Fréttablaðið - 02.08.2012, Page 52

2. ágúst 2012 FIMMTUDAGUR44 44tónlist
TÓNNINN GEFINN
Trausti Júlíusson
tonlist@frettabladid.is
Opnunarhátíð Ólympíuleikanna í London var bæði skemmtileg og til-
komumikil. Maður hefur oft ekki nennt að hanga yfir þessum opnunar-
hátíðum, en Danny Boyle stóð undir öllum væntingunum. Á meðal þess
sem var flott var tónlistin. Plata með tónlist frá hátíðinni var fáanleg
stafrænt um leið og hátíðinni lauk og er
nú komin út á geisladisk líka.
Platan nefnist Isles of Wonder og er
tvöföld. Á fyrri disknum er tónlist frá
hátíðinni sjálfri. Á meðal flytjenda eru
Frank Turner, Underworld, Mike Old-
field, Dizzee Rascal, Emeli Sandé og
Arctic Monkeys. Á seinni disknum er
svo tónlistin sem hljómaði undir þegar
íþróttamennirnir gengu inn á leik-
vanginn og hún er ekki síðri.
Eins og áður hefur komið fram hafði
Rick Smith úr hljómsveitinni Under-
world yfirumsjón með tónlistinni. Á
seinni disknum er danstónlistin ráðandi, en takturinn sem íþrótta-
fólkið gekk inn á völlinn undir voru 120 slög á mínútu. Lög með dans-
poppsveitum eins og Underworld, High Contrast og Chemical Brot-
hers eru mest áberandi, en þarna er líka nýtt High Contrast remix af
Where the Streets Have No Name með U2 og Olympians með Fuck
Buttons, auk laganna West End Girls með Pet Shop Boys og Heroes
með David Bowie.
Isles of Wonder er flott plata, enda eiga sennilega fáir jafn mikið af
góðri tónlist og Bretar. Salan á plötunni fór líka vel af stað. Hún fór
beint á toppinn hjá iTunes og seldust yfir tíu þúsund eintök á fyrsta
sólarhringnum sem hún var í sölu …
Ofursvöl Ólympíutónlist
SKEMMTILEG OG TILKOMUMIKIL Tónlistin frá opnunarhátíð Ólympíuleikanna er
komin út.
Í BLÓMABREKKUNNI með Mannakorn er plata vikunnar ★★★★
„Fleiri frábær lög og textar frá Magga Eiríks og Pálma Gunn.“ tj
Rapparinn Snoop Dogg kom
öllum á óvart á dögunum
þegar hann sagðist vera
búinn að breyta nafni sínu
í Snoop Lion. Ekki nóg með
það, þá er hann hættur í
rappinu og hyggst senda frá
sér reggíplötu.
„Snoop Dogg er dáinn. Lengi lifi
Snoop Lion!“
Svona hefst umfjöllun breska
dagblaðsins Guardian um nýjasta
útspil rapparans Calvin Cordozar
Broadus Jr, sem hefur kallað sig
Snoop Dogg í gegnum tíðina. Hann
breytti nafni sínu á dögunum í
Snoop Lion og hyggst snúa sér að
reggítónlist.
Snoop Lion sendir frá sér
plötuna Reincarnated í næstu
viku. Platan er sú tólfta frá lista-
manninum en vitanlega sú fyrsta
sem inniheldur einungis reggítón-
list. Fyrsta smáskífa plötunnar,
La La La, kom út í júlí og leggur
línurnar fyrir plötuna. Lagið er
nokkuð hefðbundið reggílag en
athygli vekur að Snoop nýtur aug-
ljóslega aðstoðar autotune-hug-
búnaðar til að halda lagi, enda
ekki vanur söngvari.
Í viðtali um útspilið sagði Snoop
Lion að rapptónlist væri ekki
lengur áskorun fyrir sig. „Það
stendur mér enginn á sporði í
rapptónlist – með fullri virðingu
fyrir öðrum röppurum,“ rumdi
ljónið, kokhraust að vanda. „Ég er
búinn að gera allt sem hægt er að
gera í rappi. Ég er kallaður Snoop
frændi í rappinu. Þegar maður er
kallaður frændi þá er kominn tími
til að breyta til. Ég vil vera krakki
á ný.“
Ákvörðun Snoop kann að hljóma
undarlega en honum er engu að
síður dauðans alvara. Hann segist
hafa endurfæðst sem listamað-
ur á Jamaíka þar sem nýja plat-
an varð til en rastafaraprestur
veitti honum innblástur í vali á
nýju nafni. „Ég fór í hof þar sem
presturinn spurði mig að nafni,“
sagði Snoop. „Ég svaraði „Snoop
Dogg“ og hann horfði á mig og
sagði „ekki lengur. Þú ert ljósið.
Þú ert ljónið“. Frá þessu augna-
bliki byrjaði ég að skilja hvers
vegna ég var þarna.“
Snoop Lion vann reggí plötuna
í samstarfi við upptöku stjórann
Diplo, sem stýrði upptökum á
plötunni undir nafninu Major
Lazer. Hann segir lög á plötunni
vera á meðal bestu laga Snoop.
„Hann vildi gera alvörureggí,“
sagði hann á blaðamannafundi á
dögunum. „Hann vildi syngja og
finna nýja rödd. Það var algjör
draumur að fá að vinna með honum
heila plötu. Það er sjaldgæft í dag.“
Snoop hefur fengið misjöfn við-
brögð við nafn- og stefnubreyting-
unni. Margir hafa nýtt samskipta-
miðla til að gera grín að honum og
þar á meðal er hin síunga Betty
White sem tísti: „Snoop Dogg
uppfærði nafnið sitt í Snoop Lion.
Snoop Lion?! Haaa!? Var hann
skakkur, eða? Ahh, já.“
atlifannar@frettabladid.is
VOFFINN VERÐUR LJÓN
NÝTT NAFN Snoop Dogg heitir nú Snoop Lion og hyggst senda frá sér reggíplötu á næstunni.
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 25. júlí - 31. júlí 2012
LAGALISTINN
Vikuna 25. júlí - 31. júlí 2012
Sæti Flytjandi Lag
1 Jón Jónsson .........................................................All, You, I
2 Lykke Li .......................................................I Follow Rivers
3 Helgi Júlíus & Valdimar Guðmundsson .. Þú ert mín
4 Ásgeir Trausti ................................................. Leyndarmál
5 Tilbury ................................................................Tenderloin
6 Fun ..................................................................Some Nights
7 Retro Stefson .................................................Fram á nótt
8 Jónas Sigurðsson .......................................... Þyrnigerðið
9 Helgi Björns & reiðmenn vindanna ...............................
................................ Ég er kominn heim í heiðardalinn
10 Flo Rida ...................................................................Whistle
Sæti Flytjandi Plata
1 Of Monsters And Men ...........My Head Is An Animal
2 Mannakorn ......................................... Í blómabrekkunni
3 Helgi Björns & reiðmenn vindanna ...............................
...........................................................Heim í heiðardalinn
4 Sigur Rós ...................................................................Valtari
5 Ýmsir .................................... Pottapartý með Sigga Hlö
6 Brimkló ......................................Síðan eru liðin mörg ár
7 Ýmsir ............................................................. Hljómskálinn
8 Tilbury .....................................................................Exorcise
9 Ýmsir .........................Hot Spring: Landamannalaugar
10 Mugison ....................................................................Haglél
Í SPILARANUM
Cat Power - Sun Þórunn Antonía -
Star Crossed
Micachu and the Shapes -
Never
Farangursbox
Opnunartími:
Opið virka daga
frá kl. 8:00 til18:00
Vagnhöfði 23
Sími: 590 2000
www.benni.is
30%
afsláttur
Vandað farangursbox
til að setja á þakið - 450 l.
Verð aðeins: 45.430 kr.