Fréttablaðið - 29.12.2012, Qupperneq 65

LAUGARDAGUR 29. desember 2012 | MENNING | 49
BÍÓ ★★★ ★★
The Hobbit: An Unexpected
Journey
Leikstjórn: Peter Jackson
Leikarar: Martin Freeman, Ian
McKellen, Richard Armitage, James
Nesbitt, Ken Stott, Andy Serkis, Cate
Blanchett, Ian Holm, Christopher Lee,
Hugo Weaving
Það verður víst ekki af Hobbitan-
um tekið að vera ein allra stærsta
mynd ársins, allavega ef tekið er
mið af væntingum til myndarinn-
ar, miðasölu og umfangi. Gamli
splatter-kóngurinn Peter Jackson
gerði ljómandi góðan þríleik úr
Hringadróttinssögu J.R.R. Tolkien
fyrir tíu árum. Auðvitað var tilval-
ið að hann leikstýrði Hobbitanum
líka, en hann er byggður á sam-
nefndri bók Tolkien frá árinu 1937.
Þessi vandaða ævintýramynd
segir frá ferðalagi Bilbó Bagga
um Miðgarð, 60 árum áður en
atburðir Hringadróttinssögu áttu
sér stað. Seiðkarlinn Gandálf-
ur narrar hann í mikla háska-
för ásamt 13 dvergum, og hyggj-
ast þeir endurheimta heimkynni
dverganna, auk ógrynnis gulls
sem drekinn Smeyginn hefur
eignað sér. Bilbó er klaufskur
eiginhagsmunaseggur, en fljót-
lega verður honum það ljóst að
leiðangurinn er gríðarlega mikil-
vægur, og á líklega eftir að verða
honum hinn lærdómsríkasti.
Þessi fyrsti hluti Hobbita-
þríleiksins á hrós skilið fyrir
ýmislegt. Martin Freeman er sér-
deilis prýðilegur í hlutverki Bilbó
og Ian McKellen svíkur ekki frek-
ar en fyrri daginn í hlutverki seið-
karlsins. Brellurnar eru betri en
í Hringadróttinssögu, enda hafa
tíu ár liðið af tækniframförum og
tölvunördarnir kunna meira í dag
en í gær. Sviðsmyndin er mikil-
fengleg og kvikmyndatakan upp
á tíu. Tónskáldið Howard Shore
er í essinu sínu og stefin hans hér
eru með þeim eftirminnilegustu á
ferlinum.
En gallar Hobbitans eru nokkr-
ir, og sá stærsti er lengd myndar-
innar. Þegar Jackson tilkynnti
að hann hygðist skipta sögunni í
þrennt hugsuðu margir sem svo
að nú ætti að blóðmjólka bókina
og selja sem flesta bíómiða. Eftir
að hafa séð myndina er eiginlega
ómögulegt að efast um listræn
heilindi leikstjórans en staðreynd-
in er engu að síður sú að hér er lop-
inn teygður óþarflega.
Víkjum í lokin að blessuðum
rammafjöldanum, en Hobbitinn
bryddar upp á þeirri nýjung að
innihalda 48 ramma á sekúndu
í stað hinna vanalegu 24. Hefur
þetta í för með sér mikla skerpu
og áhrifamáttur þrívíddar innar
margfaldast. Skiptar skoðanir
eru á þessu uppátæki og á ég erf-
itt með að skipa mér í aðra hvora
fylkinguna eftir aðeins eina kvik-
mynd. Sumar senur eru þræl-
flottar, en í öðrum verða sjónrænir
vankantar augljósari og leiðangur
Bilbós og dverganna verður að
larpi í Heiðmörk.
Þegar öllu er á botninn hvolft er
þessi fyrsta Hobbitamynd þó nokk-
uð vel heppnuð.
Haukur Viðar Alfreðsson
NIÐURSTAÐA: Skemmtilegri sögu
gerð nokkuð góð skil.
Hobbiti í Heiðmörk
HVAÐ?
HVENÆR?
HVAR?
LAUGARDAGUR 29. DESEMBER 2012
Síðustu Forvöð
11.00 Sýningu Kristins G. Harðarsonar,
MÆTING, í Listasafni Kópavogs-Gerðar-
safni lýkur um helgina. Safnið er opið
frá 11-17.
Tónlist
20.00 Í Hörpu flytja Lilja Guðmunds-
dóttir sópran, Bjarni Thor Kristinsson
bassi og Matthildur Anna Gísladóttir
píanóleikari íslensk jóla- og áramótalög
auk þess að syngja um álfa og tröll,
drauga og útilegumenn. Sungið er á
íslensku en kynningar á milli laga eru á
ensku. Miðaverð er kr. 3.900.
22.00 Goðsagnir gullaldarinnar rokka
fram á nótt á Kringlukránni í kvöld.
Sveitina skipa Gunnar Þórðarson úr
Hljómum frá Keflavík, Ásgeir Óskarsson
Stuðmaður, Jón Ólafsson úr Pelican og
Óttar Felix úr Pops.
22.00 Hljómsveitin Júpíters heldur sitt
árlega áramótaball í Iðnó ásamt Engil-
bert Jenssen og Warsjárbandalaginu.
SUNNUDAGUR 30. DESEMBER 2012
Tónlist
20.00 Í Hörpu flytja Lilja Guðmunds-
dóttir sópran, Bjarni Thor Kristinsson
bassi og Matthildur Anna Gísladóttir
píanóleikari íslensk jóla- og áramótalög
auk þess að syngja um álfa og tröll,
drauga og útilegumenn. Sungið er á
íslensku en kynningar á milli laga eru á
ensku. Miðaverð er kr. 3.900.
20.00 Tónlistarhópurinn Elektra
Ensemble spilar á áramótagleði
á Kjarvalsstöðum. Miðaverð er kr.
2.000/1.500.
Leiðsögn
15.00 Þórunn Elísabet Sveinsdóttir
tekur þátt í leiðsögn og ræðir við gesti
um verk sín á sýningunni Lauslega farið
með staðreynir - sumt neglt og annað
saumað fast í hafnarborg. Aðgangur er
ókeypis.
Upplýsingar um viðburði sendist
á hvar@frettabladid.is
LA
utilif. is
ÚTILÍFS
%