Fréttatíminn - 21.01.2011, Blaðsíða 48

48 tíska Helgin 21.-23. janúar 2011
Átt þú góða hugmynd í fórum þínum?
Rekur þú fyrirtæki og vilt þróa nýja vöru eða þjónustu?
Vinnumálastofnun/Velferðarráðuneyti auglýsir styrki til atvinnumála kvenna
vegna ársins 2011 lausa til umsóknar. Skilyrði er að verkefnið/hugmyndin
falli að eftirfarandi skilyrðum.
• Verkefnið sé í eigu konu/kvenna og stjórnað af konu
• Verkefnið feli í sér nýnæmi eða nýsköpun
• Verkefnið feli í sér atvinnusköpun til frambúðar
• Viðskiptahugmynd sé vel útfærð
• Veittir eru styrkir til gerðar viðskiptaáætlunar, vegna markaðssetingar og
gerðar markaðsáætlunar, þróunar vöru eða þjónustu, hönnunar og
efniskostnaðar.
• Ennfremur geta konur sem hafa fullmótaða viðskiptaáætlun og hafa hug
á því að stofna fyrirtæki á næstunni eða hafa stofnað fyrirtæki en ekki hafið
rekstur, sótt um styrk til að koma henni í framkvæmd.
Heildarfjárhæð styrkja að þessu sinni eru kr. 30.000.000
og er hámarksstyrkur kr. 2.000.000 en ekki eru veittir
lægri styrkir en kr. 300.000. Umsóknarfrestur er til og
með 07.02.2011 og skal sækja um rafrænt á
heimasíðu verkefnisins www.atvinnumalkvenna.is

til að láta drauminn rætast
Það þarf áræðni,
kraft og þor
Reynir að samstilla
sig við nútímann
Ásgeir Hjartarson, hárgreiðslumeistari hjá Circus Circus, hefur bren-
nandi áhuga á tísku og á erfitt með að samstilla sig við nútímann.
Hann er gjarna í fararbroddi þegar kemur að tísku og reynir að not-
færa sér kunnáttu sína til hins ýtrasta. Í stólinn hefur hann fengið til
sín frægar Hollywood-stjörnur á borð við Óskarsverðlaunaleikkonuna
Marissu Tomei og leikarana Matt Dillon og Gerald Butler.
F yrir nokkrum árum var aðeins ein klipping sem allir fóru eftir en síðan þá hefur mikið vatn runnið til sjávar. Tískan hefur
breyst mikið í gegnum árin og nú er ekki einhver ein ákveðin
stefna sem fólk fylgir. Það er næstum allt leyfilegt. Persónulegi
stíllinn er áberandi og það er rosalega einstaklingsbundið hvaða
klipping hentar hverjum og einum,“ segir Ásgeir þegar hann er
spurður út í hárgreiðslu 2011. „Andlitsfallið skiptir miklu máli og
það er nauðsynlegt að hver og einn átti sig á því hvar hann stendur
í þeim efnum. Millisítt hár er til dæmis vinsælt í vetur og hentar
nærri öllum. Ég mæli
sérstaklega með þess-
ari sídd fyrir konur
sem eru komnar yfir
þrítugt því sítt hár
getur dregið andlitið
niður og gerir lítið
sem ekkert fyrir þær.
Ennistoppur er einnig
að koma gríðarlega
sterkt inn. Hann er
orðinn svona klass-
ískur – breyting án
þess að fara alla leið. Þessi breyting þarf ekki að vera endanleg
því toppurinn er alltaf fljótur að vaxa. Skemmtileg breyting sem
setur sterkan svip á andlitið. Það sem kemur þó mest á óvart nú í
vetur er stutta hárið sem heillar marga. Breska leikkonan Emma
Watson er líklega helsti frumkvöðullinn í þeim málum. Ég myndi
nú ekki ráðleggja öllum að fara þá leið. Andlitsfallið þarf að vera í
réttum hlutföllum til að þetta virki.“
Fer fram úr sjálfum sér
„Það eru tískuhönnuðir úti í heimi sem setja línurnar og svo fylgja
hárgreiðslumeistarar á eftir. Tískan er dálítinn tíma að berast til
Íslands svo að við erum alltaf örlítið á eftir. Oft lendi ég í því að
vera beðinn um að gera eitthvað ótrúlega flott sem virðist svo ekki
vera kúnnavænt. Ég tel mig vera frekar meðvitaðan um það hvað
muni komast í tísku seinna svo að ég á heldur erfitt með að sam-
stilla mig við nútímann; á auðvelt með að fara fram úr sjálfum mér
og er heldur framtíðarsinnaður.
Nú er að bresta á bylting í hártískunni. Skinkan er komin yfir
síðasta söludag og stelpur eru farnar að leita meira í hlýja liti eins
og hnetubrúnan. Þetta hvíta dæmi er ekki alveg að virka.
Liðir eru alltaf klassískir, sérstaklega rómantísku liðirnir, og
Kim Kardashian er helsta fyrirmyndin í þeim efnum. Hárgreiðsla
á borð við ballerínuhnútinn er mjög áberandi og sést mikið á
sýningarpöllunum í vetur. Þetta er einföld greiðsla; hárið tekið frá
andlitinu og sett í hnút. Hver segir að allt þurfi að vera flókið til að
vera flott?“
Tískan
2011
Tískugagnrýnendur úti
um allan heim spá því að
2011 verði ár tískunnar.
Tískuveltan mun vera mikil
og fjölbreytnin ekki af verri
endanum.
Klossarnir
Þó að skótískan í ár sé ansi fjöl-
breytileg þá eru klossar líklega
mesta nýjungin. Hönnun þeirra
hefur breyst til muna og þetta eru
ekki lengur óþægilegu tréklossarnir
sem maður gekk vanalega upp úr.
Hægt er að nálgast þá bæði opna og
lokaða, úr leðri eða tré, háhælaða
eða ekki. Þeir henta betur á heitum
sumarmánuðum en í hálku og munu
því líklega ná mestum vinsældum
þá.
Klossarnir fást í Friis & Company og
kosta 10.194 kr.
Ójafnar flíkur
Ekki telst nauðsynlegt að flíkin sem
við klæðumst sé endilega jafn síð á
öllum hliðum. Nú er mikið lagt upp
úr bolum, kjólum og peysum sem
eru helst síðari að aftan en framan.
Þetta er frábær hönnun sem hentar
vel við leggings eða sokkabuxur.
Sautján selur boli sem eru síðari að
aftanÞeir fást í gráu, hvítu og svörtu
á 4.990 kr.
Mittisháar buxur
Ekkert telst jafn heitt í dag og mitt-
isháar buxur. Í rauninni hafa þær
lengi verið í tísku en nú í allt öðrum
búningi. Helst eru þær í jarðar-
litunum og niðurþröngar en þó
ekki límdar við líkamann. Þær eru
nothæfar bæði í hversdagsleikanum
sem og í samkvæmum og passa vel
við hvað sem er.
Mittisháar buxur fást í Topshop á
12.990 kr.
Pönkið
Þróun tískunnar er óútreiknanleg og
alltaf komast ákveðin „trend“ aftur
og aftur í tísku. Á sínum tíma var
pönk lífsstíll sem nú hefur breyst
í ákveðna tískustefnu. Nú sést
mikið til leðurs og bendir það til inn-
blásturs frá pönkinu. Leðurjakkar,
buxur og skór eru mjög áberandi
og jafnvel rifnir bolir, mikið skart og
villt útlit er sýnilegt.
Hvítar sokkabuxur
Litaðar og mikið mynstraðar sokka-
buxur með blúndum sáust mikið í
fyrra en nú munum við sjá minna af
þeim, að mati sérfræðinga, og eru
hvítar, hefðbundnar sokkabuxur að
detta inn.
Hvítar sokkabuxur fást á 2.190 kr.
í Cobra.
Mittistöskur
Fylgihlutir hafa verið gríðarlega
áberandi á síðustu árum; stórir
skartgripir og töskur. Mittistösk-
urnar höfum við þó ekki séð síðan
þýsku ferðamennirnir í sandölunum
heimsóttu landið fyrir tíu árum en
það fer nú að breytast. Töskurnar
eru að koma sterkt inn í ár og við
sjáum líklega mun meira af þeim
þegar líður á sumarið.
Loðnir skór
Loðfatnaður náði miklum
vinsældum á síðasta ári en nú hafa
skór sem eru loðnir að innan náð
enn meira stökki og ekki dvína
vinsældirnar. Þeir eru bæði hlýir
og mjúkir en það er ekki eina ágæti
loðskinnsins. Mikið er lagt upp
úr útlitinu og þykir flott að bretta
skóna niður svo að fóðrið fái að
njóta sín betur.
Ofurlína
frá MAC
Það vantar ekki fjölbreytnina
hjá snyrtivörufyrirtækinu
MAC. Framleitt er endalaust af
nýjum vörum ár hvert og heilu
snyrtivörulínurnar spretta fram.
Sú nýjasta frá fyrirtækinu mun
koma á markað í Bandaríkjunum
11. febrúar og nefnist Wonder
Women, eða Ofurkonur. Línan er
ólík öðrum snyrtivörum að því
leyti að áhöld og snyrtivörur eru
í örlítið stærri pakkningum en
venjulega. Umbúðirnar eru ansi
litaglaðar miðað við þær hefð-
bundnu; rauðar eða bláar með
áberandi áletrun.