Fréttatíminn - 07.01.2011, Blaðsíða 24

eftir áramót. Það var fjarri mér, en
svo bauðst mér skyndilega starf
við ferðamannaiðnað á Ítalíu og er
að fara þangað eftir hálfan mánuð!
Þannig að ég er mjög spennt fyrir
framtíðinni. Ég á líka von á því að
kynnast verðandi manninum mín-
um fljótlega – en hann er íslensk-
ur, að sögn Láru, og hún sagði að
ég myndi eignast þrjú börn. Tveir
bræður mínir eru búsettir í út-
löndum og hún sagði alveg rétt frá
þeirra háttum. Fyrir tveimur árum
lést frændi minn sem mér þótti mjög
vænt um og hún sagði að hann væri
hjá okkur og lýsti honum algjörlega
rétt. Hann hafði sérstaka „kæki“
sem hún lýsti nákvæmlega og sagði
margt sem enginn gæti vitað um
hann nema hafa þekkt hann í lifanda
lífi – eða verið góður miðill eins og
Lára Halla er. Ég hef líka farið til
Ólafar, en einhvern veginn fannst
mér Lára Halla ná manneskjunni
mér betur en Ólöf náði ytri aðstæð-
um mínum einstaklega vel. Lára
Halla las mig alveg en mér finnst
Lára Halla og Ólöf jafn góðir miðlar,
hvor á sinn hátt. Í rauninni get ég
ekki gert upp á milli þeirra.“
Lagaðu ljósið!
Margt skondið getur komið upp
á miðilsfundum. Ung kona fór til
Láru Höllu til að grennslast fyrir
um hvort einhverjir af framliðnum
ættingjum hennar fylgdu henni og
fékk þau skilaboð að amma hennar,
látin, væri mætt:
„Hún segir þér að gjöra svo vel
að laga ljósið í ganginum hjá þér,
það flökti alltof mikið og það sé of
dimmt þar. „Það fer í taugarnar á
mér,“ segir amma þín!“ Lára nefndi
margt sem passar alveg við líf mitt,
hún lýsti heimili mínu eins og hún
væri inni á því og öllu í kringum
mig. Lýsingin á ömmu var óborg-
anleg, alveg magnað hvernig hún
lýsti hverju smáatriði. Eiginlega
það fyrsta sem hún sagði þegar ég
settist inn til hennar var að ég væri
bogmaður og lýsti mér 100% rétt
og tilfinningum mínum. Þetta var
eiginlega hlægilega rétt, enda bæði
sér og heyrir Lára. Vinkona mín fór
til hennar síðar og Lára sagði henni
að afi hennar væri kominn og hefði
áhyggjur af því að hún léti ekki at-
huga aukahljóð sem væri í bílnum
hennar. Vinkonan fór beint á verk-
stæði og þar kom í ljós að ef hún
hefði ekki komið á þeim tíma hefði
getað farið illa.“
Guðrún Pálsdóttir
Guðrúnu Pálsdóttur nefndu margir
sem einn af fremstu miðlum lands-
ins. Hún er sögð skörp og koma
skilaboðum á framfæri á skilmerki-
legan hátt. Þannig sagði hún konu í
Reykjavík frá því að skilnaður væri
í vændum, en slíkt segja miðlar víst
vanalega ekki.
„Hún var hálf vandræðaleg og
sagði að afi minn eða langafi héldi
á bakka sem væri í laginu eins og
Vestmannaeyjar og Heimaklettur
stæði upp úr. Hún gat engan veginn
vitað að ég á ættir að rekja til Eyja.
„Hann er að rétta mér pappíra og
þetta eru skilnaðarpappírar,“ sagði
Guðrún. „Tveimur árum síðar skild-
um við hjónin, en það var alls ekki
inni í myndinni á þeim tíma sem ég
fór til Guðrúnar. Hún sagði að ég
myndi hitta aftur æskuvin minn,
sem einnig væri fráskilinn, og eitt
af því fyrsta sem hann myndi segja
við mig væri að hann væri „einnar
konu maður“. Þetta hefur allt kom-
ið fram – og líka setningin „einnar
konu maður“.“
Skipt um starfsumhverfi
Miðlum ber saman um að karlmenn
séu í miklum minnihluta þeirra
sem til þeirra leita. Einhverra hluta
vegna er erfitt að fá karlmann til að
viðurkenna að hann leiti til miðla,
en einum náði ég tali af sem sagðist
fara til miðla með reglulegu milli-
bili:
„Ástæða þess að ég fór fyrst til
miðils fyrir mörgum árum var sú að
mér var farið að líða virkilega illa á
vinnustað mínum. Ég hafði alltaf á
tilfinningunni að unnið væri gegn
mér að tjaldabaki. Ég fór til Skúla
Lórenzsonar sem lýsti nákvæm-
lega hvað væri að gerast í kringum
mig og sagði mér að á tilteknum
tíma myndi ég sjá auglýst starf sem
myndi henta mér og ég skyldi ekki
Lúxus-íspinnar 3 x 120ml
298 kr.
Vanillu ís-stangir 12 x 60ml
398 kr.
Vanillu ístoppar 8 x 120ml
498 kr.
Góður ís á frábæru
verði í Bónus
BÝÐUR BETUR
Lára Halla las mig
alveg en mér finnst
Lára Halla og Ólöf
jafn góðir miðlar, hvor
á sinn hátt. Í rauninni
get ég ekki gert upp á
milli þeirra.
Ummerki eftir miðilsfund hjá Indriða
Indriðasyni miðli. Myndina tók Magnús
Ólafsson á árunum milli 1905 og 1909.
Lj
ós
m
yn
d/
Lj
ós
m
yn
da
sa
fn
R
ey
kj
av
ík
ur
/M
ag
nú
s
Ó
la
fs
so
n
Helgin 7.-9. janúar 2011