Fréttablaðið - 25.10.2012, Blaðsíða 2

25. október 2012 FIMMTUDAGUR2
LÖGREGLUMÁL Ríkissaksóknari
hefur fellt niður mál Sævars
Valentínusar Vagnssonar, 72
ára manns sem kom fyrir lítilli
sprengju á Hverfisgötu í janú-
ar síðastliðnum. Ákvörðunin var
tekin 12. sept-
ember.
„Við töldum
okkur ekki geta
heimfært þetta
undir nein refsi-
ákvæði,“ segir
Helgi Magn-
ús Gunnarsson
vararíkissak-
sóknari.
„Það var ekki
hægt að sýna
fram á ásetning til að valda tjóni.
Það er staðreynd að þessi svokall-
aða sprengja sprakk við hliðina á
honum en það sást hvorki á honum
né veggnum. Þetta var gas í brúsa
sem var af hans hálfu aðallega
ætlað til að vekja athygli á skeyti
sem hann kom fyrir í hólki sem
fylgdi. Það hefði verið svipað ef
einhver hefði kveikt í skoteldi
þarna – og í raun hefði það verið
hættulegra.“
Málið hófst þegar tilkynnt var
um torkennilegan hlut á gang-
stéttinni fyrir utan skrifstofur
Ríkissaksóknara og fleiri stofn-
ana snemma morguns 31. janúar.
Viðbúnaður lögreglu vegna
málsins var gríðarlegur. Neðsti
hluti Hverfisgötunnar var girt-
ur af klukkustundum saman og
tugir lögreglumanna, meðal ann-
ars frá sérsveitinni, kallaðir út
ásamt sprengjusveit Landhelgis-
gæslunnar.
Fjarstýrt sprengjuleitar-
vélmenni var sent að hlutnum og
látið skjóta lítilli sprengihleðslu í
hann. Í kjölfarið fór lögreglumaður
íklæddur miklum hlífðarbúningi
að sprengjustaðnum til að gaum-
gæfa hvort allt væri í lagi.
„Viðbrögð lögreglu voru auð-
vitað eðlileg því að það vissi eng-
inn hvað þetta var,“ segir Helgi
Magnús.
Næstu daga var lýst eftir feit-
lögnum, lágvöxnum manni sem
sást á upptökum úr öryggis-
myndavélum forða sér af vett-
vangi og stökkva upp í lítinn
sendiferðabíl. Tíu dögum eftir
sprenginguna var Sævar Val-
entínus handtekinn. Hann viður-
kenndi síðar, í viðtali við DV,
að hafa upphaflega ætlað með
sprengjuna heim til Jóhönnu
Sigurðar dóttur forsætisráðherra.
Spurður hvort ekki sé refsivert
að vekja ótta meðal almennings
segist Helgi Magnús ekki álíta
að svo sé – að minnsta kosti ekki
í þessu tilfelli. „Hins vegar má
auðvitað velta fyrir sér hvort það
væri æskilegt að löggjafinn tæki
á því þegar svona atvik kosta mik-
inn viðbúnað.“ stigur@frettabladid.is
Sprengjumaðurinn
sleppur við ákæru
Ríkissaksóknari fellir niður mál roskins manns sem sprengdi gassprengju á
Hverfisgötu. Sprengjan var hættulaus og er því ekki álitin hafa verið refsiverð.
Vararíkissaksóknari segir að mikill viðbúnaður lögreglu hafi verið eðlilegur.
MIKILL VIÐBÚNAÐUR Vélmenni var stýrt á vettvang og sérsveitarmaður í hlífðargalla
fylgdi í kjölfarið. FRÉTTABLAÐIÐ/STEFÁN
HELGI MAGNÚS
GUNNARSSON
ÍSRAEL, AP Ísraelski herinn gerði
harðar loftárásir á Gasasvæðið
í gær og féllu að minnsta kosti
tveir Palestínumenn.
Jafnframt skutu Palestínu-
menn tugum flugskeyta yfir
landamærin frá Gasa til Ísraels.
Ein þeirra lenti á íbúðahúsi, en
manntjón varð ekkert.
Mikil spenna hefur verið á
þessum slóðum undanfarið, en
upp úr sauð í beinu framhaldi
af heimsókn emírsins af Katar,
Sheik Hamad bin Khalifa al
Thani, til Gasa á þriðjudag. - gb
Upp úr sýður á Gasaströnd:
Ísraelar svara
flugskeytum
FLUGSKEYTI FRÁ GASA Ísraelsstjórn
hótar hörðum viðbrögðum.
NORDICPHOTOS/AFP
EFNAHAGSMÁL Tveir einstaklingar
hafa hætt í stjórnum í tengslum
við hæfisviðtöl hjá Fjármála-
eftirlitinu. Þá eru mál þriggja til
athuguna. Þetta kom fram í máli
Aðalsteins Leifssonar, stjórnar-
formanns FME, á aðalfundi í
gær.
FME tók upp breytt verklag
við athugun á hæfi stjórnar-
manna árið 2010 og hafa
stjórnar menn verið teknir í við-
töl síðan.
Að sögn Aðalsteins er reynsla
FME af hæfisviðtölunum gríðar-
lega jákvæð. Í kjölfar viðtalanna
hafi FME séð jákvæðar breyt-
ingar á stjórnarháttum eftirlits-
skyldra aðila, til að mynda í því
hvernig stjórnin sinni eftirlits-
hlutverki sínu. - þeb
Tveir hafa hætt í stjórnum:
Mál þriggja í
skoðun hjá FME
Grímur Jónsson járnsmiður
lést á heimili sínu í Reykjavík
að morgni þriðjudagsins 23.
október.
Grím-
ur, sem var
fæddur 24.
júní 1926,
rak Vél-
smiðju Gríms
Jónssonar í
Súðarvogi
þar til fyrir
um áratug.
Þá tók hann
við að sinna margvíslegum
hugðar efnum sínum. Eitt síð-
asta verk Gríms var að endur-
smíða Henderson-vélhjól frá
grunni.
Grímur var goðsögn meðal
sportveiðimanna. Hann var
landsfrægur fluguhnýtari og
skapaði meðal annars hina
fengsælu Snældu. Grímur
lætur eftir sig einn son.
Grímur Jóns-
son látinn
JAFNRÉTTISMÁL Fulltrúar stjórn-
valda og vinnumarkaðar-
ins undir rituðu í gær vilja-
yfirlýsingu um samstarf við að
eyða kynbundnum launamun.
Þetta var gert á málþingi í tilefni
af kvennafrídeginum.
Guðbjartur Hannesson vel-
ferðarráðherra kynnti einnig
aðgerðaáætlun stjórnvalda
um launajafnrétti kynja í gær.
Aðgerðaáætlunin er í sautján
liðum. Meðal aðgerða sem grípa
á til er innleiðing jafnlaunastað-
als, að stofna aðgerðahóp og efla
rannsóknir á fæðingarorlof.
Þá voru veittir styrkir úr jafn-
réttissjóði í gær eftir þriggja ára
hlé. - þeb
Stjórnvöld og vinnumarkaður:
Aðgerðir til að
eyða launamun
UTANRÍKISMÁL Ekki náðist sam-
komulag um skiptingu heildarafla
í makríl á fundi strandríkja í Lond-
on, en þriggja daga samningalotu
lauk í gær.
Sigurgeir Þorgeirsson, aðal-
samningamaður Íslands, segir það
jákvæða við fundinn vera að sam-
staða hafi verið um nauðsyn þess að
efla vísindalegan grunn veiðanna.
Eins að ákveðið hafi verið að efla
samstarf um eftirlit með uppsjávar-
veiðum í Norðaustur-Atlantshafi.
„En það ber einfaldlega of mikið
á milli til þess að von sé að það náist
saman um skiptingu aflans. Þetta
situr í svipuðu fari,“ segir Sigur-
geir, sem bætir því við að ekkert
liggi fyrir um áframhald viðræðna.
Ísland lagði til á fundinum að
öll strandríkin innan ESB, Nor-
egur, Færeyjar auk Íslands, legðu
fram nýjar tillögur um skiptingu
á heildarafla í því augnamiði að
þoka málum áfram, en það fékk
ekki hljómgrunn. Þá lagði íslenska
sendinefndin til, sem bráðabirgða-
ráðstöfun, að heildarafli yrði ákveð-
inn í samræmi við ráðgjöf Alþjóða-
hafrannsóknaráðsins (ICES) og
að heildarafli yrði ákveðinn 542
þúsund tonn. Ekki reyndist hljóm-
grunnur meðal strandríkjanna um
slíka bráðabirgðaráðstöfun.
- shá
Viðsemjendur Íslands tóku ekki undir tillögur um skiptingu heildarafla í makríl:
Makríldeilan áfram í sama fari
MAKRÍLL Andrúmsloftið á fundinum var ekki óvinveitt en „viss þungi í mönnum“, að
sögn aðalsamningamanns. FRÉTTABLAÐIÐ/ÓSKAR FRIÐRIKSSON
LÖGREGLUMÁL Starfsmenn sérstaks saksókn-
ara handtóku í gærmorgun þrjá starfsmenn
fyrirtækisins Arðvis og leituðu á nokkrum
stöðum vegna gruns um að starfsemin sé
umfangsmikið pýramídasvindl.
Meðal þeirra sem voru handteknir var
framkvæmdastjórinn Bjarni Júlíusson.
DV hefur fjallað töluvert um málefni
félagsins undanfarin misseri. Fyrir-
tækið hafði fengið um 140 Íslendinga
til að leggja fé í verkefnið, samtals
yfir 360 milljónir króna. Þeirra á
meðal er handknattleiksmaður-
inn Ólafur Stefánsson, sem
lét hafa eftir sér í viðtali
við DV árið 2010 að það
væru „99 prósenta líkur“ á að verkefnið væri „eitt-
hvað rugl“.
Viðskiptamódelið sem fyrirtækið hefur kynnt
fólki snýst um rekstur á hugbúnaði sem gerir
fólki kleift að kaupa vörur og þjónustu á sérstak-
lega hagstæðu verði. Arðurinn átti svo að renna
til fjárfestanna og í góðgerðarstarf.
Yfirheyrslur vegna málsins stóðu fram
á kvöld í gær í húsakynnum sér-
staks saksóknara. - sh
Sérstakur saksóknari handtók þrjá starfsmenn fyrirtækisins Arðvis:
Rannsakar grun um pýramídasvindl
ÓLAFUR ÞÓR HAUKSSON Sér-
stakur saksóknari leitaði á nokkrum
stöðum vegna rannsóknarinnar
líka. FRÉTTABLAÐIÐ/STEFÁN
SVEITARSTJÓRNIR Bæjarstjórn
Fljótsdalshéraðs kveðst munu
sækja rétt sinn fyrir dómstólum
fallist ríkisvaldið ekki á að gera
lagabreytingar svo innheimta
megi fasteignagjöld af virkj-
unum. Í bréfi þar sem óskað er
eftir viðræðum við innanríkis-
ráðuneytið vísar bæjarstjórnin
til lögfræðiálits sem unnið var
fyrir Samtök orkusveitarfélaga.
Þar sé sýnt fram á að óheimilt sé
að undan skilja tiltekin virkjana-
mannvirki, eins og stíflur, frá
greiðslu fasteignagjalda. - gar
Hóta málarekstri gegn ríkinu:
Virkjanir greiði
fasteignagjöld
Guðjón, finnst ykkur þetta
WOW-leg tíðindi?
„Þetta er flugbeitt spurning. Alltaf
vex pressan í þessum bransa.“
WOW air hefur tekið yfir Iceland Express.
Guðjón Arngrímsson er upplýsingafulltrúi
Icelandair.
SPURNING DAGSINS
LEIÐIN TIL HOLLUSTU
Skyr.is drykkirnir standast þær ströngu
kröfur sem gerðar eru til matvæla sem
merktar eru Skráargatinu. Þú getur
treyst á hollustu Skyr.is.
www.skyr.is
NÝTT
HINDBER &
BANANAR
H
V
ÍT
A
H
Ú
SI
Ð
/
S
ÍA
Það er staðreynd
að þessi svokallaða
sprengja sprakk við hliðina á
honum en það sást hvorki á
honum né veggnum.
HELGI MAGNÚS GUNNARSON
VARARÍKISSAKSÓKNARI