Fréttablaðið - 18.10.2012, Qupperneq 2

18. október 2012 FIMMTUDAGUR2
BANDARÍKIN, AP Barack Obama Bandaríkjafor-
seti mætti vígreifur til kappræðna við mót-
frambjóðanda sinn Mitt Romney í fyrrinótt.
Þeir tókust harkalega á um allt frá efnahags-
málum yfir í varnar- og utanríkismál og voru
fleiri á því að Obama hafi staðið sig betur, sem
eru góðar fréttir fyrir forsetann miðað við síð-
ustu kappræður þar sem Romney hafði betur.
Obama deildi meðal annars á Romney vegna
andstöðu þess síðarnefnda við að bjarga bíla-
framleiðendum frá gjaldþroti á sínum tíma.
Romney lagði hins vegar áherslu á að Obama
hafi mistekist við að koma efnahag Bandaríkj-
anna á réttan kjöl.
Skotin flugu, sérstaklega hvað varðaði
umræðu um viðbrögð Obama-stjórnarinnar
við árásinni á sendiráðið í Bengasí í Líbíu, sem
kostaði fjóra lífið.
Ekki er enn hægt að segja með vissu hvort
frammistaða Romneys og Obama í kappræðun-
um muni koma til með að breyta miklu í baráttu
þeirra. Obama mátti sætta sig við töluvert fylg-
istap eftir fyrstu kappræðurnar, en hélt enn for-
ystu hvað varðar kjörmenn, sem velja að lokum
forseta. Er talið að hann hafi sem stendur 237
kjörmenn á sínu bandi og Romney 191, en 270
kjörmannaatkvæði þarf til að tryggja sigur.
Frambjóðendurnir halda nú út á völlinn í
þeim lykilríkjum sem munu koma til með að
ráða úrslitum í kosningunum sem fram fara
hinn 6. nóvember. Þeir munu þó mætast enn
einu sinni í kappræðum á mánudag. - þj
Hart var tekist á í sjónvarpskappræðum forsetaframbjóðenda í Bandaríkjunum í fyrrinótt:
Obama rétti hlut sinn í kappræðunum
EKKI BENDA Á MIG Romney sakaði Obama meðal
annars um að hafa mistekist að endurreisa efnahags-
lífið, en Obama sagði áætlanir Romneys um að rétta af
ríkisbúskapinn ekki standast. NORDICPHOTOS/AFP
Dögg, eruð þið nokkuð í hvala-
losti út af þessu?
„Nei, jafnvel þó að það sé allt hvala-
fullt hérna.“
Dögg Mósesdóttir stýrir stuttmyndahá-
tíðinni Northern Wave á Grundarfirði en
háhyrningavaða í höfninni hefur stolið
senunni þetta árið.
ALHEIMURINN Áhugamenn um
stjörnufræði duttu niður á stór-
merka uppgötvun á dögunum
þegar þeir komu auga á reiki-
stjörnuna PH1 sem er í nágrenni
við fjórar sólir. Raunar er um
að ræða tvö tvístirni, A og B, en
PH1 og B snúast um A. PH1 er að
öllum líkindum gasstjarna í lík-
ingu við Neptúnus eða Úranus.
Áhugamenn eru óþreytandi við
að fara yfir gögn úr Kepler-sjón-
auka NASA og benda vísinda-
mönnum á athyglisverð frávik
en þetta er í fyrsta sinn sem það
starf skilar svo merkum niður-
stöðum. - þj
Merk stjarnfræðiuppgötvun:
Fundu plánetu
með fjórar sólir
FJÓRAR SÓLIR Stórmerkileg uppgötvun
var gerð við reikistjörnuna PH1.
DÓMSMÁL Helgi Magnús Gunnars-
son vararíkissaksóknari hafn-
aði í gær beiðni verjanda Gunn-
ars Þ. Andersen um að afla fyrir
hann gagna
um viðskipti
þingmannsins
Guðlaugs Þórs
Þórðarsonar.
Gunnar sætir
ákæru fyrir að
hafa, sem for-
stjóri Fjármála-
eftirlitsins,
aflað sér gagna
um viðskipti Guð-
laugs og lekið þeim til DV. Hann
hefur haldið því fram að hann geti
ekki haldið uppi vörnum nema allt
um viðskiptin verði leitt í ljós fyrir
dómi, enda hafi hann talið að þau
væru mögulega refsiverð. Helgi
Magnús telur þetta ekki nauð-
synlegt. Tekist verður á um þetta
fyrir dómi 1. nóvember. - sh
Telur kröfu Gunnars óþarfa:
Helgi neitar að
afla gagna um
Guðlaug Þór
STJÓRNSÝSLA Vonir standa til að
drög að nýju lagafrumvarpi um
Ríkisendurskoðun verði lagt fyrir
Alþingi í nóvember, að sögn Þur-
íðar Bachman, formanns nefndar
sem annast endurskoðun laganna.
RÚV greindi frá þessu í gær.
Valgerður Bjarnadóttir, for-
maður stjórnskipunar- og eftir-
litsnefndar Alþingis, telur nauð-
synlegt að ræða hvernig haga
skuli samskiptum Alþingis við
Ríkisendurskoðun. Nú fjalli þrjár
þingnefndir um málefni Ríkis-
endurskoðunar; fjárlaganefnd,
forsætisnefnd og stjórnskipunar-
og eftirlitsnefnd. - shá
Málefni Ríkisendurskoðunar:
Drög nýrra laga
í næsta mánuði
GUNNAR Þ.
ANDERSEN
SPURNING DAGSINS
FERÐAÞJÓNUSTA Reykjavík er efst
á lista áfangastaða sem norskir
ferðamenn hafa leitað á ferðaþjón-
ustuvefnum Dohop.no fyrir árviss
haustfrí þar í landi. Frá þessu er
greint á norska ferðavefnum Boar-
ding.no, en í öðru og þriðja sæti eru
Lundúnir og París.
Haustfrí í Noregi eru í 40. og 41.
viku ársins, og því horft til leita
eftir ferðum á því tímabili í Noregi,
frá 28. september og heimferð fyrir
14. október.
„Haustfríið er bara vika og
áfangastaðir í Evrópu vinsæl-
astir vegna þess að þá þarf ekki
að ferðast um langan veg í leit að
áhugaverðum borgum, og auðvelt
að finna hlýja og sólríka áfanga-
staði,“ hefur Boarding.no eftir
Davíð Gunnarssyni, sölu- og mark-
aðsstjóra Dohop, sem er íslenskur
leitar- og bókunarvefur fyrir ferðir,
bílaleigubíla og hótel.
Erna Hauksdóttir, framkvæmda-
stjóri Samtaka ferðaþjónustunnar,
segir greinileg merki þess að hér
sé vetrarferðamennska að aukast,
enda hafi allir þeir sem að málum
koma tekið höndum saman um að
svo gæti orðið.
„Þetta er annar veturinn í röð
sem við erum í þeirri vinnu undir
merkjum Ísland allt árið og það
er auðvitað verulega verið að taka
á í þessari vinnu á þessum helstu
mörkuðum. Þannig að við sjáum
mikla aukningu yfir veturinn.“
Erna segir að nokkru muni á þessu
tímabili 40. og 41. viku hversu mikið
sé að gera í ferðamennsku eftir því
til hvaða landshluta er horft.
„Auðvitað er talsverð umferð hér
í Reykjavík,“ segir hún. Víðast hvar
úti á landi er hins vegar mjög lítið
um að vera yfir vetrartímann, þótt
sums staðar megi merkja aukningu.
Hún áréttar að um viðkvæman
markað sé að ræða því allar þjóð-
ir vilji auka hjá sér vetrarumferð
og samkeppnin því hörð um hvern
ferðamann.
„Í gangi eru alls konar tilboð og
lægri verð og annað slíkt til að ná í
viðskiptavininn, því um leið og búið
er að ná honum til landsins þá versl-
ar hann og á alls konar viðskipti
sem skipta máli fyrir þjóðarbúið.“ Í
þessu samhengi hljóti Norðmenn að
vera ofarlega á óskalista yfir ferða-
menn hingað til lands. „Auðvitað er
öllum ljóst að kaupgeta Norðmanna
er ágæt og þeir vanir háum verðum
í Noregi. Þeir eru aufúsugestir og
sækja mikið hingað.“
olikr@frettabladid.is
Norðmenn horfa til
Íslands í haustfríinu
Reykjavík er vinsælasti áfangastaður Norðmanna í árvissum haustfríum sam-
kvæmt uppflettingum á Dohop.no. Evrópulönd eru vinsælust, þótt sól og hiti
heilli líka. „Aufúsugestir og sækja mikið hingað,“ segir framkvæmdastjóri SAF.
HORFT UPP BANKASTRÆTI Fleiri ferðamenn sækja Reykjavík heim fram eftir hausti
en aðra hluta landsins. FRÉTTABLAÐIÐ/STEFÁN
Auðvitað er öllum
ljóst að kaup-
geta Norðmanna
er ágæt og þeir
vanir háum
verðum í Noregi.
ERNA HAUKSDÓTTIR
FRAMKVÆMDASTJÓRI SAF
Áfangastaðir Norðmanna
Staðirnir sem Norðmenn skoða helst
á Dohop.no fyrir haustfríin 2012.
1. Reykjavík
2. Lundúnir
3. París
4. New York
5. Barcelona
6. Malaga
7. München
8. Nice
9. Bangkok
10. Alicante
Heimild: www.boarding.no
Nánar um
LGG+ á ms.is/lgg Fyrir fulla virkni
Ein á dag
Nú með
bláberjabragði
Nýjun
g
bláber
ja
H
V
ÍT
A
H
Ú
SI
Ð
/
S
ÍA
LÖGREGLUMÁL Skólameistari
Menntaskólans á Ísafirði tilkynnti
nemendum, foreldrum og starfs-
fólki í gærmorgun að hann hefði
ákveðið að vísa tveimur piltum úr
námi vegna árásar á samnemanda
sinn. Piltarnir tveir, sem báðir
eru ólögráða, börðu jafnaldra sinn
inni á salerni í skólanum eftir tíma
á mánudag. Til þess notuðu þeir
meðal annars rörbút, en ekki hnúa-
járn eins og ranglega kom fram í
fyrstu fréttum af málinu. Málið er
í rannsókn hjá lögreglu.
Árásin var hluti af einelti sem
staðið hafði um nokkurt skeið.
Nemendafélag skólans hefur í
kjölfarið óskað eftir námskeiði og
fræðslu um einelti og afleiðingar
þess. - sh
Rektor bregst hart við einelti:
Árásarmenn
reknir úr skóla
SAMFÉLAGSMÁL Unglingum sem
búa hjá báðum foreldrum líður
almennt betur en þeim sem búa
aðeins hjá öðru þeirra. Þetta
sýnir ný rannsókn Benedikts
Jóhannssonar, sérfræðings í klín-
ískri sálfræði hjá Reykjavíkur-
borg.
Rannsóknin leiðir einnig í
ljós að þeir unglingar hafa það
almennt betra en aðrir unglingar
eftir skilnað ef þeir búa til skipt-
is hjá foreldrum sínum.
Könnunin var lögð fyrir alla
nemendur í unglingadeild grunn-
skóla í febrúar 2010. Um 85 pró-
sent þeirra, 10.840 nemendur,
svöruðu. Af þeim bjuggu 69 pró-
sent hjá báðum foreldrum og 5,2
prósent til skiptis hjá foreldrum.
Þátttakendur voru spurðir
hvort þeir væru ánægðir með
líf sitt, um samskipti sín við for-
eldra sína, kennara og vini, og
um áfengis- og kannabisneyslu.
Niðurstaðan var í öllum til-
fellum sú að það er ungmennum
fyrir bestu að búa hjá báðum for-
eldrum sínum, þótt það hafi raun-
ar ekki verið marktækur munur
á lífsánægju þeirra og hinna sem
bjuggu jöfnum höndum hjá hvoru
um sig eftir skilnað.
Annað sem er áberandi í könn-
uninni er að þeir unglingar sem
búa hjá afa sínum og ömmu, öðru
eða báðum, eftir skilnað hafa það
merkjanlega verst allra þátttak-
enda. Um sextán prósent þeirra
sögðust „alls ekki“ ánægð með líf
sitt, sem er nærri þrefalt hærra
hlutfall en hjá þeim sem búa hjá
öðru foreldrinu eftir skilnað. Sá
hópur virðist líka neyta lang-
mests áfengis.
- sh
Unglingum sem búa hjá ömmu og afa líður áberandi verr en öðrum:
Best að búa hjá báðum foreldrum
MISÁNÆGÐIR UNGLINGAR Fjölskyldu-
mynstur eru misjöfn og hafa ólík áhrif á
unglingana. Myndin er úr safni.
FRÉTTABLAÐIÐ/STEFÁN