Fréttablaðið - 02.08.2012, Blaðsíða 63
FIMMTUDAGUR 2. ágúst 2012 55
FÓTBOLTI Lars Lagerbäck, þjálf-
ari íslenska karlalandsliðsins,
tilkynnti í gær 22 manna hóp
fyrir vináttulandsleik á móti
Færeyjum. Þetta verður fyrsti
leikur landsliðsins á heimavelli
undir stjórn Svíans og fer fram á
Laugardalsvelli 15. ágúst næst-
komandi.
Athygli vekur að Lagerbäck
velur hvorki Eið Smára Guðjohn-
sen né Grétar Rafn Steinsson í
hópinn að þessu sinni en þeir eru
báðir án félags. Eiður Smári gekk
nýverið frá starfslokasamningi
við gríska félagið AEK Aþenu
og samningur Grétars Rafns og
Bolton rann út í sumar.
Lagerbäck talaði um það
á blaðamannafundi í gær að
báðir leikmennirnir væru inn
í myndinni hjá sér og að hann
muni kalla þá inn í hópinn fyrir
Færeyjaleikinn verði þeir búnir
að finna sér félag.
Lagerbäck ræddi við Eið
Smára í vikunni og þar sagðist
Eiður Smári vera jákvæður á að
finna sér nýtt félag á næstunni
og halda áfram að spila með
íslenska landsliðinu.
Ingvar Jónsson, markvörður
úr Stjörnunni, er eini nýliðinn í
hópnum en þeir Sölvi Geir Otte-
sen og Emil Hallfreðsson koma
báðir aftur inn í hópinn eftir að
hafa misst af leikjunum á móti
Frakklandi og Svíþjóð. Allir þrír
markverðir hópsins spila í Pepsi-
deildinni en aðrir nítján leik-
menn hópsins eru atvinnumenn
erlendis.
Hallgrímur Jónasson hefur
verið fastamaður í fyrstu
leikjunum undir stjórn Lars en er
meiddur á hné. Lars sagði einnig
á fundinum í gær að Hjörtur
Logi Valgarðsson sé ekki inni
í myndinni og hann velur því
frekar Ara Frey Skúlason inn í
hópinn sem bakvörð.
Leikurinn er sá síðasti í undir-
búningi íslenska liðsins fyrir
undan keppni HM 2014 þar
sem Norðmenn verða fyrstu
mót herjarnir 7. september.
Lars er þegar búinn að
stýra íslenska liðinu í fjórum
vináttulandsleikjum en þeir hafa
allir tapast á móti þjóðum sem
eru mun ofar en Ísland á styrk-
leikalista FIFA. Færeyjar eru 26
sætum neðar en Ísland.
- óój
Lars Lagerbäck tilkynnti í gær landsliðshópinn sinn fyrir vináttulandsleik á móti Færeyjum 15. ágúst:
Eiður Smári og Grétar verða að finna sér lið
EIÐUR SMÁRI GUÐJOHNSEN Er í fram-
tíðarplönunum hjá Lars Lagerbäck en
þarf að finna sér lið. NORDICPHOTOS/GETTY
Markmenn
Gunnleifur Gunnleifsson FH
Hannes Þór Halldórsson KR
Ingvar Jónsson Stjarnan
Varnarmenn
Ragnar Sigurðsson FC Kaupmannahöfn
Sölvi Geir Ottesen Jónsson FCK
Ari Freyr Skúlason Sundsvall
Indriði Sigurðsson Viking
Kári Árnason Rotherham
Birkir Már Sævarsson Brann
Bjarni Ólafur Eiríksson Stabæk
Miðjumenn
Aron Einar Gunnarsson Cardiff City
Helgi Valur Daníelsson AIK
Emil Hallfreðsson Hellas Verona
Jóhann Berg Guðmundsson AZ Alkmaar
Rúrik Gíslason OB
Eggert Gunnþór Jónsson Wolves
Arnór Smárason Esbjerg
Sóknarmenn
Birkir Bjarnason Pescara
Kolbeinn Sigþórsson Ajax
Alfreð Finnbogason Helsingborg
Gylfi Þór Sigurðsson Tottenham
Björn Bergmann Sigurðarson Wolves
HÓPURINN
FÓTBOLTI Katrín Jónsdóttir, fyrir-
liði íslenska kvennalandsliðsins,
verður ekki með landsliðinu í vin-
áttulandsleik í Skotlandi 4. ágúst.
Katrín er meidd og því kallaði
landsliðsþjálfarinn Sigurður
Ragnar Eyjólfsson á Stjörnu-
konuna Hörpu Þorsteinsdóttur í
hennar stað.
Katrín mun þarna missa af
fyrsta landsleik sínum í sex ár
eða síðan hún sat á bekknum í 0-4
tapi á móti Svíum 26. ágúst 2006.
Síðan þá var Katrín búin að leika
63 landsleiki í röð, þar af alla
leiki liðsins undir stjórn Sigurðar
Ragnars (61 talsins).
Katrín hefur verið fyrirliði
landsliðsins í öllum leikjum frá
því að Ásthildur Helgadóttir
hætti sumarið 2007 en það á eftir
að koma í ljós hvaða leikmaður
tekur við fyrirliðabandinu af
Katrínu. - óój
Katrín Jónsdóttir:
Missir af fyrsta
leiknum í sex ár
KATRÍN JÓNSDÓTTIR Er frá vegna
meiðsla. FRÉTTABLAÐIÐ/VALLI
Opið laugard. kl. 10-14
Allar Wrangler vörur á 20% afslætti!
Á LÆKJARTORGI
verð frá: