Fréttablaðið - 06.10.2012, Síða 102

6. október 2012 LAUGARDAGUR66 66
popp@frettabladid.is
MÁNUÐIR eru síðan leikarinn Zac Efron hætti með kærustu sinni til
margra ára, Vanessu Hudgens, en hann greindi nýverið frá því í viðtalsþætti
að hann færi ekki á stefnumót því honum þætti þau vera of vandræðaleg.
22
Rusty Anderson, sem hefur
spilað með Paul McCart-
ney undanfarin ár, spilar á
þrennum tónleikum á Íslandi
í október. Hann hefur góðar
sögur að segja af Bítlinum
og Elton John.
Rusty Anderson, aðalgítarleik-
ari Bítilsins Sir Pauls McCart-
ney undanfarin ellefu ár, spilar á
þrennum tónleikum hér á landi í
október. Hann spilar í Austurbæ
18. október og tveimur dögum
síðar á Græna hattinum á Akur-
eyri. Einnig verður hann gesta-
spilari hjá Bítladrengjunum blíðu
17. október á skemmtistaðnum
Obladí Oblada.
Anderson kemur hingað frá
Los Angeles ásamt Todd O‘Keefe,
bassaleikara í hljómsveit And-
ersons, og hitta þeir hér fyrir
félaga sinn úr sveitinni, trommu-
leikarann Karl Pétur Smith. Karl
fæddist á Íslandi en hefur búið
í Svíþjóð og í Los Angeles und-
anfarin þrjátíu ár. „Ég og Todd
erum mjög spenntir fyrir því að
heimsækja Ísland. Ég hef heyrt
frábæra hluti um landið,“ segir
Anderson, sem hefur gefið út
þrjár sólóplötur.
Hann var fimm ára þegar
hann fékk fyrst áhuga á gítar-
leik. „Eldri systir mín var að spila
Bítlaplötu og ég heillaðist undir
eins af hljómi þeirra og stemning-
unni í bandinu. Eftir það sökkti
ég mér í alls konar tónlist, allt
frá Jimi Hendrix og Led Zeppel-
in yfir í Mothers of Invention. Það
var einnig rokkhljómsveit sem
æfði hinum megin við götuna. Ég
sat alltaf fyrir utan bílskúrinn
hjá þeim og hlustaði. Þetta voru
yndislegir tímar.“
Aðspurður segir Anderson það
hafa verið ótrúlega reynslu að
spila með goðsögninni McCart-
ney öll þessi ár. „Hann er mjög
indæll náungi og þess vegna
hefur þetta verið gaman. Þetta er
samt dálítið óútreiknanlegt starf
og þess vegna getur verið erfitt
að skipuleggja mína eigin tón-
leika. Ég er mjög ánægður með að
það var pláss í dagskránni til að
spila á Íslandi. Við [McCartney]
vorum að taka upp í New York
fyrir skömmu. Við hittumst aftur
í nóvember og spilum á nokkrum
McCartney indæll náungi
GÓÐIR SAMAN Rusty Anderson og Paul McCartney hafa spilað saman undanfarin
ellefu ár. Anderson spilar þrisvar sinnum á Íslandi í október. NORDICPHOTOS/GETTY
tónleikum í Norður-Ameríku,“
segir hann.
Hinn 53 ára Anderson hefur
verið hljóðversspilari hjá mörg-
um frægum tónlistarmönnum á
ferli sínum. Með hverjum hefur
verið skemmtilegast að vinna,
fyrir utan McCartney? „Það var
mjög gaman að taka upp með
Elton John. Bernie Taupin lét
hann fá blaðsíðu með textum, en
hann var búinn að semja um 80
texta. Um tuttugu mínútum síðar
var Elton búinn að semja lagið.
Ég sat á píanóstólnum og skrif-
aði hljómana niður á meðan hann
spilaði og eftir það var ekki aftur
snúið. Hann er einnig mikill húm-
oristi,“ segir gítarleikarinn. „Ég
hef líka átt góðar stundir með
Reginu Spektor, Willie Nelson,
Sinéad O´Connor, Michael Bublé,
Gwen Stefani, Steven Tyler og
mörgum fleiri.“ freyr@frettabladid.is
Davíð Steingrímsson, eigandi Obladí Oblada, er skipuleggjandi tónleikanna
með Rusty Anderson.
Hann stóð fyrir tónleikum í Hörpunni í sumar sem voru haldnir í tilefni
sjötíu ára afmælis Pauls McCartney en Anderson er fyrsti
erlendi skjólstæðingur hans. „Þetta er kannski byrjunin á
einhverju meira til að nálgast Paul,“ segir Davíð í léttum dúr.
Hann hefur nítján sinnum farið á tónleika með goðinu sínu
McCartney og veit því allt um tónlistarhæfileika Andersons.
Hann hitti kappann fyrst eftir tónleika McCartneys í Royal
Albert Hall í lok mars. „Þá var haldið partí og ég var með
annan fótinn þarna. Ron Wood og Liam Gallagher báðu mig
um eld á meðan ég stóð í dyragættinni. Paul fór út um ein-
hver leynigöng en ég hitti hina hljómsveitarmeðlimina.
Þá hitti ég Rusty og talaði við hann í fyrsta skipti.“
Það var reyndar fyrir tilstuðlan Karls Péturs
Smith, sem hefur spilað með Anderson og starfar
einnig á Obladí Oblada, að gítarleikarinn ákvað
að koma til landsins.
Davíð vonast eftir því að hitta loksins Paul
McCartney í náinni framtíð ef Anderson getur
útvegað honum VIP-baksviðspassa. Litlu
munaði að það gerðist í Danmörku í sumar.
„Hann var búinn að redda VIP en tónleik-
unum var frestað þannig að maður bíður
spenntur enn þá.“
DREYMIR UM AÐ HITTA GOÐIÐ SITT
MEÐ BÍTLAPLÖTUNA SGT. PEPPERS
Davíð Steingrímsson dreymir um að
hitta goðið sitt, Sir Paul McCartney.