upphaflega notaður
sem vörn gegn villtum dýrum
og til þess að herða við sem not-
aður var í vopn. Síðar var eldur
notaður sem hitagjafi. Maðurinn
náði tökum á eldinum fyrir meira
en milljón árum. Það var Homo
Erectus sem lærði á eldinn en
sú tegund var uppi fyrir um 1,8
milljónum ára.
Stórbrunar í Íslandssögunni
í sumar er opið virka daga frá kl. 9 -18 Eirberg ehf. Stórhöfða 25 Sími 569 3100 eirberg.isfoscam.is
Verð: 34.750 kr.
Bjóðum úrval öryggis- og eftirlitsmyndavéla frá Foscam til notkunar innandyra og utan. Verð frá 19.750 kr.
Bendum á reglur um rafræna vöktun á personuvernd.is
Þráðlaus
samskipti
Fjarstýrð
Pan / Tilt
Greinir hreyfingu
og sendir boð
Hljóðnemi
og hátalari
Nætursjón
öryggismyndavélar
-til öryggis
-gæsla og öryggi
Kíktu heim
Foscam er leiðandi á sínu sviði
með mest seldu öryggismyndavélar
í Bandaríkjunum.