Prentarinn - 01.03.1985, Blaðsíða 20
fulltrúi FBM í þessari nefnd er Ársæll
Ellertsson.
Áhafnir á prentvélum
Ákveðið var að gerð yrði úttekt á því
hjá öllum aðildarfélögum, hver staðan
væri varðandi áhafnir á prentvélum og
jafnframt að þau settu fram sínar
skoðanir á málinu. Tilgangurinn er sá
að reisa sameiginlega kröfu í þessu
sambandi. Menn voru sammála um
það að nauðsynlegt væri að hraða
þessu máli því ástandið væri víða
slæmt og í allt of miklum mæli háð
dutlungum atvinnurekenda.
Skýrslur aðildarfélaga
Einn stærsti þáttur ársfundanna eru
skýrslur aðildarfélaganna og var það
svo einnig nú. I þeim kemur ekki ein-
ungis fram hin faglega staða í hverju
landi, einnig hin pólitíska. Af aðildar-
löndum NGU eru það nú einungis Sví-
þjóð og Finnland sem njóta þess að
búa við ríkisstjórnir sem hafa það að
markmiði að stjórna í þágu heildarinn-
ar. í hinum löndunum sitja við
stjórnvölinn ríkisstjórnir sem starfa í
þeim anda að gera hina ríku ríkari og
þá fátæku fátækari, enda sækja þær
sínar fyrirmyndir til örgustu aftur-
haldsafla í Ameríku og Englandi. Stað-
reyndirnar komu jafnframt fram:
verkalýðshreyfingin í Svíþjóð og Finn-
landi höfðu náð mun betri árangri en í
hinum löndunum í síðustu samnings-
gerðum auk þess sem löggjafinn stóð
vörð um réttindi fólks.
Stjórnarkjör
Að þessu sinni rann út kjörtímabil
stjórnar NGU og fór því fram stjórnar-
kjör. I stjórnarkjörinu var farið að
tillögu uppstillinganefndar og voru eft-
irtaldir kosnir í stjórn: Áke Rosen-
quist, formaður, Kjell Christoffersen,
ritari, Yngve Eriksson, gjaldkeri og
meðstjórnendur voru kosnir: Pentti
Levo, Kaj Pedersen og Börge Geert-
sen. Varamenn voru kjörnir: Valter
Carlsson, Göran Söderlund, Per
Thorkildsen, Tom Durbing, Magnús
Einar Sigurðsson og Pekka Lahtinen.
Þing IGF
Umfjöllun um þing IGF tók nokkurn
tíma ársfundarins, en þingið er í haust.
Samstaða var um að félag hvítra bóka-
gerðarmanna í Suður-Afríku skyldi
rekið úr IGF, enda kúgun hinna hvítu
á svörtum í því landi sjaldan verið
meiri og ómanneskjulegri. Þá kom
fram sameiginleg afstaða til tillagna
um lagabreytingar.
Ákveðið var að framlag Nordisk
Grafisk Union til samstöðusjóðs IGF
yrði að þessu sinni 20 þúsund sænskar
krónur. Ársfundurinn var sammála
um að styðja Erwing Ferleman frá
Þýskalandi sem formann IGF. Sam-
staða var um að stinga upp á Pentti
Levo sem varaformanni og sem full-
trúum í stjórnkerfi IGF þeim Áke
Rosenquist, Kaj Pedersen, Pekka
Lahtinen og Jörn Nielsen.
Góð vika með góðum
félögum
Þá viku sem félagar okkar dvöldu hér
á íslandi var einn dagur notaður til
þess að skoða náttúru Islands. Flogið
var til Húsavíkur og farið með rútum
um sveitirnar í kring. Veðrið var gott
og voru allir sammála um að þetta
hefði verið hin ánægjulegasta ferð, og
kemur það svo sannarlega fram í skrif-
um fagblaðanna á Norðurlöndum um
dvölina á íslandi, en þau hafa fjallað
mikið um þennan ársfund og stöðuna
á íslandi. í blaði Dansk Typograf-For-
bund er m. a. greint frá heimsókn í
Prentsmiðjuna Odda.
í niðurlagi þessarar greinar af fundi
Stefán Ögmundsson sýnir NGU fólki bókasafn
FBM og vakti það verðskuldaða athygli.
Guiimt
• *
r • ■.
Danskir félagar koma í heimsókn til FBM.
NGU á íslandi er ekki óeðlilegt að
minna á að Karl Marx vissi svo sannar-
lega hvað hann var að segja þegar
hann sagði: „Öreigar í öllum löndum
sameinist“. Þessi fundur endurspegl-
aði gildi samstöðu verkafólks yfir
landamæri og félagsmenn FBM kynnt-
ust því í raun hvers virði það er að
njóta stuðnings stéttarsystkina í öðr-
um löndum í þeim átökum sem at-
vinnurekendur neyddu okkur í á s. 1.
hausti. mes
20
PRENTARINN 3.5.'85