Fréttatíminn - 21.01.2011, Side 62

É g leik Karen sem er svaka skvísa. Hún kemur inn sem nýr starfs-kraftur á vinnustað Lilju, sem er
aðalpersónan í þáttunum,“ segir Alexía.
„Karen er hipp og kúl, alltaf í flottum föt-
um og fer alveg sérstaklega í taugarnar
á Lilju sem þolir til dæmis illa hversu mjó
Karen er.“
Alexía lauk BA-prófi í leiklist frá Art-
sEd London School of Acting og hefur leik-
ið á sviði, í stuttmyndum og sjónvarps-
auglýsingum.
„Ég hef mest verið í því að fá leikara
í prufur til mín síðastliðin ár og fannst
mjög ánægjulegt þegar ég var beðin að
koma í prufu fyrir Makalaus. Fjöldi leik-
ara var boðaður í þessar prufur þannig
að það var voðalega gaman að hreppa
hlutverkið.“
Makalaus er frumraun Alexíu í leik í
sjónvarpsþáttum og hún skemmtir sér
konunglega í vinnunni. „Það er voða
gaman að fara að leika aftur. Fyrir mér
er það líka alveg nýtt að leika í svona
gamanþáttum og mér finnst þetta hrika-
lega spennandi og skemmtilegt. Og það
var alveg kominn tími til að dusta aðeins
rykið af listagyðjunni. Handritið er líka
rosalega flott, ferlega skemmtilegt með
miklum húmor þannig að það er mjög
skemmtilegt að takast á við þetta og svo
er nú ekki verra að fá að leika á móti
reyndum manni eins og Helga Björns-
syni. Maður kvartar ekki yfir því.“
Tobba Marinós sló í gegn með bók
sinni Makalaus í sumar þar sem hún
skoðaði meðal annars stefnumótamenn-
inguna á Íslandi og samskipti kynjanna
með augum aðalpersónunnar Lilju.
Tobba hefur fylgst náið með aðlögun
bókar sinnar að sjónvarpsþáttaforminu
en þótt hún sé þekkt fyrir að liggja ekki
á skoðunum sínum, andar hún ekki ofan
í hálsmál leikaranna á tökustað. „Hreint
ekki. Hún er eiginlega alltof lítið hérna
og er voðalega stillt og róleg á kantinum.“
Upptökur af þessu tagi eru mjög tíma-
frekar og standa oft yfir næturlangt þann-
ig að ætla má að starfið reyni á fjölskyldu-
lífið. „Það er nú mesta furðu hvernig
þetta leysist alltaf einhvern veginn en
þegar maður stendur í svona munar líka
um að eiga góðan maka,“ segir Alexía
glettin. Guðmundur Steingrímsson,
þingmaður Framsóknarflokksins, er
sambýlismaður Alexíu og þrátt fyrir
annir og læti í þinginu segir Alexía hann
koma sterkan inn heima fyrir. „Hann er
vænsta skinn og er til dæmis að ryksuga
núna,“ segir Alexía sem átti langa töku-
nótt fyrir höndum þegar Fréttatíminn
náði tali af henni. toti@frettatiminn.is
 alexía Björg Ógnar lilju í Makalaus
 Bo nesBö Dýr seM ættu ekki að vera til
Leikur á meðan þing-
maðurinn ryksugar
Leikkonan Alexía Björg Jóhannesdóttir hefur verið upptekin við annað en leiklist undanfarin ár en
snýr nú aftur í hlutverki rosalegrar skutlu í gamanþáttunum Makalaus sem hefja göngu sína á Skjá
einum í febrúar. Sambýlismaður hennar, Guðmundur Steingrímsson alþingismaður, heldur heimil-
inu gangandi á meðan Alexía er föst í tímafrekum tökum þar sem hún skemmtir sér konunglega.
v argfuglinn Vultura glitnirus er ein þeirra furðuskepna sem koma við sögu í barnabók norska rithöfundar-
ins Jo Nesbö. Samkvæmt bókinni er Glitnisgammurinn
skaðræðisskepna sem á sitt varnarþing á Íslandi en hefur
borist víða um Evrópu og hefur ekki síst skotið fólki skelk
í bringu á Bretlandseyjum. Skepnan er sögð vera með
sérlega sterkar klær og að hún sé illa liðin í Evrópu þar
sem fólk er skíthrætt við hana.
Jo Nesbö er einna þekktastur hér á landi fyrir glæpa-
sögur sínar um drykkfellda rannsóknarlögreglumanninn
Harry Hole sem starfar í Ósló. Nesbö er þó ekki maður
einhamur og er einnig tónlistarmaður og höfundur barna-
bókanna um Doktor Proktor sem njóta mikilla vinsælda í
Noregi og víðar. Og það er einmitt í bókinni Doktor Proktor
og dýr sem þú vildir að væru ekki til (Dyr du skulle önske
ikke fantes) sem óværunni frá Íslandi eru gerð skil. Í bók-
inni er þess getið að Vultura glitnirus hafi farið stöðugt
fjölgandi í Noregi til ársins 2008 en þá hafi stofninn nánast
þurrkast út á einni nóttu.
Fuglinn er sagður gjarn á að læsa klóm sínum í sparifé
fólks og takist honum það sé óhætt að afskrifa þann pening
en illfyglið flýgur með öll verðmæti sem hann kemst yfir
heim á sögueyjuna. Þá fylgir sögunni að örfá dýr hafi verið
fönguð og sett í búr á Íslandi.
Norsk börn eru yfir sig hrifin af furðudýrum Nesbös
sem best væri að væru ekki til og nú hefur verið opnuð
sýning með skúlptúrum af fyrirbærunum í Náttúrugripa-
safni Óslóar. -þþ
Glitnisgammurinn hrellir börn í Evrópu
Hann er
vænsta
skinn og er
til dæmis
að ryksuga
núna.
62 dægurmál Helgin 21.-23. janúar 2011
Alexía er mætt til leiks sem leikkona á ný og finnst ákaflega spennnandi að spreyta sig í sjónvarpsþáttunum Makalaus þar sem hún leikur klassapíu sem
gerir aðalpersónunni lífið leitt.
Handboltinn
lyftir Rás 2
HM í handbolta hefur þó
nokkur áhrif á fjölmiðla-
notkun þjóðarinnar og
samkvæmt áhorfs- og
hlustunarmælingum í vikunni
var Rásin með 36% heildar-
hlustun og þá um leið með
mesta hlustun allra stöðva.
Beinar lýsingar frá leikjum ís-
lenska handboltalandsliðsins
hafa þarna sitt að segja en
fyrsti leikurinn á föstudaginn
var fékk 11% meðalhlustun
og 25% uppsafnaða hlustun
á Rás 2 sem þýðir að tæplega
60 þúsund Íslendingar stilltu
á Rás 2 á meðan á leiknum
stóð. Upphafsleikur Íslands
á HM á móti Ungverjum fékk
mesta uppsafnaða áhorfið í
vikunni eða 52%. Leikurinn
var í opinni dagskrá á Stöð 2
sport. Þess má geta í þessu
sambandi að fyrsti leikur Ís-
lands á EM í handbolta í fyrra
fékk 75% áhorf í Ríkissjón-
varpinu.
Útvarps- og veislustjóri
Bolli Kristinsson, oft kenndur við 17, fagnaði 60 ára
afmæli sínu á Hótel Borg í síðustu viku. Fjöldi góðra gesta
heiðraði Bolla með nærveru sinni og fornvinur hans Páll
Magnússon útvarpsstjóri stýrði veislunni með sínum
alkunna glæsibrag. Bubbi Morthens var í hópi þeirra
sem skemmtu veislugestum. Miðborgarstjórinn Jakob
Frímann Magnússon var í hópi
gesta og hafði vökul augu á
samkomunni og átti orðastað við
sjúkraflutningamenn, sem starfs-
fólk veitingastaðarins kallaði til
eftir að ung kona fékk flogakast,
og sá til þess af sínu annálaða
öryggi að sjúkraflutningurinn
gengi snuðrulaust fyrir sig.
Latur án
Dorritar
Ólafur Ragnar Gríms-
son og eiginkona hans,
Dorrit Moussaieff,
rækta líkamann af
talsverðri elju í Grand
Spa í Sigtúni og vekja að
vonum athygli annarra
gesta sem puða á
hlaupabrettunum enda
glæsilegt par. Eftir því
hefur verið tekið að Dor-
rit leiðir líkamsæfingar
þeirra hjóna og hún
rekur sinn mann áfram
af nokkurri harðfylgni.
Forsetinn á það þó til að
Fuglinn er
sagður gjarn á
að læsa klón-
um í sparifé
fólks.
koma einn og þá slær hann heldur slöku við og fer sér mun
hægar en þegar frúin bregður sér í hlutverk einkaþjálfara.
Grænn kostur
Skólavörðustíg 8
101 Reykjavík
Sími: 552 2028
www.graennkostur.is
Ómótstæðileg
hráfæðiskaka
og frítt kaffi
Komdu við á Grænum kosti
og prófaðu hina geysi vinsælu
hráfæðisköku. Við bjóðum frítt
kaffi með kökusneiðinni.
Tilboðið gildir til 23. janúar.