Fréttatíminn - 04.11.2011, Qupperneq 32

og skilji betur þá sem glíma við
erfiðleika.
„Ég finn líka að margir leita til
mín með sína erfiðleika núorðið.
Fólki finnst gott að tala við mig ef
eitthvað bjátar á. Bæði vinir mínir og
líka fólk í fjölskyldunni.“
Tók mataræðið í gegn
Guðrún hefur gert ýmislegt til að
auka lífsgæði sín og halda einkenn-
um sjúkdómsins niðri. Hún hefur
tekið mataræði sitt í gegn á þessu ári
og finnur mikinn mun við það.
„Það er aðallega sykurinn sem er
vondur fyrir mig. Hann espar mig
upp og gerir mig örari, sem ég má
alls ekki við. Þó að ég sé mjög á móti
öllum öfgum í mataræði, sérstaklega
ef þær tengjast útliti, vil ég borða
hollt. Ég hef núna sleppt öllum sykri
í mánuð og ætla að halda því áfram.
Þeir sem glíma við svona veikindi
verða að fara vel með sig. Reyna að
hreyfa sig, borða hollt og hafa reglu
á svefninum. En að sjálfsögðu fæ
ég mér líka það sem er gott, bara í
minna magni. Ég er rosalega þakk-
lát mömmu fyrir að hafa boðist til
að kaupa handa mér kort í rækt-
inni. Um leið og manni líður betur
líkamlega líður manni betur and-
lega. Þetta helst í hendur. Áður fyrr
forðaðist ég spegilinn, mér fannst
alltaf eitthvað rangt við spegilmynd
mína. Nú stend ég oft fyrir framan
spegilinn og dáist að því hversu
mikil breyting hefur orðið á mér og
hversu vel ég lít út!“
Útlitsdýrkun er að drepa ungar
stelpur
Þegar ég spyr Guðrúnu út í hvaða
skilaboð hún vill senda út í samfé-
lagið stendur ekki á svörum.
„Ég hef alltaf verið á þeirri skoðun
að það séu allir eðlilegir innst inni
og að allir séu góðir og vilji vel ef
þeir eru í jafnvægi. Fyrir þá sem
glíma við erfiðleika eins og ég er
mikilvægast að tala um hlutina
og fara ekki í feluleik. Svo verður
maður að læra að elska sjálfan sig
eins og maður er. Þegar ég byrjaði
í MR ákvað ég að gera ekki sömu
mistökin aftur. Ég skipti ekki út
fataskápnum og ætla ekki að láta
aðra segja mér hvernig ég á að vera.
Ungar stelpur eru allt of háðar út-
litskröfum. Þær vilja allar vera í
stærð fjögur eða sex og passa sig
að vera ofurgrannar. Fyrir hvern?
Fyrir strákana, sem sjálfir eru svo
bara eins og þeim sýnist? Ég tek
ekki lengur þátt í þessu. Til hvers að
vera í stærð 6 ef þú getur verið flott í
stærð fjórtán? Þetta er falið vanda-
mál; hvað stelpur festast í sjálfs-
ásökunum og eilífum hugsunum um
útlitið. Þær eru margar að sligast
undan þessu.“
Guðrún horfir björtum augum
fram á vegin og er sannfærð um að
hún muni ná betri og betri tökum á
veikindum sínum.
„Nú er á dagskrá að minnka lyfja-
skammtinn í samráði við lækninn
minn, vegna þess að mig langar til
að ná tökum á þessu með náttúruleg-
um aðferðum líka. Umræðan um lyf
er rosalega skökk og allt of neikvæð.
Þau hafa bjargað lífi margra og geta
verið lífsnauðsynleg, að minnsta
kosti tímabundið. Fólk á aldrei að
skammast sín fyrir að taka lyf. Ég
lifi mjög góðu lífi í dag, og ef ég ber
stöðu mína í dag saman við stöðu
mína á sama tíma fyrir þremur til
fjórum árum, þá er svo mikill munur
að fólk ætti örugglega erfitt með því
að trúa því að það sé sama mann-
eskjan sem um er rætt,“ segir þessi
jákvæða og hugrakka unga kona.
Sölvi Tryggvason
ritstjorn@frettatiminn.is
Auðvitað koma
vondir dagar
inn á milli, eins
og hjá öllum, en
ég þekki sjálfa
mig orðið vel
og líka veikindi
mín og veit
hverju ég þarf
að passa mig
á til að sökkva
ekki niður. Ég
kom í þetta
viðtal vegna
þess að mér
finnst svo
rosalega mikil-
vægt að opna
umræðuna um
geðsjúkdóma.
KRÓKHÁLSI 5 - 110 REYKJAVÍK - SÍMI 517 8050
MÁN. TIL FÖS.- 9 TIL 18 /// LAU. - 10 TIL 16
Í leiðinni úr bænum
BYSSUDAGARÍ SPORTBÚÐINNI
ALLT AÐ 30% AFSLÁTTUR
Á VÖLDUM HAGLABYSSUM Í FÁEINA DAGA
LANGÓDÝRUSTU
RJÚPNASKOTIN?
Rio 36 gr. aðeins 1.595,-
pakkinn (25 skot)
Sellier & Bellot 36 gr. aðeins 1.695,-
pakkinn (25 skot)
RJÚPNAVESTI
aðeins 8.995,-
GJAFABRÉFIN OKKAR
MUNIÐ VINSÆLU
32 viðtal Helgin 4.-6. nóvember 2011