Fréttatíminn - 21.01.2011, Blaðsíða 54

54 bíó Helgin 21.-23. janúar 2011
J ohn Wayne lék á ferli sínum svimandi fjölda kúrekamynda; mis -
góðum vissulega en inn á
milli eru myndir eins og
The Searchers og Red River
sem eru fyrir lifandis löngu
orðnar sígildar. Kempan
fékk hins vegar ekki hina
eftirsóttu viðkurkenningu
kvikmynda-akademíunnar
fyrr en á efri árum þegar
hann setti upp augnlepp og
brá sér í hlutverk lögreglu-
mannsins og fyllibyttunnar
Rooster Cogburn árið 1969.
Hann lifði í tíu ár eftir það
og lék meðal annars í fram-
haldsmynd True Grit, sem
bar einfaldlega nafn persón-
unnar Cogburns, og hafði þar
sjálfa Katherine Hepburn
sér við hlið.
Þessi Óskarsverðlaun
Wayne fyrir bestan leik í
karlhlutverki voru umdeild
á sínum tíma enda margir
á því að í þessu tilfelli hefði
akademían stjórnast af til-
finningum og kosið að nota
þetta tækifæri til að heiðra
rómaða Hollywood-hetju á
útleið í hlutverki þar sem
hann var nokkuð fjarri sínu
besta. Leikarinn og eineygð
persónan áttu það sameigin-
legt að vera komin af léttasta
skeiði en Cogburn er gamall
jaxl með glæsta fortíð sem
laganna vörður en hefur
drabbast niður og hallað sér
hraustlega að f löskunni á
seinni árum. Hann fær svo
tækifæri til að rífa sig upp
á rassgatinu og sýna eina
ferðina enn hvað í honum
býr þegar skítalabbi nokkur
myrðir föður unglingsstúlku
og gerir hana þar með mun-
aðarlausa.
Stúlkan er heldur betur
með bein í nefinu og ákveð-
ur að elta morðingjann uppi
og ná fram hefndum og fær
gamla f lakið Rooster Cog-
burn í lið með sér. Robert
Duvall og Dennis Hop-
per fylltu síðan þann flokk
fúlmenna sem John Wayne
þurfti að takast á við. Coen-
bræður tefla fram engu síðri
mannskap í sinni mynd. Þar
fer Jeff Bridges fremstur í
flokki sem Cogburn og Hai-
lee Steinfeld þreytir frum-
raun sína í bíómynd í fullri
lengd í hlutverki hinnar
f jórtán ára gömlu Mattie
Ross sem virkjar Cogburn til
vígaferla. Josh Brolin, sem
bræðurnir notuðu síðast með
góðum árangri í No Country
For Old Men, leikur ófétið
sem hið ólíklega tvíeyki elt-
ist við, auk þess sem Matt
Damon og Barry Pepper
blanda sér í slaginn.
Ethan og Joel byggðu
handrit sitt á skáldsögunni
True Grit, eftir Charles
Portis, frá árinu 1968. Þeir
höfðu myndina með John
Wayne hins vegar ekki til
hliðsjónar og hafa greint frá
því í viðtölum að þeir minnist
þess að hafa séð myndina frá
1969 þegar þeir voru ungir.
Þeir hafi hins vegar ekki
horft á hana aftur í tengslum
við gerð sinnar útgáfu. „Við
unnum ekki heimavinnuna
okkar,“ segir Ethan. Joel
segist hafa laðast að bókinni
fyrir nokkrum árum eftir að
hafa lesið hana fyrir son sinn.
True Grit er væntanleg í
kvikmyndahús á Íslandi í
febrúar.
Þórarinn Þórarinsson
toti@frettatiminn.is
bíó
 Jeff bridges setur upp hatt John wayne
Jeff Bridges er ábúðarmikill sem Rooster Cogburn í True Grit.
 bíódómur saw 3d 
Grjóthörð fyllibytta
Afrekaskrá bræðranna Joels og Ethans Coen er orðin býsna löng og tilkomumikil og með sinni
nýjustu mynd, vestranum True Grit, hafa þeir hitt í mark eina ferðina enn. Gagnrýnendur ytra
halda vart vatni yfir myndinni sem var frumsýnd í Bandaríkjunum í lok desember og komst
þannig í kapphlaupið um Óskarsverðlaunin á síðustu stundu. Vestra-hetjan John Wayne lék í eldri
útgáfu True Grit árið 1969 og hlaut fyrir vikið sín einu Óskarsverðlaun. Jeff Bridges er nú kominn
í sömu kúrekastígvélin 42 árum seinna og ekki útilokað að hann endurtaki leik Waynes á Óskars-
verðlaunahátíðinni í febrúarlok.
f yrir sjö árum eða svo kom fyrsta Saw -myndin í bíó. Vel heppnaður, spennandi
og óhugnanlegur hrollur sem naut
verðskuldaðra vinsælda. Síðan þá
hefur óheyrilegum fjölda fólks ver-
ið slátrað á subbulegan hátt und-
ir merkjum Saw og með nýjustu
myndinni, Saw 3D, eru myndirnar
orðnar sjö. Og nú er mál að linni þar
sem þær hafa farið stigversnandi og
botninum hlýtur að vera náð þegar
menn finna sig knúna til að poppa
viðbjóðinn upp með því að hafa
hann í þrívídd.
Saw 3D er vonandi einhvers kon-
ar lokauppgjör arfleiðar morðingj-
ans Jigsaw, sem er löngu dauður
úr krabba, þar sem hér koma við
sögu ekkja hans, vond lögga sem
hefur fyllt skarð Jigsaw í síðustu
myndum og síðast en ekki síst
læknirinn Lawrence Gordon (Ca-
rey Elwes), fórnarlamb úr fyrstu
myndinni. Annars snýst myndin
aðallega um grimmilega refsingu
sjálfshjálparloddara sem hefur öðl-
ast frægð og fé með því að þykjast
hafa sloppið lifandi úr klóm Jigsaw.
Arftaki morðingjans sættir sig ekki
við svona lagað og kemur öllu sam-
starfsfólki og eiginkonu hrappsins
fyrir í flóknu völundarhúsi morðtóla
og gefur svindlaranum möguleika á
að bjarga vinum sínum með því að
leggja á sig ýmsar píslir.
Saw 3D er í raun ruglingsleg
runa af ógeðslegum splatterum sem
vissulega koma stundum við kaunin
á áhorfendum og skila þannig hlut-
verki sínu. Hins vegar er söguþráð-
urinn óþarfur og álíka áhugaverður
og söguþráður í klámmynd þar sem
hann þjónar í raun þeim tilgangi ein-
um að réttlæta viðbjóðinn og tengja
dauðasenurnar saman.
Auðvitað er ekki hægt að segja að
Saw 3D valdi vonbrigðum þar sem
búið er að kreista síðasta blóðdrop-
ann úr myndabálkinum fyrir löngu
og þessi mynd er nákvæmlega það
sem fólk mátti búast við: grunn og
óspennandi blóðsúpa með tilheyr-
andi öskrum og angist.
Þórarinn Þórarinsson
Er þetta ekki örugglega búið núna?
Glaumgosi gegn glæpamönnum
Fyrsta ofurhetjumynd ársins, The Green Hornet, kemur í bíó um
helgina en þar leikur Seth Rogen glaumgosann Brit Reid sem gerir
stefnubreytingu eftir sviplegt og dularfullt dauðsfall föður síns. Það
er ekki nóg með að hann erfi fjöl-
miðlaveldi föður síns heldur tekur
hann upp á því að fela sig á bak við
grímu og berja á glæpahyski. Honum
til halds og trausts er Kato, einhver
ötulasti starfsmaður föður hans, en
sá er býsna fimur þegar kemur að
handalögmálum. Sjálfur Bruce Lee
lék Kato í sjónvarpsþáttum um The Green Hornet laust fyrir 1970 en
nú er persónan í höndum Jay Chou sem er stór poppstjarna í Taívan
og Kína. Cameron Diaz er einnig í hópnum og Christoph Waltz, sem
fór eftirminnilega á kostum sem gyðingaveiðari í Inglorious Basterds,
leikur höfuðóvin tvíeykisins. Michel Gondry, sem á að baki myndir
eins og Eternal Sunshine of the Spotless Mind og Human Nature, leik-
stýrir hasarnum sem allur er í léttum dúr og þrívídd eins og tíðkast
svo mjög þessi misserin.
John Wayne barðist eins og ljón í True Grit árið 1969.
Green Hornet
og Kato láta
hart mæta
hörðu.
Feigum er í hel komið af mikilli hug-
myndaauðgi í Saw 3D.
Svanasöngur
Hustons
Bíó Paradís heldur
sígildum og sjaldséðum
kvikmyndum að fólki
í bland við nýrra efni.
Svanasöngur Johns
Huston, The Dead, er
á meðal þeirra mynda
sem sýndar eru í Bíó
Paradís núna. Þessi
síðasta mynd Houstons
er jafnan talin vera
meðal hans bestu en
hún byggist á þekktri
smásögu eftir James
Joyce. Myndin fjallar
um jólaboð í Dublin þar
sem ýmsir furðufuglar
koma saman á heimili
tveggja piparkerlinga.
Murnau kemur
til Bandaríkjanna
Leikstjórinn F.W. Murnau var einn af
höfuðpáfum þýska expressjónismans og er
ekki síst þekktur fyrir gráu sinfóníuna sína,
Nosferatu, sem gerð var eftir skáldsögunni
Dracula árið 1922. Hann haslaði sér síðar
völl í Hollywood en fyrsta myndin hans þar
var Sunrise – A Song of Two Humans frá
árinu 1927. Þessi þögla mynd hlaut á sínum
tíma þrenn Óskarsverðlaun og er talin eitt
af meistaraverkum kvikmyndasögunnar.
Myndin segir frá tálkonu sem reynir að fá
kvæntan bónda til að koma eiginkonu sinni
fyrir kattarnef.
Pælt í framhaldi Red
Bruce Willis var í fararbroddi hóps rosk-
inna njósnara á eftirlaunum sem tóku upp
fyrri iðju þegar skúrkar tóku að herja á þá í
spennumyndinni Red. Myndin skilaði fram-
leiðendum sínum vænum fúlgum þannig að
ákveðið hefur
verið að kanna
möguleika
á framhaldi.
Handritshöf-
undar Red eru
þegar byrjaðir
að kasta á milli
sín hugmyndum en enn er þó langt í land
og alls óvíst hvort af nýrri mynd verður.
Enda gæti það eitt orðið þrautin þyngri að
smala saman á ný þeim Willis, John Malko-
vich, Helen Mirren og Brian Cox.