Fréttablaðið - 06.10.2012, Síða 94

6. október 2012 LAUGARDAGUR58 58
menning@frettabladid.is
Bókin Ellý – Ævisaga Ellýjar Vil-
hjálms er væntanleg seinna í mán-
uðinum. Þar rekur Margrét Blöndal
lífshlaup söngkonunnar frá vöggu
til grafar og segist hafa haft það að
leiðarljósi að finna konuna á bak
við nafnið.
„Ég hef verið heltekin af Ellý í eitt og hálft
ár og er búin að ræða um hana við helling
af fólki,“ segir Margrét Blöndal útvarps-
kona sem skrifað hefur ævisögu hinnar ást-
sælu söngkonu Ellýjar Vilhjálms. Formleg-
ur útgáfudagur bókarinnar, sem Sena gefur
út, er 17. október. „En
það verður tekið forskot
á sæluna og nokkur ein-
tök verða komin í umferð
á minningartónleikunum
um hana þann 13. október,“
segir Margrét.
Munum við komast að
einhverju sem við viss-
um ekki um Ellý við lest-
ur bókarinnar? „Það ætla
ég að vona. Þetta er saga
hennar eins og hún leggur sig, bæði söng-
ferillinn og persónulegt líf. Ég lagði mesta
áherslu á að lesandinn gæti fundið konuna á
bak við nafnið við lesturinn.“ Og finnst þér
það hafa tekist? „Ég allavega gerði mitt besta
til þess. Svo er bara að vona að manns besta
sé nógu gott. Ég held allavega að ég hafi fund-
ið hana sjálfa.“
Það hefur viljað brenna við í ævisögum
um frægt fólk að dregin sé upp af því glans-
mynd, er þetta ein af þeim ævisögum? „Nei,
alls ekki, enda var líf Ellýjar svo sannarlega
ekki nein glansmynd. Það var engin dans- og
söngvamynd svo mikið er víst. Hún átti að
mörgu leyti frekar erfitt líf. Hún elst upp við
óvenjulegar aðstæður í Merkinesi við Hafnir,
þar sem aðstæður voru mjög frumstæðar. Svo
náttúrulega átti hún þrjá eiginmenn og glímdi
við veikindi og ýmiss konar erfiðleika meiri-
hlutann af lífinu. En hún var ótrúlega dug-
leg og ótrúlega hæfileikarík, hún gerði allt
vel sem hún gerði, fannst ekkert annað koma
til greina. Það fór meira að segja í taugarnar
á henni þegar fólk var að hæla henni fyrir
hvað hún væri góð söngkona, henni fannst
það sjálfsagt annars hefði hún ekki lagt það
fyrir sig.“
Kom eitthvað þér á óvart varðandi pers-
ónuleika hennar og líf? „Það sem kom mér
skemmtilegast á óvart var að hún gat verið
dálítið hvatvís og uppátektarsöm og alveg
óskaplega skemmtileg.“
Seturðu þetta upp eins og skáldsögu eða
tilgreinirðu hvar þú fékkst upplýsingarnar?
„Ég er með mjög nákvæma heimildaskrá, en
ég segi ekkert á eftir hverri setningu: „sagði
þessi“ eða „segir hinn“, þetta flýtur bara
svona eðlilega. Ég fer ekkert inn í hugarheim
hennar eða neitt svoleiðis.“
Ellý hvarf úr sviðsljósinu í langan tíma,
hvað olli því? „Hún steig af sviðinu 1965, þrí-
tug að aldri, og ætlaði að hætta algjörlega
að syngja. Það gekk nú ekki alveg eftir, hún
söng inn á töluvert af plötum á þessu tímabili,
meðal annars með Vilhjálmi bróður sínum, en
hún steig ekki aftur á svið fyrr en 1. janúar
1988 þegar hún kom fram á Broadway í sýn-
ingunni Gullárin með K.K. Það var í fyrsta
sinn í 22 ár sem hún kom fram opinberlega.“
Það er ekki á neinn hallað þótt sagt sé að
Ellý sé ástsælasta söngkona sem við höfum
átt. Ertu ekkert hrædd við viðbrögðin? „Nei,
eiginlega ekki. Ég reyndi að gera þetta eins
heiðarlega og ég gat og ég fann heldur ekki
neitt sem hún þarf að skammast sín fyrir.
Fólk mun eðlilega hafa ýmsar skoðanir á bók-
inni, en það eru ekkert voða margir sem vita
mikið um líf Ellýjar og vonandi verður bókin
til þess að varpa ljósi á það.“
fridrikab@frettabladid.is
Líf Ellýjar var engin dans- og söngvamynd
FANN KONUNA Á BAK VIÐ NAFNIÐ Margrét Blöndal segist ekki óttast viðbrögð fólks við bókinni. Þar sé
ekkert sem Ellý hefði skammast sín fyrir. FRÉTTABLAÐIÐ/ANTON
ELLÝ VILHJÁLMS
Harmsaga nefnist nýtt leikrit eftir
Mikael Torfason sem Útvarpsleik-
húsið frumflytur á morgun. Hann
segist hafa gengið lengi með sög-
una í kollinum, en það hafi nánast
verið tilviljun að hún þróaðist yfir
í útvarpsleikrit fremur en eitthvert
annað form. „Ég hitti Viðar Egg-
ertsson útvarpsleikhússtjóra, seldi
honum hugmyndina og fór svo bara
heim og skrifaði þetta,“ segir Mik-
ael. „Ég lauk við fyrsta uppkast á
Þorláksmessu í fyrra og gifti mig
svo á aðfangadag.“ Leikritið fjallar
um hjón sem eru að skilja, er ekki
ótrúleg bjartsýni að gifta sig um leið
og slíku verki er lokið? „Nei, nei,
alls ekki. Lífið veltist bara svona.“
Aðalpersónur verksins eru hjónin
Ragnar og Sigrún sem eru stöðugt
að rífast og nú hótar hún skilnaði.
Tekur það síðan aftur og hann veit
ekki hvaðan á sig stendur veðrið.
„Er hún bara geðveik eins og allar
konur? Eða er það hann sem beitir
látlausu andlegu ofbeldi?“ segir í
kynningu.
Leikarar í Harmsögu eru Vign-
ir Rafn Valþórsson og Sara Dögg
Ásgeirsdóttir, leikstjóri er Símon
Birgisson, Hallvarður Ásgeirsson
semur tónlistina og hljóðvinnsla er
í höndum Ragnars Gunnarssonar.
Útsending hefst á morgun klukkan
13 á Rás 1.
- fsb
Kláraði verkið og
gifti sig daginn eftir
LÖNG MEÐGANGA Mik-
ael segist hafa gengið
lengi með Harmsöguna
í kollinum.
HVER VAR HÖFUNDUR NJÁLU? Á námskeiði hjá Endurmenntun Háskóla Íslands fjallar Jón
Karl Helgason prófessor um helstu kenningar um það. Námskeiðið hefst mánudaginn 8. október klukkan
20.15 í húsnæði Endurmenntunar að Dunhaga 7 og verður samtals þrjú mánudagskvöld.
FRUMSÝNING 20. OKTÓBER KL. 20
2. sýn: Föstudaginn 26. október
3. sýn: Laugardaginn 27. október
4. sýn: Sunnudaginn 4. nóvember
5. sýn: Laugardaginn 10. nóvember
6. sýn: Laugardaginn 17. nóvember
Miðasala í Hörpu og á www.harpa.is - sími 528 5050 - midasala@harpa.is
WWW.OPERA.ISMótettukór Hallgrímskirkju
Alþjóðlega barokksveitin í Den Haag
Stjórnandi: Hörður Áskelsson
29. des. kl. 17: kantötur I-IV
30. des. kl. 17: kantötur I,II,V,VIELDBORG, HÖRPU
Í H
ÖR
PU