Fréttatíminn - 17.05.2013, Blaðsíða 58

58 skák og bridge Helgin 17.-19. maí 2013
 Skákakademían nú geta allir teflt á íSlandSmótinu í Skák
100 ár síðan fyrst var teflt um Íslandsmeistaratitilinn!
V ikublaðið Reykjavík birti merka frétt árið 1913 um fyrsta Skákþing Ís-
lands. Taflfélag Reykjavíkur stóð
að mótinu, enda var Skáksam-
band Íslands ekki stofnað fyrr en
tólf árum síðar á Blönduósi. Alls
hófu 13 skákmenn keppni á þessu
sögulega móti, en einn heltist úr
lestinni. Pétur Zóphóníasson sigr-
aði af miklu öryggi á mótinu, hlaut
10 vinninga af 11 mögulegum,
og varð því fyrstur manna til að
hljóta sæmdarheitið Skákmeistari
Íslands. Sigurlaunin voru vegleg:
Marmarataflborð sem Willard
Fiske gaf, en hann er mestur vel-
gjörðarmaður sem Ísland hefur
eignast, og auk þess forláta Staun-
ton-taflmenn, sem kenndir eru
við enska skákjöfurinn Howard
Staunton (1810-1874) en hann var
einn helsti meistari 19. aldar. Verð-
launagripnum fylgdi þó sú kvöð,
að enginn ynni það til eignar fyrr
en eftir þrjá sigra í röð. Reglur um
Skákmeistara Íslands voru í þann
tíð sniðnar að því sem þá tíðkaðist
með heimsmeistaratitilinn, og varð
að sækja titilinn í greipar ríkjandi
meistara í einvígi. Pétur hélt titli
sínum til ársins 1917, en þá var
komið að hinum fjölhæfa snillingi
Eggert Gilfer, sem varð meistari
alls sjö sinnum á aldarfjórðungs-
tímabili, síðast 1942.
Nú er sem sagt öld liðin frá
fyrsta Skákþingi Íslands. Á þess-
um 100 árum hafa alls 36 skák-
menn sigrað á mótinu. Allra manna
sigursælastur er Hannes Hlífar
Stefánsson, sem á árunum 1998
til 2010, varð alls ellefu sinnum Ís-
landsmeistari. Á þessu tímabili var
sigurganga Hannesar aðeins rofin
árið 2000, þegar Jón Viktor Gunn-
arsson sigraði og 2009, þegar dan-
skættaði stórmeistarinn Henrik
Danielsen sigraði. Árið 2011 var
röðin svo komin að Héðni Stein-
grímssyni, en hann sigraði fyrst
á mótinu 1990 og var þá aðeins 15
ára, og yngstur allra í sögunni til
að verða Íslandsmeistari.
Af öðrum sigursælum kempum
ber fyrstan að nefna Friðrik Ólafs-
son. Hann tefldi fyrst á Íslands-
mótinu 1951, þá aðeins 16 ára. Frið-
rik lenti í 2. sæti – á eftir Lárusi
Johnsen – en árið eftir urðu þeir
Friðrik og Lárus jafnir og efstir,
og þá sigraði ungi snillingurinn
í einvígi. Eftir þetta varð Friðrik
Íslandsmeistari í hvert skipti sem
hann tefldi á Íslandsmótinu, og sex
sinnum alls. Stórmeistararnir Jó-
hann Hjartarson og Helgi Ólafsson
hafa líka sex sinnum orðið Íslands-
meistarar, en af öðrum kunnum
kempum má nefna Jón L. Árnason
(3), Guðmund Sigurjónsson (3) og
Margeir Pétursson (2).
Í þessari hundrað ára sögu
hefur Skákþing Íslands jafnan
verið lokað öðrum en allra bestu
skákmönnum Íslands, en í til-
efni af afmælinu hefur Skáksam-
band Íslands tekið þá ánægjulegu
ákvörðun að halda opið mót, þar
sem allir skákáhugamenn geta
verið með. Íslandsmótið fer fram
dagana 31. maí til 8. júní og verður
teflt við glæsilegar aðstæður á
efstu hæð í Turninum í Borgartúni.
Útsýnið þaðan yfir alla Reykjavík
og nærsveitir ætti að verða góður
innblástur fyrir meistara af öllum
stærðum og gerðum, en vonast er
til að keppendur verði allt hundrað.
Og það eru sem sagt allir velkomn-
ir: stigaháir sem lágir, strákar og
stelpur, ungir sem aldnir. Þetta eru
í fallegu samræmi við einkunnar-
orð skákhreyfingarinnar: Við
erum ein fjölskylda.
Allar upplýsingar um mótið má
finn á skák.is og eru áhugasamir
hvattir til að skrá sig sem fyrst á
þetta sögulega mót!
skákþrautin
Hvítur leikur
og mátar!
Hér lék hvítur Rxh7 og er
í góðum málum. En hvítur
átti kost á ennþá betri
leik, sem klárar taflið á
svipstundu.
H in árlega Kjördæmakeppni Bridge-sambands Íslands var haldin um helgina 11. - 12. maí. Keppt er sam-
kvæmt gömlu kjördæmaskipuninni á Íslandi
og að þessu sinni var keppt á Akureyri, nán-
ar tiltekið í Brekkuskóla að Laugargötu.
Keppnin var jöfn framan af, en sterkt lið
Reykjavíkur náði góðri forystu með sterkum
sigri 91-29 gegn liði gestanna í sjöttu umferð
af níu. Reykjavík lét forystuna ekki af hendi
og vann næsta öruggan sigur í lokin. Loka-
staða efstu kjördæma varð þannig:
1. Reykjavík ........................................................... 620
2. Suðurland ......................................................... 580
3. Norðurland eystra ........................................... 570
4. Norðurland vestra ........................................... 566
5. Reykjanes ......................................................... 554
6. Færeyjar ........................................................... 522
Lið Reykjavíkur var skipað Arngunni Jóns-
dóttur, Friðjóni Þórhallssyni, Guðlaugi
Sveinssyni, Guðjóni Sigurjónssyni, Guðnýju
Guðjónsdóttur, Guðrúnu Jóhannsdóttur,
Gunnlaugi Karlssyni, Halldóri Þórvaldssyni,
Ísaki Erni Sigurðssyni, Jóni Ingþórssyni,
Ómari Olgeirssyni, Magnúsi Sverrissyni,
Sigtryggi Sigurðssyni, Sigrúnu Þorvarðar-
dóttur, Sveini Rúnari Eiríkssyni og Sveini
Þorvaldssyni. Ákveðið var að spilað verði á
næsta ári í Færeyjum, en Færeyingar hafa
undanfarin ár tekið þátt í þessu móti. Lið
þeirra náði einnig besta árangri sínum frá
upphafi. Að venju voru þar mörg áhugaverð
spil. Í síðustu umferð mótsins hélt austur á
♠D932 ♥974 ♦ÁG932 ♣D
Á borðinu þar sem Gunnlaugur Karlsson í
sveit Reykjavíkur sá hann eftirfarandi sagn-
ir, norður gjafari og enginn á hættu:
Norður austur suður vestur
Pass pass 1 lauf* pass
1 tígull* dobl 3 lauf pass
3 grönd p/h
Laufopnunin var sterk (Precision), 1 tíg-
ull var afmelding (0-7 punktar) og Gunn-
laugur opnaði til að láta vita af styrk í tígli
með dobli. Hann þurfti síðan að finna útspil
gegn 3 gröndum. Það tók hann ekki langan
tíma að finna spaða út og vildi ógjarnan gefa
fyrsta slaginn á tígul. Vörnin tók á spaðaás-
inn og tígulslagina. Þrjú grönd voru spiluð á
16 borðum af 40 og 12 þeirra fengu að standa
spilið. Þremur gröndum var aðeins hnekkt á
4 borðum. Fimm lauf voru einnig spiluð á 16
borðum og stóðu á 12 þeirra. Þau fóru nið-
ur á 4 borðum þegar spaðahittingur fannst
ekki. Allt spilið var þannig:
Bikarkeppni BsÍ
Skráning í Bikarkeppni Bridgesambands
Íslands er hafin og eru keppendur beðnir
um að skrá sig fyrir 20. maí. Dregið verður í
sumarbridge miðvikudaginn 22. maí í Síðu-
múlanum. Núverandi bikarmeistarar er sveit
Karl Sigurhjartarsonar.
Einmenningur Br
Síðasta keppni Bridgefélags Reykjavíkur var
einmenningur sem spilaður var þriðjudags-
kvöldið 14. maí. Jón Baldursson hefur verið
sigursæll í keppnum tímabilsins hjá félaginu
og hann leit ekki deigan síga í einmennings-
keppninni og hafði sigur þar. Lokastaða
efstu spilara í þeirri keppni varð þannig:
1. Jón Baldursson ................................................ 171
2. Ómar Olgeirsson ............................................ 170
3.Kjartan Ásmundsson ....................................... 169
4. Skúli Skúlason ................................................ 168
 Bridge Skráning í Bikarkeppni BridgeSamBandS íSlandS er Hafin
Reykjavík sigraði í kjördæmakeppni BSÍ
Lausn: 1.Dxg7+!! Hxg7
2.Hh5+ Hh7 3.Hxh7
SPJALD
TÖLVU
TILBO
Ð
9.990
Notaðar
og lítið
útlitsgal
laðar
spjaldtö
lvur á ót
rúlegu t
ilboði
meðan b
irgðir en
dast á v
erði frá
SMELLTUÁ KÖRFUNA
NETBÆKLINGUR Á
WWW.TOLVUTEK.IS
MEÐ GAGNVIRKUM
KÖRFUHNAPP
Tölvutek • Reykjavík • Borgartúni 31 • 563 6900 • Akureyri • Undirhlíð 2 • 430 6900 • www.tolvutek.is
Lið Reykjavíkur var að
vonum ánægt með sigur-
inn í Kjördæmamótinu á
Akureyri.
♠104
♥KG86
♦K754
♣985
♠KG8
♥Á3
♦6
♣ÁKG10742
♠ Á765
♥ D1052
♦ D108
♣ 63
♠ D932
♥ 974
♦ ÁG932
♣ D
n
s
V a
Hannes H. Stefánsson
sigursælasti meistarinn
í 100 ára sögu Íslands-
mótsins í skák. Hefur 11
sinnum orðið Íslands-
meistari.
Goðsögnin Friðrik Ólafs-
son. Tefldi sjö sinnum á
Íslandsmótinu og varð
sex sinnum meistari.
Pétur Zóphóníasson
sigraði á fyrsta Íslands-
mótinu fyrir réttri öld.