Aðventfréttir - 01.11.2007, Blaðsíða 17

SEINNI LAUGARDAGUR
Þegar Guð endurskapar alla hluti
Eftir Ellen G. White
Endurkoma Krists stendur fyrir dyrum. Hann hét
lærisveinunum því nokkru fyrir uppstigninguna að
hann kæmi aftur. „Hjarta yðar skelfist ekki," sagði
hann, „[ húsi föður míns eru mörg
híbýli.........ég fer að búa yður stað, og þegar ég er farinn
burt og hef búið yður stað, kem ég aftur og tek yður til mín
svo að þér séuð einnig þar sem ég er“ (Jh 14.1-3).
Kristur mun koma aftur í skýjum himinsins í mætti og
mikilli dýrð. Ótölulegur fjöldi skínandi engla verður í för með
honum. Hann mun koma til að heiðra þá sem elska hann og
breyta samkvæmt vilja hans og taka þá til sín. Hann hefur
ekki gleymt sínum né fyrirheiti sínu.
Fjölskyldur munu sameinast á ný. Þegar við kveðjum
ástvin hinstu kveðju þá höfum við fyrir hugskotssjónum okkar
þegar básúnur Guðs munu hljóma og „dánir munu upp rísa
óforgengilegir, og vér munum umbreytast" (1Kor 15.52).
Þessi tími stendur fyrir dyrum. örstund enn og við munum
sjá konung konunganna í allri sinni dýrð. Örstund enn og
hann mun færa hina frelsuðu „fram fyrir dýrð sína, lýtalausa í
fögnuði" (Jd 24).
Jörðin endursköpuð
Mannleg tunga fær ekki lýst því sem bíður hinna frelsuðu.
Það verður eingöngu reynsla hinna endurleystu þar sem hinn
sanni hirðir mun leiða hjörð sína að uppsprettum hins lifandi
vatns. Á hverjum mánuði munu þeir njóta ávaxta lífsins trés
og lauf þess verða til lækningar þjóðunum. Á bökkum kristal-
tærra ánna sem aldrei þverra veitir laufskrúð trjánna þeim
forsælu sem endurleystir eru í Drottni. Víðáttumiklar sléttur
renna saman við ómælisfagrar hæðir og háreistir fjallatindar
vitna um dýrð og dásemd Guðs. Það er á þessum friðsælu
sléttum, við hið lifandi vatn, sem hinir endurleystu munu búa.
Að baki er hin langa þjáningarganga.
„Þá skal þjóð mín búa í heimkynni friðarins, í híbýlum ör-
uggleikans og í rósömum bústöðum" (Jes 32.18). „Eigi skal
framar heyrast getið um ofríki í landi þínu, né um tjón og tor-
tíming innan landamerkja þinna. Þú skalt kalla Hjálpræði
múra þína og Sigurfrægð hlið þín“ (Jes 60.18).
„Þeir munu reisa hús og búa í þeim, og þeir munu planta
vingarða og eta ávöxtu þeirra. Eigi munu þeir reisa og aðrir í
búa, eigi munu þeir planta og aðrir eta........... og mínir
útvöldu skulu sjálfír njóta handaverka sinna" (Jes 65.21-22).
öll tár eru að baki, tími líkfylgda liðinn, sorgin endanlega
horfin. „Og hann mun þerra hvert tár af augum þeirra. Og
dauðinn mun ekki framar til vera, hvorki harmur né vein né
kvöl er framar til. Hið fyrra er farið" (Op 21.4) „Og enginn
borgarbúi mun segja: Ég er sjúkur. Fólkið, sem þar býr, hefir
fengið fyrirgefning misgjörða sinna" (Jes 33.24).
Réttlætiö mun ríkja á hinni nýju jörð. „Þetta eru þeir, sem
komnir eru úr þrengingunni miklu og hafa þvegið skikkjur
sínar og hvítfágað þær í blóði lambsins. Þess vegna eru þeir
frammi fyrir hásæti Guðs og þjóna honum dag og nótt í
musteri hans, og sá, sem í hásætinu situr, mun tjalda yfir
þá“ (Opb 7.14-15). 1
Samfélag með Jesú
Jesús mun á þessum tíma fara fyrir fólki sínu að vatni lífsins
og veita því innsýn í ómælisdjúp sannleikans. Hann mun
opna augu þess fyrir undrum náttúrunnar. Það mun sjá sem í
víðsjá snilli hins mikla listamanns í litadýrð blómanna og djúp-
stæðan undirtón tilverunnar úr hendi hins miskunnsama föður
alls, sem útdeilir sérhverjum Ijósgeisla. Með heilögum
englunum munu hinir endurleystu syngja Guði lof og dýrð fyrir
dásemdarverk hans gagnvart vanþakklátum heimi...2
Innan skamms munum við líta hin fyrirheitnu heimkynni
okkar. Þar mun Jesús leiða okkur meðfram lífsins lindum
sem spretta fram undan hásæti Guðs. Hann mun opna augu
AÐVENTFRÉTTIR • Nóvember 2007