Fréttablaðið - 02.08.2012, Blaðsíða 62

2. ágúst 2012 FIMMTUDAGUR54
sport@frettabladid.is
GUÐJÓN ÞÓRÐARSON og hans menn í Grindavík taka á móti KR í undanúrslitum Borgunarbikars karla í knattspyrnu
í kvöld. Tæp átján ár eru síðan Guðjón stýrði KR til sigurs í bikarúrslitum gegn Grindavík sem batt enda á 26 ára titlalausa tíð
karlaliðs Vesturbæinga. Leikurinn hefst á Grindavíkurvelli í kvöld klukkan 19.15 og er í beinni útsendingu á Stöð 2 Sport.
ÓL 2012 Á morgun hefst
f r j á l s í þ r ó t t a k e p p n i n á
Ólympíuleikunum í London og
á Ísland fulltrúa strax á fyrsta
degi. Kúluvarparinn Óðinn Björn
Þorsteinsson verður þá í eld-
línunni og mun freista þess að
komast í úrslit þeirra tólf bestu.
Fréttablaðið hitti á þennan
hrausta og hógværa kappa í
Ólympíugarðinum í gær en þá
var hann nýkominn úr þriggja
daga æfingaferð til Bournemo-
uth á suðurströnd Englands. „Mér
líður vel,“ sagði hann. „Það gekk
vel að æfa í Bournemouth og ég er
í góðu líkamlegu formi.“
Hann er fyrsti íslenski kúlu-
varparinn sem keppir á Ólympíu-
leikum í 20 ár en þá keppti Pétur
Guðmundsson sem komst ekki
í úrslit. Síðast gerðist það árið
1980 en þá komust bæði Hreinn
Halldórsson (10. sæti) og Óskar
Jakobsson (11. sæti) í úrslit í
kúluvarpi. Óskar er einmitt föður-
bróðir Óðins.
Íslandsmet Péturs í greininni
var sett árið 1990 og stendur enn.
Það er 21,26 metrar en Óðinn á
best 20,22 metra.
Ánægður með æfingaköstin
Óðinn segir að það sé nánast fullur
kraftur í köstum á æfingum.
„Kúluvarparar eru oftast að kasta
af 90 prósenta krafti á æfingum
svo skömmu fyrir mót. Við þurfum
að gera það til að hafa tauga kerfið
tilbúið og líkamann undirbúinn
fyrir átökin í keppninni.“
Óðinn fékkst ekki til að gefa
upp neinar tölur en sagðist vera
ánægður með æfingaköstin sín.
„Ég er ánægður með lengdirnar og
nú vonast ég bara til þess að færa
það yfir í keppnina sjálfa.“
Þarf að ná mínu besta
Óðinn Björn er ekki einn þeirra
sem tala af sér í viðtölum við fjöl-
miðla. Hann er hrifnari af því að
láta verkin tala inn á vellinum og
stefnir auðvitað að því að gera það
á morgun.
„Það getur allt gerst. Ég hitti
ýmist á góðan eða slæman dag á
æfingum og það sama á við um
keppnina sjálfa – dagsformið
skiptir miklu máli. En allur und-
irbúningur hefur miðað að því að
ég nái mínu besta fram og ég von-
ast auðvitað til þess.“
Besta kast Óðins til þessa
hefði dugað í úrslit á minnst
síðustu tveimur Ólympíuleikum.
„Kúlan er að vísu sterkari nú en á
síðustu leikum. Þar fyrir utan er
ómögulegt að spá fyrir um hvað
gerist. Það er þá nánast fullvíst að
ég þurfi að vera nálægt mínu allra
besta til að eiga möguleika. Og ég
veit að ég á rétta kastið inni.“
Einn af þeim þáttum sem Óðinn
hefur verið að glíma við á sínum
ferli er að ná sínu besta fram á
stærstu augnablikunum. Hann
segir að það muni hafa gríðar-
lega mikið að segja um frammi-
stöðu sína á morgun.
Vinn í hugarfarinu daglega
„Ég hef verið að vinna mikið
í hugarfarinu enda mun þetta
fyrst og síðast velta á því,“ segir
hann en Óðinn hefur unnið náið
með Hafrúnu Kristjánsdóttur
sálfræðingi síðustu daga og vikur.
„Við höfum hist daglega og það
er mjög gott að vinna með henni.
Allt okkar starf miðar við að úti-
loka utanaðkomandi áreiti og er
ég nú með nokkrar aðferðir til
þess sem ég fer í gegnum daglega.
Þetta hefur hjálpað mér mikið og
ég vona að þessi vinna skili sér í
keppninni sjálfri.“
Keppni í kúluvarpi karla hefst
klukkan níu í fyrramálið og er
fyrsta greinin á dagskrá frjáls-
íþróttakeppninnar. Hann fær þrjú
köst og þeir tólf bestu komast
áfram í úrslitin sem fara fram um
kvöldið.
TILBÚINN Óðinn Björn stendur hér meðal fólksfjöldans sem var í Ólympíugarðinum í gær. FRÉTTABLAÐIÐ/VALLI
Ég veit að ég á rétta kastið inni
Óðinn Björn Þorsteinsson keppir strax á fyrsta degi frjálsíþróttakeppninnar á Ólympíuleikunum í London
þegar hann tekur þátt í kúluvarpi karla á morgun. Hann segir dagsformið og hugarfarið munu skipta öllu.
Eiríkur Stefán
Ásgeirsson
og Valgarður
Gíslason
fjalla um ÓL 2012
eirikur@frettabladid.is - valli@frettabladid.is
ÓL 2012 Hrafnhildur Lúthers-
dóttir keppti í sinni fyrstu grein
á Ólympíuleikum í gær er hún
synti 200 m bringusund. Hún
kom í mark á 2:29,60 mínútum,
um tveimur og hálfri sekúndu frá
Íslandsmeti sínu.
Hrafnhildur átti að keppa í 100
m bringusundi á sunnudag en
hætti við vegna meiðsla í olnboga
sem hún varð fyrir þegar hún
datt í síðasta mánuði.
„Ég er nefnilega alveg ánægð
með þetta miðað við að þetta
skuli vera morgunsund og vegna
meiðslanna. Að komast undir 2:30
var betra en ég bjóst við. Ég er
því alveg sátt við þetta,“ sagði
hún en sagðist aðspurð ekki vilja
greina nákvæmlega frá því hvers
eðlis meiðslin eru.
Hún viðurkenndi að hafa
verið stressuð fyrir sundið og
að keppa á Ólympíuleikum sé
ólíkt öllum öðrum mótum. „En
svo þegar ég kom í bakkann og
leit upp í áhorfendastúku þar
sem foreldrar mínir öskruðu og
klöppuðu varð ég ótrúlega glöð.
Það var ólýsanleg tilfinning,“
sagði hún og brosti. - esá
Hrafnhildur Lúthersdóttir:
Ólýsanlegt að
sjá foreldrana
ÁNÆGÐ Hrafnhildur veifar hér til foreldra
sinna eftir sundið í gær. FRÉTTABLAÐIÐ/VALLI
09.09: 50 m skriðsund karla
Árni Már Árnason, 5. riðill
10.48: 200 m baksund kvenna
Eygló Ósk Gústafsdóttir, 5. riðill
--------------------------------------------------
20.15: Handbolti karla
Ísland-Svíþjóð, A-riðill
FIMMTUDAGINN 2. ÁGÚST
ÓL 2012
Íslendingar á
við Laugalæk
Grillaðu!
ÓL 2012 Tíðindin af gjaldþroti AG
Kaupmannahafnar munu ekki
trufla einbeitingu íslensku lands-
liðsmannanna, sér í lagi Snorra
Steins Guðjónssonar og Arnórs
Atlasonar, á Ólympíuleikunum í
London. Þetta segir Guðmundur
Guðmundsson, landsliðsþjálfari.
AGK tilkynnti um gjaldþrot
sitt á heimasíðu sinni á meðan
á leik Íslands og Túnis stóð á
þriðjudagsmorgun. Íslensku leik-
mennirnir fengu því tíðindin eftir
að þeir gengu af velli.
Snorri Steinn og Arnór eru
báðir samningsbundnir félaginu
en samningar þeirra Ólafs
Stefáns sonar og Guðjóns Vals
Sigurðs sonar runnu út í lok tíma-
bilsins. Óvíst er með framtíð
Ólafs en Guðjón Valur er genginn
til liðs við Kiel.
„Þetta var mikið sjokk fyrir þá
leikmenn sem þetta snertir. En ég
er sannfærður um að þeir munu
sjá að í öllum slíkum stöðum
felast ákveðin tækifæri fyrir þá,“
sagði Guðmundur við Fréttablaðið
í gær. „Þessu verður ekki breytt
úr þessu og menn verða því að
gera það besta úr sinni stöðu. Þeir
eru þess utan það góðir leikmenn
að ég er viss um að þeir muni fá
tækifæri annars staðar.“
Guðmundur hefur ítrekað á
leikunum hversu mikilvægt það
er að leikmenn haldi fullri ein-
beitingu og séu með rétt hugarfar.
Hann óttast ekki að þessi tíðindi
slái landsliðsmennina út af laginu.
„Ég hef enga trú á því. Þeir
eru það miklir fagmenn og nógu
sterkir til að takast á við þetta.
Þeir munu vinna sig út úr þessu,“
sagði hann.
Ísland er með fjögur stig í A-
riðli handboltakeppninnar af
fjórum mögulegum, rétt eins
og Svíþjóð. Sigurinn glæsilegi
á Túnis á þriðjudaginn þýðir að
liðið er svo gott sem komið í 16-liða
úrslit keppninnar.
„Svíþjóð er með betra lið á
öllum sviðum, þó svo að Túnis
hafi verið með frambærilegt lið.
Svíar eru öðruvísi – eru með betri
taktík, spila betri varnarleik og
betri menn í öllum stöðum. Það
eru miklir kraftakallar í miðri
vörninni, þeir Magnus Jernemyr
og Tobias Karlsson, og öfluga leik-
menn í sókn eins og Dalibor Doder
og Kim Andersson. Þetta verður
hörkuverkefni.“
Fyrstu tveir leikir Íslands í
keppninni hafa farið fram að
morgni til en leikurinn í kvöld
hefst klukkan 21.15 að staðar-
tíma. „Við höfðum mikið fyrir því
að laga okkur að morgun leikjunum
en nú er þetta aftur gjörbreytt.
Það verður því mikilvægt fyrir
okkur að hvílast vel í kvöld,“ sagði
Guðmundur. - esá
Guðmundur Guðmundsson segir að tíðindin af gjaldþroti AG muni ekki hafa áhrif á strákana:
Eru nógu sterkir til að takast á við þetta
HRESSLEIKI Það var létt yfir Snorra Steini Guðjónssyni á bekknum í tíu marka
sigrinum gegn Túnis á þriðjudag. FRÉTTABLAÐIÐ/VALLI