Fréttatíminn - 21.01.2011, Side 8

A
T
A
R
N
A
Nóatúni 4 • Sími 520 3000
www.sminor.is
Þvottavél og þurrkari
frá Siemens.
Einstök gæði.
Góð þjónusta.
Þetta eru tækin
handa þér!
Líf í árvekni
Mindful Living
Sálfræðistofa Björgvins Ingimarssonar
www.salfraedingur.is
Kennt þriðjudagskvöld
í sex skipti
1. febrúar - 8. mars
Skráning í síma 571 2681
eða
bjorgvin@salfraedingur.is
Námskeið í einfaldari og
streituminni lífsstíl
Lausnir við:
- streitu
- krónískum verkjum
- vefjagigt
- síþreytu
- þyngdaraukningu
- kvíða
 Bílar Chevrolet volt-rafBíll
Bíll ársins í Norður-Ameríku
Chevrolet Volt hefur verið valinn
bíll ársins 2011 á stærsta mark-
aði heims, Norður Ameríku. Valið
markar tímamót því Chevrolet Volt
er fyrsti rafbíllinn sem hampar
þessum virta titli. Þetta er niður-
staða dómnefndar sem skipuð er
49 bílablaðamönnum sem starfa
á hinum ýmsu sérhæfðu miðlum
í Bandaríkjunum og Kanada; fag-
blöðum, vefmiðlum, sjónvarpi og
útvarpi, að því er fram kemur í til-
kynningu Bílabúðar Benna, um-
boðsaðila Chevrolet.
„Það er sérstaklega ánægjulegt
á þessum tímapunkti og segir sína
sögu að rafmagnsbíll skuli landa
titlinum „Bíll ársins í Norður-Amer-
íku.“ Nú eru að rætast allar vænting-
ar okkar um að hér sé á ferðinni bíll
sem gæti bylt bílaiðnaðinum. Til-
koma þeirrar einstöku tækni sem
Voltinn byggist á breytir því ekki
aðeins hvers konar bílum við mun-
um aka í framtíðinni heldur einn-
ig hvernig við komum til með að
umgangast náttúruna,“ segir Dan
Akerson, stjórnarformaður GM,
framleiðanda Chevrolet.
Í tilkynningu Bílabúðar Benna
kemur fram að Chevrolet Volt hafi
hlotnast fleiri viðurkenningar að
undanförnu. Bíllinn er væntanlegur
til Íslands síðar á árinu.
Jónas Haraldsson
jonas@frettatiminn.is
í marga mánuði hefur Helgi Sig-urðsson barist fyrir því að fá flóttaleið úr íbúð sinni ef eldur
skyldi koma upp í blokkinni. Bær-
inn hefur ítrekað gefið arkitekt-
inum og byggingarverktakanum
frest til að leysa málið. Formaður
húsfélagsins segir hönnunargallann
dæmi um að eftirlitsaðilar hafi ekki
komist yfir þær teikningar sem þeir
áttu að samþykkja í uppsveiflunni.
Með andarteppu alla nóttina og
léttklæddur á daginn, oft í um þrjá-
tíu stiga hita þegar sólin skín, situr
Helgi Sigurðsson í íbúðinni sem
hann keypti á fyrstu hæð á Norður-
bakkanum í Hafnarfirði fyrir um
þremur árum. Íbúðin er með alla
glugga í sömu átt og eina flóttaleið
út á gang blokkarinnar.
„Ég áttaði mig ekki á því þegar
ég keypti að það vantaði flóttaleið
úr íbúðinni,“ segir Helgi sem ásamt
formanni húsfélagsins, Sigurði
Björgvinssyni, berst nú fyrir um-
bótum. Í þrígang hefur skipulags-
og byggingarfulltrúi Hafnarfjarðar
ítrekað við arkitektinn Björn Ólafs,
sem býr í Frakklandi, og bygging-
arverktakann ÞG verktaka að skila
inn gögnum um hvar setja eigi upp
flóttaleið og í tvígang hótað dag-
sektum, en ekki framfylgt þeim.
Bjarki Jóhannesson, skipulags-
og byggingarfulltrúi Hafnarfjarðar,
segir að svarið frá arkitektinum sé
að hluta komið en hann eigi enn eft-
ir að skila inn teikningum sem þurfi
að samþykkja. „Það var ekki nógu
skýrt á teikningum að opnanlega
fagið væri svona lítið,“ segir hann
og bætir við að þegar dagsektunum
hafi verið hótað hafi upplýsingarnar
skilað sér. Spurður hvort bæjarfélög
gefi ítrekað frest, svarar hann: „Við
erum bundin af meðalhófsreglu
stjórnsýslulaga um það að taka ekki
til harðari aðgerða en þörf krefur
svo að leysa megi málin.“ En spurð-
ur hvort það eigi við þegar manns-
líf geti verið í húfi segir hann að í
dæmi Helga sé ekki hægt að segja
að íbúðin sé alveg flóttaleiðarlaus
þar sem hún sé á jarðhæð. „Málið
er í raun einungis það að hægt sé
að komast út um gluggann án þess
að brjóta hann.“
Helgi er ánægður á Norður-
bakkanum og með flotta íbúðina,
að öðru leyti en því að hann þarf
að opna fram á gang til að ná ein-
hverjum trekk um hana. Þá gengur
lofthreinsitæki allan daginn vegna
loftleysis og honum finnst hann
ekki geta selt hana í þessu ástandi,
kæmi til þess. Hann vonar því að
bærinn leysi málið „áður en ég dey“
en hann er 73 ára.
Sigurður formaður segir íbúð
Helga augljóst dæmi um fram-
kvæmdahraðann á þenslutímanum
fram að hruni; menn hafi ekki náð
að komast yfir allar teikningar og
gera hlutina rétt. Bjarki tekur und-
ir það: „Jújú, það hefur sjálfsagt
verið það, sko. En arkitektinn er
vandvirkur og þarna hefur eitthvað
klikkað.“
Gunnhildur Arna Gunnarsdóttir
gag@frettatiminn.is
 hafnarfjörður Brunavarnir
Engin flóttaleið ef blokk
á Norðurbakka brennur
Helgi Sigurðsson, íbúi í blokk á Norðurbakkanum í Hafnarfirði, vill fá brunaútgang á íbúðina sína.
Hann segist ekki komast neitt ef blokkin brennur.
Helgi Sigurðsson á Norðurbakkanum í Hafnarfirði. Flóttaleið, kvikni í, vantar á íbúðina hans og hann bíður úrbóta. Ljósmynd/Hari
Fólk án flóttaleiða
„Við sjáum þess dæmi að fólk hugsi
ekki út í að það geti kviknað í heim-
ilum þess. Bæði að ekki hafi verið
byggt þannig í upphafi og að fólk
taki sig til og breyti íbúðum sínum
þannig að það skerði flóttaleiðir
þess,“ segir Jón Viðar Matthíasson
slökkviliðsstjóri. Þótt slökkviliðið
sinni ekki eftirliti með heimilum
hefur það látið búa til fræðsluefni
um mikilvægi brunavarna. „Við
fylgjumst hins vegar með atvinnu-
húsnæði og höfum séð ótrúlegar
úrlausnir þar þegar settar hafa
verið upp íbúðir í óleyfi. Það er
mjög mikilvægt að brunavarnir
séu í lagi og ég tel að enginn reyni
meðvitað að hafa þetta ekki í lagi
heldur sé um vanþekkingu og
hugsunarleysi að ræða.“ -gag
8 fréttir Helgin 21.-23. janúar 2011