Fréttablaðið - 06.10.2012, Page 34

6. október 2012 LAUGARDAGUR34
Haustið var þema ljósmyndasamkeppni Fréttablaðsins að þessu sinni.
Fjölmargar myndir bárust og sigurvegari varð Þórlindur Kjartansson með
myndinni Haust við Tjörnina. Hann hlýtur í verðlaun 22“ sjónvarpstæki frá
Heimilistækjum. Önnur og þriðju verðlaun fá Unnar Gísli Sigurmundsson og
Inga Vala Birgisdóttir og hlýtur hvort þeirra leikhúsmiða fyrir tvo í Borgar-
leikhúsið. Dómnefnd skipuðu Pjetur Sigurðsson, ljósmyndari á Fréttablaðinu,
Ólafur Stephensen ritstjóri og Arndís Þorgeirsdóttir fréttastjóri.
Haust við Tjörnina
valin besta myndin
„Konan mín, Sigríður Unnur Lúðvíksdóttir, á allan heiðurinn af þessari mynd,“ segir Unnar Gísli Sigurmundsson, sem
hreppti annað sætið. „Hún stillti sér og syni okkar, Sigurmundi Gísla, upp og sagði mér hvenær ég ætti að smella af.
Það er hún sem er myndasmiðurinn á heimilinu, ég er bara amatör.“ Myndin er tekin í Laugardalnum í Reykjavík.
„Þetta er tekið í Eyjafirðinum, við Hrafnagil,“ segir Inga Vala Birgisdóttir, sem hreppti þriðja sætið. „Þetta er
blessuð Hrafnagilsbelja. Ég fer mikið út að ganga með hundana mína og tek þá myndavélina með og reyni
að fanga stemninguna í kringum okkur. Það hefur greinilega tekist vel núna.“
Haust í Þórsmörk nefnist þessi mynd Guðríðar Margrétar Guðmunds-
dóttur sem hreppti 4.-5. sætið. „Ég var mjög heppin að ná þessari mynd,“
segir Guðríður. „Veðrið var mjög sérstakt þennan dag og birtan ótrúleg.“
Veturinn minnir á sig nefnist þessi mynd Arnars Bergs Guðjónssonar
sem lenti í 4.-5. sæti. „Þessi er tekin á Þingvöllum klukkan 6 að
morgni um síðustu helgi,“ segir Arnar. „Það var stórkostlegt að fylgjast
með því þegar gróðurinn var að lifna við eftir næturkuldann.“
2. SÆTI
3. SÆTI
„Glæsilegt! Þetta erum við feðgarnir ánægðir með,“ sagði Þórlindur Kjartans-
son, sigurvegari í ljósmyndasamkeppninni, þegar honum voru tilkynnt úrslitin.
Mynd hans heitir Haust við Tjörnina og Þórlindur hefur þetta að segja um
tilurð hennar: „Það var frí í leikskólanum hjá syninum, Antoni Hauki, þennan
fallega haustdag í síðustu viku og við fórum í smá leiðangur og reyndum
að taka skemmtilegar myndir. Svo ákvað ég bara í bríaríi að prófa að senda
myndina inn í keppnina, átti alls ekki von á því að vinna.“
Þórlindur segist vera byrjandi í ljósmyndalistinni, hann sé nýbúinn að
eignast nýja myndavél og sé bara að fikta, en sigurinn verði honum hvatning
til að halda áfram.
Sendi myndina í bríaríi
VE
R
Ð
LA
U
N
A
M
YN
D
IN
4.-5. SÆTI
4.-5. SÆTI
FLEIRI MYNDIR ÚR KEPPNINNI MÁ SJÁ Á VÍSI