Fréttablaðið - 02.08.2012, Side 16

2. ágúst 2012 FIMMTUDAGUR16
Búast má við þungri og
hægri umferð um helgina,
sérstaklega í kringum Sel-
foss. Fólk verður að sýna
mikla þolinmæði í umferð-
inni. Einnig er mikilvægt
að fólk haldi tengslum og
láti vita af sér. Þetta á við
um bæði þá sem ætla í
langferðir og þá sem ætla
eitthvað stutt. Eitt símtal til
ættingja er oft nóg.
„Það verður mikil umferð og því
mikilvægt að menn gleymi ekki
að pakka niður þolinmæðinni og
taka hana með sér í ferðalagið,“
segir Dagbjartur Kr. Brynjarsson,
skólastjóri Björgunarskóla Slysa-
varnafélagsins Landsbjargar, um
mestu ferðahelgina fram undan.
Dagbjartur bendir á að margir
muni ferðast með aftanívagna um
helgina, en einungis er leyfilegt að
keyra á 80 kílómetra hraða með
slíkan búnað í eftirdragi. Það er
því viðbúið að ferðahraðinn verði í
kringum 80 kílómetrana og mikil-
vægt er að fólk fylgi þeim öku-
hraða sem er í gangi.
Umferðin verður líklega mun
þyngri við Selfoss en fólk á að
venjast þar sem Ungmennalands-
mót UMFÍ hefst í bænum á föstu-
daginn. Þar er búist við tíu til
tólf þúsund gestum. Þétt sumar-
húsabyggð er nálægt bænum og
að auki er viðbúið að stór hluti
Þjóðhátíðar gesta leggi leið sína í
gegnum Selfoss.
„Það má því gera ráð fyrir gríð-
arlegri umferð á Suðurlandsvegi,“
segir Þóra Magnea Magnúsdóttir
verkefnastjóri hjá Umferðarstofu.
„Við höfum bent fólki sem fer
frá Reykjavík á að fara Þrengslin
og þeim sem ætla frá Suður nesjum
að aka Suðurstrandaveginn, til
þess að dreifa álaginu.“
Fyrir þá sem ætla upp á há lendið
er áríðandi að kynna sér aðstæður
á áfangastað áður en lagt er af
stað og hafa jafnvel samband við
landvörð eða skálavörð ef einhver
vafamál eru uppi.
Það er svo góður vani að láta
vita af sér áður en farið er í ferða-
lag, hvort sem förinni er heitið upp
á hálendi eða í sumarhúsabyggðir.
„Flestir Íslendingar eru aldir
upp við þetta, en þetta er aðeins
byrjað að gleymast en á við um
öll ferðalög. Skiljið eftir ferða-
áætlanir. Bæði er hægt að setja
ferðaáætlun inn á heimasíðuna
Safetravel.is og stundum er nóg að
láta nánustu ættingja vita,“ segir
Dagbjartur. katrin@frettabladid.is
16
hagur heimilanna
Sagnfræðingurinn Stefán Pálsson stendur ekki á gati
aðspurður um bestu kaup sem hann hafi gert.
„Ég á þriggja ára strák sem vill endilega spila á hljóð-
færi. Hins vegar gera þessi rafhlöðudrifnu plast-
hljóðfæri, sem fást í leikfangabúðum, hvert foreldri
geðveikt með óhljóðum. Svo duttum við niður á
skringilegu heimshljóðfærabúðina sem er á Klappar-
stígnum. Þar keyptum við alvöru úkúlele á lítinn pening.
Drengurinn spilar sáttur á gripinn og geðheilsu okkar
er borgið. Það voru mjög góð kaup.“
Verstu kaup Stefáns tengjast einnig
barnauppeldi. „Börn eru nú flensusækin
og á tímabili var erfitt að fá að mæla
dóttur mína. Við héldum okkur því
sniðug að kaupa stafrænan eyrna-
hitamæli, sem kostaði fúlgur fjár í
einhverju apóteki. Það tæki mátti
hins vegar í besta falli nota sem
gestaþraut til að sjá hvort einhvern
tíma væri hægt að fá sömu mælingu
tvisvar í röð. Það var aldrei sami hiti í hægra
eyra eða vinstra og fullfrískt fólk mældist með
bullandi hita og þar fram eftir götunum. Það
var því lítið á því að græða.“
NEYTANDINN: STEFÁN PÁLSSON SAGNFRÆÐINGUR
Úkúlele bjargaði geðheilsu
GÓÐ HÚSRÁÐ Táfýlu eytt úr íþróttaskóm
Galdurinn er að nota matarsóda og frystinn
Allir sem komið hafa nálægt einhverjum íþróttum
eða líkamsrækt vita hversu gjarnir íþróttaskór eru á að
safna í sig táfýlu. Skórnir fara eðlilega að lykta því í þeim
myndast kjöraðstæður, bæði hiti og raki, fyrir bakteríurnar
sem framkalla lyktina. Lyktarkúlur og sprey ná því ekki að
vinna á nema hálfum vandanum því að raki getur setið víða
í skóm sem samsettir eru úr mörgum lögum og svampi
með krókum og kimum þar sem bakteríur og raki geta
leynst. Ráðið er því að skemma fyrir bakteríunum með því
að eyðileggja þessar kjörlendur þeirra. Raka má eyða úr
skónum með því að láta standa í þeim matarsóda, en hann
dregur í sig rakann. Síðan þarf að drepa bakteríurnar sem
eftir sitja. Illmögulegt er að hita skóna til að drepa þær,
því gúmmí og önnur efni í skónum þola illa slíka með-
ferð. Lausnin er því að fara alveg í hina áttina og
drepa bakteríurnar úr kulda með því að láta
skóna standa í frysti yfir nótt. Viðbúið er hins
vegar að þessa meðferð þurfi að endurtaka
nokkuð reglulega ef skórnir eru mikið notaðir.
Húsgagnaframleiðandinn Fritz Hansen
hefur lagt starfsemi sína niður í Danmörku.
Framleiðandinn er frægur fyrir framleiðslu
á húsgögnum hönnuðum af Arne Jacobsen
eins og Egginu, Svaninum og Sjöunni.
Framleiðsla húsgagnanna mun þó ekki
hætta heldur færð til Póllands. Þessar
dönsku hönnunarvörur verða því merktar
„Made in Poland“ í framtíðinni segir á vef
Politiken. Forstjóri fyrirtækisins, Jacob Holm,
segir að hærri laun til starfsmanna, hærri
skattar og álögur á vatn í Danmörku hafi
gert það að verkum að framleiðslan væri
orðin of dýr til að halda henni í landinu.
■ Hönnun
Framleiðsla á hönnun Arne
Jacobsen færð til Póllands
PRÓSENTA aukning hefur orðið á fasteignaviðskiptum á landinu öllu séu bornir saman fyrstu fjórir
mánuðir þessa árs og síðasta árs. Fram kemur á vef Hagstofu Íslands að fasteignaviðskipti á fyrsta
fjórðungi síðasta árs hafi numið tæplega 15,7 milljörðum króna miðað við tæplega 16,7 milljarða í ár.
6,4
Lykillinn að góðri helgi
er þrotlaus þolinmæði
■ Gættu að kvöldsólinni og
notaðu sólgleraugu, sólin fer að
verða ökumönnum erfið.
■ Gerðu hlé á akstri á eins til
tveggja klukkustunda fresti.
■ Aktu helst aldrei á tjaldsvæðum.
Gakktu – keyrslan skapar
slysahættu.
■ Leyfðu áfenginu að fara alveg
úr blóðinu áður en sest er við
stýrið og mundu að það tekur
lengri tíma en þú heldur.
■ Láttu vita af ferðum þínum, líka
þó leiðin sé stutt.
■ Athugaðu hvort öll öryggisatriði
í bifreiðinni og tengivagninum
séu í lagi.
■ Sýndu tillitsemi og fylgdu ferða-
hraða.
Heilræði
HÁLENDISFERÐIR Sterklega er varað við því að halda upp á hálendi á fólksbíl og fólksbílar yfirleitt ekki taldir eiga erindi upp á
hálendi. Mikilvægt er að þeir sem ætla í slíkar ferðir fari á fjórhjóladrifnum bílum. NORDICPHOTO/GETTY
STOFNAÐ 1971
UMBOÐSMENN UM LAND ALLT REYKJAVÍKURSVÆÐIÐ: Hagkaup, Smáralind. VESTURLAND: Hljómsýn, Akranesi. Hagkaup, Borgarnesi. Blómsturvellir, Hellissandi. Hrannarbúðin Grundarfirði. Skipavík, Stykkishólmi. VESTFIRÐIR: Verslunin Ranglátur, Tálknafirði. Fjölval, Patreksfirði. Kaupfélag
Steingrímsfjarðar, Drangsnesi. Snerpa Ísafirði. NORÐURLAND: KF Steingrímsfjarðar, Hólmavík. KF V-Húnvetninga, Hvammstanga. Smárabær, Blönduósi. Skagfirðingabúð, Sauðárkróki. Valberg, Ólafsfirði. SR Byggingavörur, Siglufirði. Hagkaup, Akureyri. Heimilistæki, Akureyri. Víkurraf,
Húsavík. AUSTURLAND: Tölvulistinn, Egilsstöðum, Kauptún, Vopnafirði. Nettó, Höfn Hornafirði. SUÐURLAND: Mosfell, Hellu. Fossraf, Selfossi. Geisli, Vestmannaeyjum. REYKJANES: Tölvuþjónusta Benna, Grindavík. Heimilistæki, Reykjanesbæ. Hagkaup, Njarðvík.
MYNDAVÉLATILBOÐ
ADOBE LIGHTROOM 3 AÐ VERÐMÆTI 20.000 FYLGIR.
TILBOÐ 79.990
ideas for life
Panasonic DMCGF3C