Fréttablaðið - 11.12.2012, Blaðsíða 6

11. desember 2012 ÞRIÐJUDAGUR| FRÉTTIR | 6
VIÐSKIPTI Lífeyrissjóður starfsmanna ríkisins
(LSR) og Almenni lífeyrissjóðurinn buðu báðir
of lágt í Vodafone. Lífeyrissjóður verzlunar-
manna keypti hins vegar bréf í félaginu fyrir
1,3 milljarða króna. Sjóðurinn er næststærsti
eigandi félagsins með 12,3% hlut.
Stærsti einstaki eigandinn er enn Framtaks-
sjóður Íslands (FSÍ) með 19,7 prósenta hlut.
Félagið Ursus ehf., sem er í eigu Heiðars Más
Guðjónssonar, keypti hluti fyrir um 500 millj-
ónir króna og er þriðji stærsti eigandi félags-
ins með 4,7 prósenta hlut. Þetta kemur fram
á lista yfir tuttugu stærstu hluthafa Vodafone
sem var gerður opinber í gær. Þeir eiga sam-
tals 75 prósenta hlut í félaginu. Sala á um sex-
tíu prósentum af eignarhlut FSÍ í Vodafone í
tveimur útboðum lauk í síðustu viku. Útboðs-
gengi bréfanna var 31,5 krónur á hlut.
Haukur Hafsteinsson, framkvæmdastjóri
LSR, staðfesti í samtali við Fréttablaðið að
sjóðurinn hefði boðið í útboðinu en að tilboði
sjóðsins hefði ekki verið tekið. Sjóðurinn bauð
einfaldlega ekki nógu hátt. Heimildir blaðsins
herma að það sama eigi við um Almenna líf-
eyrissjóðinn. Að loknu útboðinu eiga lífeyris-
sjóðir um 51,1 prósent í félaginu, fjármálafyr-
irtæki eiga 16,4 prósent og verðbréfasjóðir 11,4
prósent. Aðrir eiga 21,1% hlut í félaginu. - þsj
Heiðar Már Guðjónsson keypti hluti í Vodafone fyrir hálfan milljarð króna:
Tveir stórir lífeyrissjóðir buðu of lágt
HÖFUÐSTÖÐVAR Hlutabréf Vodafone verða tekin til
viðskipta í kauphöll á næstunni. FRÉTTABLAÐIÐ/STEFÁN
HÆSTIRÉTTUR Ingveldur Einars-
dóttir, dómari við Héraðsdóm
Reykjavíkur, hefur verið sett
hæstaréttardómari til tveggja
ára.
Ingveldur var ein fimm
umsækjenda um embættið. Aðal-
heiður Jóhannsdóttir, prófessor
við HÍ, Arnfríður Einarsdóttir,
dómari við Héraðsdóm Reykja-
víkur, Ása Ólafsdóttir, dósent
við HÍ, og Þorgeir Ingi Njálsson,
dómstjóri Héraðsdóms Reykja-
ness, sóttu einnig um embættið.
Niðurstaða dómnefndar var sú
að þau Ása, Ingveldur og Þorgeir
væru hæfust umsækjenda til að
gegna embættinu. - shá
Sett til tveggja ára:
Nýr dómari í
Hæstarétti
NÝ Í HÆSTARÉTTI Ingveldur tók við
setningarbréfi sínu úr hendi Ögmundar
Jónassonar í gær.
SVÍÞJÓÐ Öllum liðsmönnum
sænska knattspyrnuliðsins
Sörskogens IF var vikið úr
félaginu eftir að hafa gert sig
seka um að ausa samkynhneigða
andstæðinga sína svívirðingum.
Liðið lék á dögunum við liðið
Snipers frá Stokkhólmi, í sjö-
undu deild þar í landi, en allir
leikmenn Snipers eru sam- eða
tvíkynhneigðir. Sörskogens fékk
sekt frá knattspyrnusambandinu,
en forsvarsmenn liðsins bættu
um betur og ráku alla liðsmenn-
ina. - þj
Sænskar fordómabullur:
Reknir fyrir
hommahatur
VIÐSKIPTI Gengið hefur verið frá
kaupum bandaríska líftækni- og
lyfjaframleiðslufyrirtækisins
Amgen á öllu hlutafé móðurfélags
Íslenskrar erfðagreiningar. Starf-
semi Íslenskrar erfðagreiningar
verður með óbreyttu sniði eftir
kaupin og mun Amgen fjármagna
rekstur félagsins.
„Við erum nú orðin dóttur-
félag Amgen en verðum rekin
sem sjálfstæð eining,“ segir Kári
Stefánsson, stofnandi og forstjóri
Íslenskrar erfðagreiningar, og
bætir við: „Það sem Amgen er að
kaupa er ekkert annað en okkar
hæfileiki, geta og reynsla í að gera
uppgötvanir.“
Um 130 starfa hjá Íslenskri
erfðagreiningu hér á landi og
kemur ekki til neinna uppsagna
í kjölfar kaupanna. Þá mun Kári
Stefánsson áfram reka fyrirtækið.
„Ég er hins vegar ekkert unglamb
lengur og veit því ekki hve lengi
það verður,“ segir Kári.
Í tilkynningu frá Íslenskri
erfðagreiningu kemur fram að
Amgen greiði 415 milljónir Banda-
ríkjadala, jafngildi tæplega 53
milljarða króna, fyrir allt hlutafé
Íslenskrar erfðagreiningar.
Félagið var áður í eigu hollenska
fjárfestingafélagsins Saga Invest-
ments sem var svo aftur í eigu
Polaris Venture Partners og Arch
Venture Partners, þekktra banda-
rískra fjárfesta á sviði líftækni.
Saga Investments keypti rekst-
ur Íslenskrar erfðagreiningar úr
þrotabúi móðurfélagsins Decode
Genetics í janúar árið 2010 eftir
að Decode var tekið til gjaldþrota-
skipta í Bandaríkjunum.
Íslensk erfðagreining tapaði
tæplega 14 milljónum Banda-
ríkjadala á síðasta ári. Í lok ársins
námu skuldir félagsins ríflega 67
milljónum dala og var eigið fé þess
neikvætt um ríflega 51 milljón.
Kári segir að stærstur hluti
skulda félagsins hafi verið við
móðurfélagið Saga Investments.
„Þetta eru nú eiginlega engar
skuldir heldur einungis fjárfram-
lag hluthafanna til félagsins sem
þó eru skuldamegin í efnahags-
reikningum,“ segir Kári og bætir
við: „Þessar skuldir falla allar
niður og skipta í raun engu máli á
þessu augnabliki.“
Fram kom í umfjöllun Við-
skiptablaðsins um fjárhagsstöðu
Íslenskrar erfðagreiningar þann
29. nóvember síðastliðinn að
félagið hefði tryggt rekstrarfé
fram á fyrsta ársfjórðung 2013 og
enn fremur að félagið væri mjög
háð fjármögnun þáverandi eig-
enda. Þá kom fram í umfjölluninni
að allt hlutafé félagsins hefði verið
veðsett.
Amgen hefur höfuðstöðvar í
Kaliforníu í Bandaríkjunum en
rekur starfsstöðvar í 43 löndum.
Um sautján þúsund manns starfa
hjá fyrirtækinu og námu heildar-
tekjur þess á árinu 2011 um 15,6
milljörðum Bandaríkjadala, tæp-
lega 2.000 milljörðum króna.
magnusl@frettabladid.is
VEISTU SVARIÐ?
1. Ættingjar hversu margra látinna
bíða eftir niðurstöðum krufninga um
þessar mundir?
2. Hvað er mikilli rækjuskel hent í
sjóinn þrátt fyrir að það sé bannað?
3. Til hvaða árs hefur Kyoto-bókunin
verið framlengd?
SVÖR
1. Fimmtíu einstaklinga. 2. Þúsundum tonna.
3. Til 2020.
Íslensk erfðagreining keypt
af bandarísku lyfjafyrirtæki
Alþjóðlega líftækni- og lyfjaframleiðslufyrirtækið Amgen hefur keypt allt hlutafé móðurfélags Íslenskrar
erfðagreiningar á 415 milljónir Bandaríkjadala. Starfsemi félagsins hér á landi verður með óbreyttu sniði.
Maí 1996 Decode stofnað af Kára
Stefánssyni, þá prófessor í tauga-
og taugameinafræði við Harvard
Institute of Medicine.
Febrúar 1998 Decode gerir
samning við svissneska lyfjarisann
Hoffman-LaRoche sem tryggir
Íslenskri erfðagreiningu, dótturfélagi
Decode, um fimmtán milljarða króna
til rannsókna. Í sama mánuði er
haldið 800 milljóna hlutafjárútboð
á Íslandi á hinum svokallaða „Gráa
markaði“. Um sex þúsund ein-
staklingar og lögaðilar keyptu bréf í
félaginu.
Janúar 2000 Íslensk erfðagreining
fær rekstrarleyfi fyrir miðlægum
gagnagrunni á heilbrigðissviði.
Júlí 2000 Viðskipti hefjast með
bréf í Decode í bandarísku Nasdaq-
kauphöllinni. Opnunargengi bréfa
félagsins var 28,5 dalir á hlut.
Maí 2002 Decode fær 200
milljón Bandaríkjadala ríkisábyrgð frá
íslenska ríkinu sem aldrei reyndi þó
á. Félagið aflaði sér þess í stað 150
milljóna dala í skuldabréfaútboði.
Nóvember 2009 Decode óskar
eftir greiðslustöðvun í Bandaríkj-
unum. Á þeim tíma var virði bréfa
félagsins í kringum 20 sent á hlut.
Janúar 2010 Saga Investments,
í eigu bandarískra fjárfesta, kaupir
rekstur Íslenskrar erfðagreiningar úr
þrotabúi Decode.
Desember 2012 Amgen kaupir
allt hlutafé móðurfélags Íslenskrar
erfðagreiningar.
KAUPIN KYNNT Í GÆR Starfsmenn Íslenskrar erfðagreiningar fylgdust með blaða-
mannafundinum í gær. Um 130 manns starfa hjá fyrirtækinu. FRÉTTABLAÐIÐ/VILHELM
Það sem Amgen er að
kaupa er ekkert annað en
okkar hæfileiki, geta og
reynsla í að gera
upp götvanir.
Kári Stefánsson
stofnandi og forstjóri Íslenskrar
erfðagreiningar.