Fréttablaðið - 25.10.2012, Blaðsíða 62

25. október 2012 FIMMTUDAGUR46
SJÓNVARPSÞÁTTURINN
„Það eru þættirnir Bones og
Modern Family.“
Magdalena Dubik fiðluleikari og kafari
„Við viljum virkilega leggja okkar lóð á
vogarskálarnar,“ segir Bjarni Hallgrímur
Bjarnason.
Viðburðafélagið Basic House Effect, sem
er í eigu tveggja átján ára menntaskóla-
nema og plötusnúða, ætlar að gefa allan
ágóðann af tekjum sínum frá 1. nóvember
fram að jólum til Barnaspítala Hringsins.
Upphæðin gæti numið allt að sjö hundruð
þúsund krónum.
Þeir félagar, Bjarni Hallgrímur og
Hilmar Már Pétursson, stofnuðu félagið
fyrir rúmum tveimur árum og hafa spilað á
hátt í þrjú hundruð viðburðum, þar á meðal
hitað upp fyrir Quarashi á Bestu útihátíð-
inni í fyrra. Með þeim í teymi eru tækni-
menn, ljósmyndarar og fleiri aðstoðarmenn.
„Við byrjuðum í þessu þegar við sáum
auglýsta plötusnúðakeppni á netinu. Við
tókum þátt og unnum hana. Eftir það byrj-
uðum við á þremur böllum hjá grunnskólum
úti á landi og þá fóru hjólin að snúast. Við
urðum sífellt meira bókaðir og það er búið
að ganga ótrúlega vel síðan þá,“ segir Bjarni
Hallgrímur. Þeir félagar hafa sankað að sér
alls konar græjum og eru meira og minna
búnir að borga þær upp núna.
Basic House Effect hefur verið bókað á
tíu böll á næstunni í hinum ýmsu grunn- og
framhaldsskólum, auk þess sem stór próf-
lokapartí eru fram undan. „Í tilefni af því að
við höfum loksins borgað niður allan okkar
eigin kostnað, tveggja ára afmælinu okkar
og í þakklætisskyni viljum við gera eitthvað
á móti og þakka fyrir þessar frábæru viðtök-
ur með smá jólagjöf frá okkur,“ segir Bjarni.
Búnir að borga og gefa ágóðann
GÓÐ JÓLAGJÖF Hilmar Már Pétursson, Grímur Óli Geirs-
son og Bjarni Hallgrímur Bjarnason eru meðlimir Basic
House Effect. FRÉTTABLAÐIÐ/STEFÁN
Þrír þekktir innlendir leikstjórar
eru að íhuga að kvikmynda elleftu
skáldsögu Stefáns Mána, Húsið,
sem er nýkomin út. Samkvæmt
heimildum Fréttablaðsins eru þeir
að lesa bókina um þessar mundir
með kvikmyndaréttinn í huga.
Þessi áhugi kemur ekki á óvart
miðað við viðbrögðin við kvik-
myndinni Svartur á leik, sem var
byggð á samnefndri bók Stefáns
Mána. Um 62 þúsund manns sáu
myndina í íslenskum kvikmynda-
húsum og er hún orðin næsttekju-
hæsta íslenska mynd sögunnar
á eftir Mýrinni með um áttatíu
milljónir í aðsóknartekjur. Leik-
stjóri var Óskar Axelsson og með
aðalhlutverk fór Þorvaldur Davíð
Kristjánsson.
Stefán Máni hefur selt
kvikmynda réttinn að tveimur
öðrum bókum sínum. Saga Film
keypti réttinn að Ódáðahrauni
fyrir þremur árum. Sá réttur náði
til átján mánaða með möguleika á
framlengingu og enn hefur myndin
ekki litið dagsins ljós. Áður hafði
fyrirtækið Zik Zak tryggt sér rétt-
inn að Skipinu. Sá réttur rann út
og var ekki endurnýjaður og fékk
Stefán Máni hann því aftur í hend-
urnar.
Söguþráður Hússins er á þann
veg að drengur kemst lífs af úr
bruna í Kollafirði á Þorláksmessu
árið 1979 en foreldrar hans og tvö
systkini farast. Seint í nóvember er
Hörður Grímsson kallaður að húsi
í Smáíbúðahverfinu í Reykjavík. Í
kjallaranum liggur gamall maður
í blóði sínu. Skömmu síðar flytur
fjögurra manna fjölskylda inn í
afskekkt hús í Kollafirði og draug-
ar fortíðar vakna til lífsins. - fb
Þrír leikstjórar skoða Húsið
STEFÁN MÁNI Þrír innlendir leikstjórar
hafa sýnt nýjustu bók Stefáns Mána
áhuga. FRÉTTABLAÐIÐ/VALLI
„Þetta er tískulegri fatnaður en sá
sem ég hef áður gert,“ segir fata-
hönnuðurinn Guðmundur Jörunds-
son, sem frumsýnir fatamerkið Jör
á laugardaginn.
Guðmundur hefur vakið athygli
sem yfirhönnuður herrafataversl-
unar Kormáks og Skjaldar og er
einn þeirra sem eiga heiðurinn af
vaxandi vinsældum tvídefnis hjá
íslenskum karlmönnum undan-
farin misseri. Fyrsta lína Jör nefn-
ist Jewlia og er væntanleg í fyrr-
greinda herrafataverslun með
vorinu.
„Línan er innblásin af prest-
um, gyðingum og pastellitum.
Mér fannst Jewlia geta verið gott
heiti á Gyðingalandi,“ segir Guð-
mundur og staðfestir að ákveðnar
áherslubreytingar séu á þessu nýja
merki sínu í samanburði við það
sem hann hefur gert áður. „Þetta
er framsæknara, en þó er enn þá
sami grunnur. Ég er að vinna mikið
áfram með klassísk klæðskerasnið.“
Guðmundur leggur mikið upp
úr vönduðum efnum í línunni.
Fatnaðurinn er allur framleiddur
í Tyrklandi, í sömu verksmiðju og
ítalska merkið Armani og breska
merkið Paul Smith.
Í línunni er að finna jakkaföt,
yfirhafnir, skyrtur og rúllukraga-
boli í bland við fylgihluti á borð við
hatta og sólgleraugu. „Rúllukraga-
bolir eru klárlega málið í vetur.
Ég held að það hafi sjaldan verið
jafn mikil tískubóla í karlmanns-
tískunni og í ár með rúllukraga-
bolina. Öll tískumerkin voru með
rúllukragaboli í fatalínum næsta
árs,“ segir Guðmundur og bætir
við að bolirnir eigi að vera þröngir.
Fata hönnuðurinn segist stefna á að
höfða til breiðs aldurshóps með nýja
merkinu, en lína hans fyrir Kormák
og Skjöld verður enn til staðar. „Það
heldur sínu striki með klassískum
sniðum og tvídefnum.“
Á laugardaginn verður Jewlia-
línan frumsýnd með pompi og prakt
á efstu hæð í Höfðatorgi en Guð-
mundur vill lítið gefa uppi um sýn-
inguna sjálfa. „Þetta verður skugga-
legt og spennandi.“ alfrun@frettabladid.is
GUÐMUNDUR JÖRUNDSSON: RÚLLUKRAGABOLIRNIR AÐ KOMA STERKIR INN
PRESTAR, GYÐINGAR OG
PASTELLITIR INNBLÁSTURINN
JEWLIA EFTIR JÖR Guðmundur Jörundsson frumsýnir nýja línu á laugardaginn sem hann segir vera tískulega og um leið innblásna
af prestum, gyðingum og pastellitum. FRÉTTABLAÐIÐ/VILHELM
Guðmundur var að skoða nýju fata-
línuna á saumastofu er ljósmyndara
Fréttablaðsins bar að garði. Þar
var meðal annars að finna þennan
ljósgráa leðurjakka með jakkafata-
sniði en hönnuðurinn var eitthvað
ósáttur við áferðina á leðrinu. Hann
skellti sér því í jakkann og rúllaði
sér um á gólfinu. „Nýtt leður getur
verið svo stíft, við beitum ýmsum
brögðum til að beygla leðrið og ná
réttu áferðinni.“
Á GÓLFIÐ Í LEÐRINU